Ўзбекистон республикаси қурилиш вазирлиги термиз давлат университети архитектура ва қурилиш факультети

ЎЗБЕКИСТОН РЕСПУБЛИКАСИ ҚУРИЛИШ ВАЗИРЛИГИ


ТЕРМИЗ ДАВЛАТ УНИВЕРСИТЕТИ


АРХИТЕКТУРА ВА ҚУРИЛИШ ФАКУЛЬТЕТИ


«Транспорт тизимлари ва иншоотлари» кафедраси

“Бетон тўлдирувчилар технологияси”

фанидан курс лойиҳасини бажариш учун


УСЛУБИЙ КЎРСАТМА


ТЕРМИЗ- 2022


Термиз давлат университети ўқув-методик Кенгаши томонидан нашрга тавсия этилган (26.08.2021 йил 1-сонли баённома).

Муаллиф: ўқит. Ахмедов З.Ж. “Бетон тўлдирувчилар технологияси” фанидан курс лойиҳасини бажариш учун услубий кўрсатма.

(Ахмедов З.Ж. , 2022 йил, 11 бет).
Мазкур услубий кўрсатма 5340500 - “Қурилиш материаллари, буюмлари ва конструкцияларини ишлаб чиқариш” йўналиши талабаларига “Бетон тўлдирувчилар технологияси” фанидан курс лойиҳасини бажариш учун тайёрланган.


Тақризчилар: О.Р. Абдумуминов – ТерДУ “Транспорт тизимлари ва иншоотлари” кафедраси ўқитувчиси.
Ф.Х. Турапов – ТерДУ “Транспорт тизимлари ва иншоотлари” кафедраси ўқитувчиси.

Курс лойиҳасининг таркиби
Курс лойиҳасида замонавий илм фан ютуқлари асосидаги илғор технологиялардан фойдаланиб, қурилишда кенг қўлланиладиган керамик қурилиш буюмлари ва ғовак тўлдирувчиларни олишнинг технологик тизими ишлаб чиқилади.
Курс лойиҳсини бажариш жараёнида талаба ўзининг бу фан бўйича назарий билимини чуқурлаштиради, шу билан бирга ўзининг мутахассис сифатидаги муҳандислик билимини ривожлантиради.
Лойиҳанинг ҳисоб-китоб ва тушинтириш учун берган маълумотида талаба чуқур таҳлил қилинган ечимларни, асбоб- ускуналар ҳисобини; энергия ва хом ашё ва меҳнат сарфини асослаб беради.
Курс лойиҳаси ҳисоб-китоб, тушинтириш ҳақидаги маълумотлар ва чизма қисмлардан ташкил топади.
Курс лойиҳасининг ҳисоб-китоб ва тушинтириш ҳақидаги маълумотлар ҳажми 30 бетдан кўп бўлмаслиги керак ва қуйидаги асосий бўлимлардан ташкил топади:

1. 
   Кириш
   
2. 
   Технологик қисм
   
3. 
   Буюм тавсифи
   
4. 
   Технологик схема
   
5. 
   Ҳисоб-китоб қисми:
   

а) корхонанинг ишлаш тартиби;
б) корхонанинг ишлаб чиқариш қуввати;
в) буюм турига боғлиқ холда хомашё ва ярим тайёр маҳсулотлар хисоби;
г) технологик асбоб ускуналарни танлаш ва хисоблаш;
6. Ишлаб чиқариш назорати
7. Техника хавфсизлиги ва мехнат мухофазаси
8. Фойдаланилган адабиётлар рўйхати
1.Кириш
Республикамизда қурилиш соҳасида зич ва ғовак тўлдирувчилар ишлаб чиқаришнинг ривожланиши ҳақида маълумот берилади. Унинг ҳажми 3 бетдан иборат.