Ўзбекистон республикаси ташқи ишлар вазирлиги

Qasd turlari ikki xil:

- to’g`ri qasd;

- egri qasd.

Moddiy tarkibli jinoyatlarda, agar shaxs o’z qilmishining ijtimoiy xavfli xususiyatini anglagan, uning ijtimoiy xavfli oqibatlariga ko’zi etgan va ularning yuz berishini istagan bo’lsa, bunday jinoyat to’g`ri qasddan sodir etilgan deb topiladi;

Agar shaxs o’z qilmishining ijtimoiy xavfli xususiyatini anglagan, uning ijtimoiy xavfli oqibatlariga ko’zi etgan va ularning yuz berishiga ongli ravishda yo’l qo’ygan bo’lsa, bunday jinoyat egri qasddan sodir etilgan deb topiladi.

Formal tarkibli jinoyatlarda esa shaxs o’z qilmishining ijtimoiy xavfli xususiyatini anglagan va shunday qilmishni sodir etishni istagan bo’lsa jinoyat to’g`ri qasddan sodir etilgan deb topiladi.

Formal tarkibli jinoyatlarda - egri qasd majud bo’lmaydi.

Aybning qasd shaklini to’g`ri va egri qasd shakliga ajratish - aynan qasdning irodaviy holatiga bog`liq bo’ladi.

Jinoyat huquqida qasdning yana boshqa shakllari ham mavjud bo’lib, ularga:

Qasdning kelib chiqish vaqtiga ko’ra: oldindan o’ylangan qasd yoki to’satdan yuz bergan qasd shakllariga.

Shaxs haraktlarining xususiyatiga qarab: aniq va muqobil qasd shaklariga bo’linadi.

Muqobil qasdda - shaxs sodir etgan qilmishi natijasida amalda kelib chiqqan oqibatiga qarab harakatlari kvalifikastiya qilinadi.

Qasd shakllari sodir qilingan ijtimoiy xavfli qilmishlarni tasniflashda, kvalifikastiya qilishda, jinoyat tarkibini to’g`ri tahlil qilishda va jazo turlarini individuallashtirishda muhim ahamiyat kasb etadi.