Ўзбекистон республикаси қурилиш вазирлиги самарқанд давлат архитектура-қурилиш институти

Фойдаланилган адабиётлар рўйхати
1. Ўзбекистон Республикасининг «Марказий банки тўғрисида»ги Қонуни. - Т.: Шарқ, 1995.
2. Ўзбекистон Республикаси «Банклар ва банк фаолияти тўгрисида»ги. Қонуни. - Т.: Шарқ, 1996.
3. “Ипотека банк” АТИБ Тошкент шаҳар филиали Амалиёт бошқармасининг йиллик ҳисобот маълумотлари.
4. Абдуллаева. Ш.З. Банк рисклари ва кредитлаш. Т., «Молия», 2003.
5. Балабанов И.Т. Риск-менеджмент.- М.: Финансы и Статистика, 1996.
6. Беляков А.В. Банковские риски: проблемы учета, управления и регулирования. – М.: Издательская группа «БЦД-пресс», 2003.
7. Лаврушин О.И. Управление деятельностью коммерческого банка (банковский менеджмент). М. Юристь, 2003
8. Интернет сайтлари:
www.cbu.uz. www. microfinance.uz www.stat.uz


МАВЗУ:ИНВЕСТИЦИЯ ТАВАККАЛЧИЛИГИНИ ПАСАЙТИРИШ ЙЎЛЛАРИ.

1. 
   Инвестиция таваккалчилиги ҳақида тушунча
   

Хорижий инвестицияларнинг ҳажми ва ўсиш суръатлари мамлакат иқтисодиѐтига сармоя киритиш имконияти ва самарадорлигини кўрсатувчи сиѐсий, иқтисодий, ижтимоий, экологик ҳамда бошқа омиллар яхлитлиги ҳисобидан шаклланадиган инвестиция иқлимининг аҳволига боғлиқ. Шунинг учун Ўзбекистон Республикасида қулай инвестиция иқлимини шакллантириш хорижий инвестицияларни жалб қилишнинг ва мамлакат иқтисодий ўсишининг муҳим шартларидан бири бўлиб ҳисобланади.

Давлат миллий иқтисодиѐтга сармоянинг кириши ва унинг устувор соҳаларга қуйилишини таъминлайдиган қулай инвестиция иқлимини яратишга ѐрдам берадиган бозор муносабатларининг бош ислоҳотчисидир.
Хорижий сармоядорлар билан муваффақиятли ҳамкорликка инвесторларнинг янги талабларини мунтазам эътиборга олиш ва сармояни жалб этиш сиѐсатини макромуҳитнинг тез-тез ўзгариб турувчи шарт- шароитларига мувофиқ адаптация этиш билан эришиш мумкин.
Ҳозирги шароитда инвестиция сиѐсатида биринчи даражали эътибор мамлакатнинг хорижий инвесторлар учун инвестиция жозибадорлиги ва инвестиция таваккалчилигини изчил пасайтириб бориш йўлларига берилади.
Инвестиция иқлимининг муҳим унсури инвестиция таваккалчилиги бўлгани учун, инвестиция таваккалчилигини пасайтириш йўллари мамлакатнинг қулай инвестиция иқлимини шакллантиришнинг асосий омилларидан бири бўлиб ҳисобланади.
Бозор муносабатларининг ривожланиб бориши билан, мамлакатимиздаги инвестиция фаолиятини ўзгарувчан иқтисодий муҳит ва ошиб бораѐтган ноаниқлик шароитида амалга оширишга тўғри келмоқда.
Ўтиш даври иқтисодиѐти шароитида, хорижий сармояни фаол жалб этиш ва фойдаланишда, албатта, маълум бир таваккалчилик мавжуд бўлади.
Айни пайтда мамлакат иқтисодиѐтига таъсир кўрсатиши мумкин бўлган ташқи хавф-хатарлар қуйидагилардан иборат:
- жаҳон иқтисодиѐтидаги инқирозлар ва беқарор ривожланиш;
- ривожланган мамлакатларнинг янги технологик укладга ўтиши билан боғлиқ рақобатнинг кучайиши;
- жаҳонда капитал оқимининг беқарорлиги ва тўғридан-тўғри хорижий инвестициялар (ТТХИ) оқимининг қисқариши;
- Ўзбекистондаги анъанавий экспорт товарларига бўлган талабнинг тушиб кетиш эҳтимоли;
- Ўзбекистоннинг асосий савдо шериклари ҳисобланган мамлакатларда иқтисодий ўсиш ва фаолликнинг пасайиши.