Ўзбекистон республикаси қурилиш вазирлиги ўзбекистон республикаси

Қуйма яхлит декоратив бетон юзасига фактура ясаш усули
Буни амалга ошириш учун, ашёларни ашё опалубкани юзаси декоративлиги инобатга олинади. Декоратив бетон қотгандан кейин юзада опалубкадаги расм изи тушади. Расм, ёғоч опалубка тахтачаларининг текстурасидаги қолдирилган изи ёрдамида ҳам юзага келиши мумкин.
Хозирги пайтларда қуйма яхлит бетоннинг янги турлари ишлаб чиқарилмоқда. Яъни декоратив бетон юзаси табиат хусни ва рангига мослаштирилади. Бундай декоратив бетонни “натурбетон” деб аталади. Натурбетонни ишлаб чиқариш, радиал кесимли ёғоч опалубка ёрдамида, ювилган ва ажратиб олинган гранитли тўлдиргичлардан қилинади. Рангли тўлдиргичлар қўшилган декоратив бетон қоришмасини зичлаш ва тебратиш усули билан тайёрланди. Кейин жараёнда, кимёвий қўшилмалар кўшилади.
Декоратив бетон қотганидан сўнг, унинг юзаси юқори босимда қумсепувчи мослама ёрдамида тўлдиргичлар рангли фактураси очилади. Ушбу мослама ёрдамида бетон юзасига турли ҳил расм ва безаклар берилиши ҳам мумкин.
15.6. Пардозбоп бетон учун комплекс қўшилмалар
Полифнункционал натижа олиш учун бетон учун комплекс қўшилмалар қўлланилади, масалан, бир пайтнинг ўзида бетон қоришмани суюлтирувчи ва қотишини тезлаштирувчи қўшилмалар ва бошқ. Бетонга қўшиладиган комплекс қўшилмаларни беш гуруҳга ажратиш мумкин: фаол юза моддали қоришмалар(1), электролитлар(2), электролит қоришмалар(3), Суперпластификаторли фаол юзали комплекс қўшилмалар(4), мураккаб кўп таркибли комплекс қўшилмалар(5).
- FREAM FAST EXTRA - FREAM П2 ишлатиладиган толали қўшилма бинони эгри ёки қийшиқ қисмларини мустаҳкамлигини оширишда ишлатилади. Толанинг 2 та асосий тури бор: бу пўлат тола ва сунъий тола. Пўлат-тола бетонга қориштирилганда сезиларли равишда унинг зарбага чидамлилиги, ёрилмаслик, узилмаслиги ва бошқа хусусиятлари ортади. Бетоннинг бу тури иншоотларни зилзилабардошлигини, бетон полларнинг мустахкамлигини оширади: ёриқлар пайдо бўлишининг олди олинади; узилиш хавфига мустаҳкамлигини 30% гача оширади.
Бундан ташқари бетон учун базальт толалар ҳам қўшилади. Замонавий қурилиш индустрияси бетон қоришмалари учун янги турдаги қўшилмаларни яратиш бўйича ишларни олиб бормоқда. Масалан, ЛСТ+ CH ёки ЛСТ + ННКХ комплекс қўшилмаларни қўллаш жадал равишда иссиқ нам шароитда ишлов бериш имкониятини яратди. Бундан ташқари бетон қоришмасининг бирикишида сув сарфи 10, 25% гача қисқаради, бетоннинг мустаҳкамлиги 10, 25% гача ошади, шунингдек бетоннинг совуққа чидамлилиги ва сув шиммаслик хусусияти 1,5 марта ортади. Шунингдек, мустаҳкам ва чидамли бетон олиш учун цемент сарфини 8...15% гача қисқартириш мумкин.
Темирбетонларнинг мустаҳкамлигини оширувчи усуллардан яна бири бу хлор бирикмаларидан фойдаланишдир. (15.5-жадвал).