Ўзбекистон республикаси қурилиш вазирлиги ўзбекистон республикаси

Бетондаги йирик тўлдирувчиларнинг алоҳида фракциялари таркиби
15.3-жадвал

Тўлдирувчининг йириклиги, мм	Йирик тўлдирувчи фракцияларининг таркиби, %
	5 дан 10мм гача	10 дан 20мм гача	20 дан 40мм гача	40 дан 80мм гача	80 дан 120мм гача
10	100	-	-	-	-
20	25-40	60-75	-	-	-
40	15-25	20-35	40-65	-	-
80	10-20	15-25	20-35	35-55	-
120	5-10	10-20	15-25	20-30	30-40

Тўлдирувчи ҳосил қилган каркаснинг зичлиги ҳам заррачаларнинг шаклига боғлиқ. Шунинг учун йирик тўлдирувчи сифати унинг завррачалари шакли билан белгиланади. Табиий тошни майдалаш орқали олинган тўлдиргич заррачаларининг шакли тоғ жинси турига, тузилиши ва текстурасига, шунингдек ишлатиладиган майдалаш қурилмасига боғлиқ.

Заррачанинг юзасини унинг ҳажмига нисбати минимал қийматига эга куб ёки тетраэдрга яқин шаклдаги майдаланган тошдан фойдаланиш тавсия этилади. Шағалдан фойдаланиш зичроқ каркас ҳосил қилишга, бўшлиқларнинг камайишига имкон беради ва шу билан бирга чақиқ тош асосидаги бетонни шағал асосидаги бетон билан солиштирганда унда цемент тошининг миқдорини камайтиришга имкон беради.
Бетон учун ишлатиладиган чақиқ тош таркибида пластинка ва игна шаклидаги заррачалар миқдори масса бўйича 50% гача бўлиши мумкин. Қалинлиги ёки эни узунлигидан 3 баравар кам ва ундан ҳам кўп бўлган заррачалар пластинка ва игна шаклидаги заррачалар ҳисобланади.
Бундай шаклдаги заррачалар бетон аралашмасининг қулай жойланувчанлигини пасайтиради ва зичланиш пайтида улар бир текисликда жойлашиб қолиши мумкин, бу эса бетоннинг бир жинслилигига ва узоққа чидамлилигига салбий таъсир қилади. Чақиқ тош таркибидаги пластинка ва игна шаклидаги заррачалар миқдорига қараб 5 гуруҳга бўлинади (ГОСТ 8267). Гуруҳлар боғлиқлигига қараб, заррачаларнинг рухсат этилган миқдори 10 дан 50% гача ўзгариб туради. Бундай заррачаларнинг миқдорини, йирик тўлдиргичлар таркибида оширишга йўл қўйилади. Бунда бетон аралашмасининг зичлиги ва қулай жойланувчанлиги талабга жавоб бериши ва цемент сарфи кўпаймаслиги керак.