Ўзбекистон республикаси ташқи ишлар вазирлиги

19.4. Jazoni engilrog`i bilan almashtirish.

Sodir etgan jinoyati uchun ozodlikdan mahrum qilishga yoki axloq tuzatish ishlariga hukm qilingan o’n sakkiz yoshga to’lmagan shaxslarga nisbatan jazoning o’talmagan qismi engilroq jazo turi bilan almashtirilishi mumkin.

Jazoni engilrog`i bilan almashtirish:

- sodir etgan jinoyati uchun ozodlikdan mahrum qilish jazosi tayinlangan bo’lsa;

- sodir etgan jinoyati uchun axloq tuzatish ishlari jazosi tayinlangan bo’lsa;

- ushbu jazo turlari uchun belgilangan tartib-qoida talablarini bajargan;

- mehnat va o’qishga halol munosabatda bo’lgan mahkumga nisbatangina qo’llanilishi mumkin.

Jazoni o’tashdan muddatidan ilgari shartli ravishda ozod qilish:

- ijtimoiy xavfi katta bo’lmagan yoki uncha og`ir bo’lmagan jinoyat uchun tayinlangan jazo muddatining kamida beshdan bir qismini;

- og`ir jinoyat uchun tayinlangan jazo muddatining kamida to’rtdan bir qismini;

- o’ta og`ir jinoyat uchun, shuningdek, qasddan sodir etgan jinoyati uchun, agar shaxs ilgari qasddan sodir etgan jinoyati uchun ozodlikdan mahrum etishga hukm qilingan bo’lsa, tayinlangan jazo muddatining kamida uchdan bir qismini haqiqatda o’tab bo’lgandan keyin qo’llanilishi mumkin.

Jazo engilrog`i bilan almashtirilgan shaxslarga nisbatan engilroq jazoning tegishli qismi o’tab bo’linganidan keyin JKning 89-moddasida nazarda tutilgan qoidalarga muvofiq, jazodan muddatidan ilgari shartli ravishda ozod qilish qo’llanilishi mumkin.

Jazo engilrog`i bilan almashtirilgan shaxs jazoning o’talmay qolgan qismi mobaynida qasddan yangi jinoyat sodir etsa, sud unga nisbatan JKning 60 va 86-moddalarida nazarda tutilgan qoidalarga muvofiq jazo tayinlaydi.