Ўзбекистон республикаси транспорт вазирлиги тошкент давлат транспорт университети

Узлуксиз ишлайдиган юклагичлар
Кўп чўмичли юклагичларнинг иш унумдорлиги бир чўмичларга нисбатан 40-60 % кўп бўлади. Уларни юклаш-тушириш керак бўлганда ғишт корхоналарида, Қурилиш деталлари корхоналарида ҳамда темир йўл бекатларида қўллаш максадга мувофик;. Кўп чўмичли юклагичлардан темир юл платформаларни бўшатишда фойдаланиш самаралидир.
Уни иш органи спирали унг ва чапга йўналган икки шнекли таъминлагичдан иборат. Шнеклар чўмичли экскаваторларнинг икки томонига жой­лашган. Таъминлагич айланганда ашёга ботиб кириб, уни чўмич томон суриб беради. Шнекли таъминлагични остига кўрак ўрнатилган.
Одатда ашё элеватордан тасмали конвеерга ташлаб берилади, улар эса транспорт воситалари ёки тахлаш жойларига етказиб беради. Шнекли таъминлагични иш унумдорлиги:
м³/соат

Бу ерда: Д - шнек диаметри. м: т - винт қадами, м:

п - айланишлар такрорийлиги: - тўлдириш коеффитсиенти (0,6 - 0,9).


8-БОБ. ЮК КЎТАРИБ-ТУШИРУВЧИ КРАНЛАР


8.1. Домкрат ва чиғирлар
Домкрат унча катта ва оғир бўлмаган, кўтариб олиб юриш мумкин бўлган юк кўтариш механизмларидир. У юкни 200 - 500 мм баландликка кўтариш, уни горизонтал бўйлаб силжитиш ва конструктсияларни ўрнатиш пайтида уларни бир-бирига тўғрилаш учун хизмат қилади. Домкратлар қурилишда ўрнатиш ва тузатиш ишларида, тармоқларни ҳандаксиз жойлаш учун мўлжалланган қурилмаларда, қурилиш машиналарида кенг қўлланилади. Тузилишига кўра рейкали домкратлар, винтли ва гидравлик домкратлар бўлади. Юритмаларига кўра қўл кучи билан ишлайдиган, электрик, гидравлик ва пневматик бўлади.
Винтли домкратлар 50 т юкни 0,5 м баландликкача кўтара олади. Электромеханик винтли домкратлар кўрилаётган иморатни ёпмасини кўтаришда ишлатилади ва улар 100т гача кўтара олади.
Рейкали домкратлар рейка бир ёки икки жуфт шестернялардан иборат тишли узатмани тормоз билан жиҳозланган хавфсиз ишлайдиган дастани айлантириш ҳисобига ҳаракат берилади.
Гидравлик домкратлар винтли ва рейкали домкратларга нисбатан кўп юк кўтара олади, фойдали иш коеффитсиенти (ф.и.к.) юқори бўлади. Бу турдаги домкратлар 200т гача юк­ни 0.2м гача кўтара олади. Томларнинг йиғма қаватлари, кўприкларни оралиқларини кўтаришда умумий батареяга бирлаштирилган ва битта электр юритмали насос орқали иш суюқлиги билан таъминланадиган домкратлар иш­латилади. Бу домкратларнинг юк кўтариш қобилияти 3 ÷ 10³ тоннагача етади.
Таллар тортгичларга осиб ишлатиладиган ихчам юк кўтариш курилмаси ҳисобланади. Улардан ўрнатиш, тузатиш ва такелаж ишларини бажаришда фойдаланилади. Юритмаларига кўра қўл кучи ва электр билан ишлайдиган турларга бўлинади.
Чиғирлар такелаж тузатиш ва ўрнатиш ишларини бажаришда барабанга ўралган арқонлар ёрдамида юкларни кўтариш ёки уларни силжитишга мўлжалланган юк кўтарувчи механизмлар ҳисобланади.
Чиғирлар юритмаларига кўра – қўл кучи билан ишлайдиган ва механик юритмали бўлиш мумкин. Вазифаларига кўра юк кўтарувчи, тортувчи ва бурилма. Ўрнатилишига кўра – қўзғалувчан ва бир жойда туриб ишлайдиган (кран, элеватор ва бошқаларга ўрнатилган).
Барабанлар сонига қараб – бир барабанли ва икки-уч барабанли ва барабансиз (шкивли) турларга бўлинади.