Ўзбекистон республикаси транспорт вазирлиги тошкент давлат траспорт университети

расм. Автомобилнинг умумий тузилиши. 1-двигатель; 2-олд ўқ; 3-олд осма; 4-олд тормоз механизми; 5-олд ғилдирак; 6-илашиш муфтаси; 7-узатмалар қутиси; 8- кардан узатма; 9- асосий узатма; 10,11-орқа ўқ; 12-орқа кўприк; 13-орқа тормоз механизми; 14-орқа ғилдирак; 15-рул чамбараги; 16-рул механизми; 17- рул вали; 18-рул трапецияси; 19-кузов.

Трансмиссия буровчи момент ва узатишлар сонини ўзгартирган ҳолда етакчи ғилдиракларга ҳаракатни узатади. Улар қуйидагилардан иборат: 
1.илашиш муфтаси; 
2.узатмалар қутиси (тақсимлаш қутиси); 
3.карданли узатма; 
4.асосий узатма; 
5.дифференциал; 
6.Ярим ўқлар.
Юриш қисми транспорт воситасини ҳаракатини таъминлайдиган, йўлларда силкиниш ва тебранишларни бир меъёрда таъминлайдиган қисм ҳисобланади. олдинги ва орқа осмалар; ғилдирак. Бошқарув механизми ҳаракатланиш вақтида йўналишни ўзгартириш, бекат ва тўхташ жойларида ҳаракатсиз ҳолатга келтириш учун хизмат қилади. Бошқарув механизми қуйидагиларни ўз ичига олади: 1.рул бошқармаси; 2.тормоз тизими. Электр жиҳозлари электр таъминот тизими, автомобилдаги барча ток истеъмол қиладиган электр ускуналарини ўз ичига олади, улар: ток ишлаб чиқарувчи; ток истеъмолчилари. Қўшимча жиҳозлар ҳайдовчи ва йўловчига қулай ва хавфсизликни таъминлаш учун хизмат қилади. Мисол учун қўшимча жиҳозларга автомобиль салонини иситиш, ойналарни ювиш ва тозалаш, ойнани иситиш кабилар. Кузов бу -автомобилнинг мустаҳкам элементи ҳисобланиб, унга двигатель, трансмиссия агрегатлари, юриш қисми, бошқарув механизми маҳкамланади ҳамда йўловчи ва юкларни ташиш учун хизмат қилади. Кузов замонавий автомобилларда вазифалари ҳар хил ва кўп қиррали. Асосан автомобиль ишқибозларини диққатини кузовнинг тузили дизайнни ўзига жалб қилади. Енгил автомобили кузовнинг тузилиши ва ўриндиқлар сонига қараб қуйидаги турлари бўлинади:
Седан – уч ҳажмли (юргизгич бўлими, салон ва юк бўлими) бўлиб, икки, тўрт ёки олти ён эшиклардан иборат бўлади (5-расм) . Олти ён томонида эшикка эга бўлган, салонда ҳайдовчи йўловчилардан ажратилган седан – лимузин ҳам деб аталади. Бу турдаги кузовлар энг кўп тарқалган. Масалан: NEXIA, LAСЕТТИ, ЕPICA, ВАЗ-2170 каби автомобиллар кузови.

Универсал – икки ҳажмли (юргизгич бўлими, салон билан юк бўлими бирга) учта ёки бешта эшиклардан иборат бўлади, лекин юк бўлимининг вертикал эшиги йўловчи киришига мўлжалланмаган. Юк ташиш учун орқа ўриндиқлар йиғилади (6-расм). Саёҳатга чиқувчилар ва дам олувчи учун мўлжалланган кузов тури. Масалан: ТACUМA, ВАЗ-2102, 2104 каби автомобиллар кузови.