Ўзбекистон республикаси соғЛИҚни сақлаш вазирлиги ўзбекистон республикаси олий ва ўрта махсус таълими вазирлиги

Қуйидаги тавсиялар хонадон аҳиллари учундир:
¾
Фарзандларингизни доимо озодаликка ўргатинг.
¾
Ҳар куни кечқурун уйқудан олдин, эрталаб уйқудан сўнг юзни, тишларни тозалаш.
¾
Овқатга ўтиришдан олдин ва ҳожатдан кейин қўлни совунлаб ювиш.
¾
Ҳафтада камида бир марта чўмилиш, бунда фақат шахсий мочалка ва сочиқлардан 
фойдаланиш одатий ҳолга айланиб бориши лозим.
¾
Тиш чўткаси, мочалка, сочиқ ва ич кийимлардан умумий фойдаланиш мумкин эмас.
¾
Алоҳида ўрин-кўрпа тутилиши.
¾
Ёстиқ ва адёллар жилдланган бўлиши, матрац ёки кўрпа-кўрпачалар устидан чойшаб 
солиниши керак.
¾
Чойшаб, ёстиқ ва адёл жилдларини ҳафтада бир марта алмаштириш. Уларни ювганда, 
агар хонадонингизда бемор бўлса, қўшимча зарарсизлантириш тавсия этилади.
¾
Матрац, кўрпа ва кўрпачаларни қуёш тик тушадиган жойларга осиб қуритиш ва 
шамоллатиш мақсадга мувофиқдир.
Хоналарни доимо озода тутиш, бунинг учун:
- Ҳар куни пол, дераза токчалари, эшик тутқичлари, стол ва стулларни ҳўл латта билан 
артиб, гилам, полос ва юмшоқ мебелларни чанг сўрғич ёрдамида чангдан тозалаш;
- Камида ойида бир марта дераза ромлари, ойна, эшик, панелларни ювиш, гилам ва 
полосларни ташқарига олиб чиқиб қоқиш;
- Дераза пардаларини ҳар 3 ойда бир марта чангдан қоқиб, тозалаш лозим бўлади.
- Ошхона, ванна ва ҳожатхонани озода сақлашга ҳаракат қилинг.
- Ҳар куни раковина, газ плита, масаллиқ тайёрлаш столи, пол ювиб тозаланиши, 
қолган ошхона жиҳозлари, совутгич ҳафтада бир марта ювилиши керак. Идиш-товоқларнинг 
тоза ювилишига аҳамият беринг. Бунинг учун мумкин қадар махсус идиш-товоқ ювишга 
мўлжалланган воситалардан фойдаланиш мақсадга мувофиқдир.
- Ҳеч қачон ишлатилган идиш-товоқларни, овқат қолдиқларини очиқ-чочиқ қолдирманг 
дераза ойначаларини тез-тез очиб шамоллатиб туринг.
- Ванна хонаси ишлатилгандан сўнг ванна тозалаб ювилиши ва зарарсизлантирилиши 
керак.
- Унитаз, пол, эшик тутқичларини ҳар куни ювиб, зарарсизлантирилиб борилиши 
лозим, агар қазилма ҳожатхона бўлса, у ҳар куни тозаланиши, ҳар 3-5 кунда 
дизенфекцияловчи воситалар сепилиб борилиши лозим. Шунда пашша личинкалари нобуд 
бўлади, кўпаймайди.