Ўзбекистон республикаси ташқи ишлар вазирлиги

Muayyan huquqdan mahrum qilish - odatda asosiy jazo tariqasida:

- aybdor mansabi yoki ish faoliyati bilan bevosita bog`liq bo’lgan jinoyatni sodir etganda;

- JK Maxsus qismining tegishli moddasi sankstiyasida asosiy jazo turi sifatida nazarda tutilgandagina tayinlanadi.

Qo’shimcha jazo tariqasida esa - JK Maxsus qismining tegishli moddasida asosiy jazo tariqasida nazarda tutilmagan bo’lsa, har qanday turdagi asosiy jazoga qo’shimcha jazo tariqasida tayinlanishi mumkin.

Muayyan huquqdan mahrum qilish - asosiy jazo tariqasida tayinlanganda, uni o’tash muddatlari yillar, oylar va kunlar bilan hisoblanib, sudning hukmi qonuniy kuchga kirgan kundan boshlab muddat o’tishi boshlanadi.

Muayyan huquqdan mahrum qilish - qo’shimcha jazo tariqasida intizomiy qismga jo’natish, qamoq va ozodlikdan mahrum qilish jazolariga qo’shib tayinlanganda, muayyan huquqdan mahrum qilish ushbu jazo turlarining butun muddatiga va ushbu jazolar ijro etib bo’lingandan keyin sud tomonidan tayinlangan muddatga ham tadbiq etiladi. Masalan: aybdorga sodir qilgan jinoyati uchun sud besh yilga ozodlikdan mahrum qilish va ikki yilga qo’shimcha jazo tariqasida muayyan huquqdan mahrum qilish jazolarini tayinladi. Aybdor asosiy jazo ozodlikdan mahrum qilish jazosini o’tash davrida (besh yil mobaynida) ham muayyan huquqdan mahrum qilingan deb hisoblanadi. Ushbu jazoni o’tab bo’lgandan so’ng, sud tomonidan qo’shimcha jazo tariqasida ikki yillik muddatga tayinlangan muayyan huquqdan mahrum qilish jazosini o’tashni boshlashi nazarda tutiladi. Ushbu qoida faqat, intizomiy qismga jo’natish, qamoq va ozodlikdan mahrum qilish jazolariga taalluqli.

Muayyan huquqdan mahrum qilish jazosi qo’shimcha jazo tariqasida tayinlanganda, uni o’tash muddatlarini hisoblash