Ўзбекистон республикаси ташқи ишлар вазирлиги

13 - Mavzu. JAZO TIZIMI VA TURLARI
13.1. Jinoyat huquqida jazo tushunchasi va maqsadi.
Jazo deb - jinoyat sodir etishda aybdor deb topilgan shaxsga nisbatan davlat nomidan sud hukmi bilan qo’llanadigan va mahkumni qonunda nazarda tutilgan muayyan huquq va erkinliklardan mahrum qilish yoki cheklashdan iborat bo’lgan majburlov chorasiga aytiladi.

Jinoiy jazo belgilari:

- jinoiy jazo davlatning majburlov chorasi hisoblanadi;

- davlat nomidan uning organlari tomonidan amalga oshiriladi;

- jinoiy jazo chorasi faqat sud tomonidan tayinlanadi;

- jazo tayinlash uchun jinoiy qilmishning sodir etilganligi asos bo’ladi;

- jazo faqat jinoyat sodir etishda aybdor deb topilgan shaxsga nisbatan tayinlanadi;

- jazo shaxsni muayyan huquq va erkinliklardan ma’lum vaqt oralig`ida cheklashida ifodalanadi;

- maxsus huquq va erkinliklardan mahrum qilish faqat jinoyat qonunida ko’rsatiladi;

- sudlanganlik holatini keltirib chiqaradi.