Ўзбекистон республикаси ташқи ишлар вазирлиги

19.2. Majburlov choralarini qo’llagan holda jazodan ozod qilish.

Voyaga etmagan shaxslarga nisbatan jinoiy jazo o’rniga quyidagi majburlov choralari qo’llaniladi:

- sud belgilaydigan shaklda jabrlanuvchidan uzr so’rash majburiyatini yuklash;

- o’n olti yoshga to’lgan shaxs zimmasiga etkazilgan zararni o’z mablag`i hisobidan yoki mehnati bilan to’lash yoki bartaraf qilish majburiyatini yuklash. Agarda, etkazilgan zarar belgilangan eng kam ish haqining o’n baravaridan oshib ketmagan bo’lsa qo’llaniladi. Boshqa hollarda etkazilgan zarar fuqaroviy sud ishlarini yuritish tartibida undiriladi;

- voyaga etmagan shaxsni maxsus o’quv-tarbiya muassasasiga joylashtirish.

Amaldagi qonunchilikka muvofiq, voyaga etmagan shaxslarga mo’ljallangan bunday o’quv-tarbiya muassasalariga:

- o’n bir yoshdan o’n to’rt yoshgacha bo’lgan shaxslar uchun ixtisoslashtirilgan maktab-internatiga;

- o’n to’rt yoshdan o’n sakkiz yoshgacha bo’lgan shaxslar uchun ixtisoslashtirilgan mutaxassislik kollejlariga bo’linadi.

Ixtisoslashtirilgan maktab - internatda voyaga etmaganlar - o’n besh yoshga to’lguncha, ixtisoslashtirilgan mutaxassislik kollejlarida esa - voyaga etmaganlar o’n sakkiz yoshgacha tarbiyalanadi. Istisno holatlardagina shaxslar 16 yoshgacha ixtisoslashtirilgan maktab – internatlarida saqlanishlari mumkin.

Voyaga etmaganlar ixtisoslashtirilgan o’quv-tarbiya muassasalarida tarbiyalangunlarigacha, lekin 3 yildan ko’p bo’lmagan muddatda saqlanadilar.

Ixtisoslashtirilgan o’quv - tarbiya muassasalariga: kar, ko’r, ruhiy kasal, aqlan zaif voyaga etmagan shaxs, shuningdek jismoniy nosog`lom bolalar va o’smirlar qabul qilinmaydi.