Ўзбекистон республикаси ташқи ишлар вазирлиги

12.7. Kasb yoki xo’jalik faoliyatiga bog`liq asosli tavakkalchilik qilish tushunchasi va ahamiyati.
Ijtimoiy foydali maqsadga erishish uchun kasb yoki xo’jalik faoliyatiga bog`liq asosli tavakkalchilik qilib, jinoyat qonuni bilan qo’riqlanadigan manfaatlarga zarar etkazishda ifodalanadigan jinoyat deb topilmaydigan harakat tushuniladi.

1.

Kasb yoki xo’jalik faoliyatiga bog`liq asosli tavakkalchilikni huquqiy asosli deb topish shartlari.

- tavakkalchilik ijtimoiy foydali maqsadga yo’naltirilganligi; - tavakkalchilik qilmay turib ijtimoiy foydali maqsadlarga erishib bo’lmasligi; - tavakkalchilik zamonaviy ilmiy texnika bilimlari va tajribalariga muvofiq kelganligi; - jinoyat qonuni bilan qo’riqlanadigan boshqa manfaatlarga zarar etkazilishining oldini olish uchun tegishli choralarni ko’rgan bo’lishligi.

Kasb yoki xo’jalik faoliyatiga bog`liq asosli tavakkalchilik qilishda ko’zlangan ijtimoiy foydali natijaga erishilmagan va keltirilgan zarar ijtimoiy foydali maqsadga erishish natijasida olinishi mumkin bo’lgan foydali natijadan ko’proq bo’lgan taqdirda ham etkazilgan zarar javobgarlikka sabab bo’lmaydi.

Tavakkalchilik odamlarning halok bo’lish xavfi, ekologiya halokati yohud boshqacha og`ir oqibatlarning kelib chiqishi mumkinligini bila turib qilingan bo’lsa, asosli deb topilmaydi.

Kasb yoki xo’jalik faoliyatiga bog`liq asosli tavakkalchilikning oxirgi zaruratdan farqlovchi xususiyatlari quyidagilar:

- xavf bilan bog`liq bo’lmasligi;

- ijtimoiy foydali maqsadga erishishga qaratilganligi;

- uchinchi shaxslarga zarar etkazilishi nazarda tutilishi;

- etkaziladigan zarar chegarasining belgilanmasligi.

Tadbirkorlik subyektlarining o’zlariga ko’rsatilgan xizmatlar, shu jumladan berilgan kreditlar yuzasidan banklar va boshqa moliya tashkilotlari oldidagi shartnoma majburiyatlarini tadbirkorlik tavakkalchiliklari hamda boshqa tijorat tavakkalchiliklari bilan bog`liq holda bajarmaganligi banklar va boshqa moliya tashkilotlari xodimlarini jinoiy javobgarlikka tortish uchun asos bo’lmaydi