Ўзбекистон республикаси ташқи ишлар вазирлиги

13.4. Jarima jazosi.

Jarima bu - aybdordan davlat daromadiga Jinoyat qonunida belgilangan miqdorda, ya’ni eng kam oylik ish haqining besh baravaridan olti yuz baravarigacha miqdorda pul undirishdir (JK 44 - moddasi).

Jarima jazosining miqdori ijtimoiy xavfli qilmish sodir etilgan vaqtdagi eng kam oylik ish haqi bilan belgilanadi. Jarima jazosi shaxsning qonuniy ko’rinishdagi har qanday daromadidan undirilishi mumkin.

Sud quyidagi holatlarni jarimani ijro etishdan bosh tortish, deb topishi mumkin:

- jarimani to’lash mumkin bo’lmagan holatlar sud tomonidan uzrli, deb topilmagan bo’lsa;

- jazo tariqasida tayinlangan jarimani majburiy ijro etish uchun belgilangan muddatlar (hukm qonuniy kuchga kirgandan so’ng uch oy)da to’lashdan bo’yin tovlasa;

- qarzdorda undiruv qaratilishi mumkin bo’lgan mol-mulk mavjud emasligi tufayli majburiy ijro etish belgilangan muddat davomida jarimani undirishning imkoni bo’lmasa;

- jarimani kechiktirib to’lash muddati tugaganidan keyin ham to’lanmagan bo’lsa;

- jinoiy jazo tariqasidagi jarimani bo’lib-bo’lib to’lash shartlari buzilgan bo’lsa.

Agar shaxs yuqorida sanab o’tilgan sabablardan biri bo’yicha jarimani to’lamasa, jarima jazosi jinoyat qonunida belgilangan boshqa og`irroq jazo turlari bilan almashtiriladi.