Ўзбекистон республикаси соғЛИҚни сақлаш вазирлиги тошкент тиббиёт академияси биоорганик ва биологик кимё кафедраси

Эндокрин ва нерв тизимларининг боғлиқлиги. Гипоталамо-гипофизар тизим ва уларни бошқа ички секреция безларига таъсири, уларни онтогенезда ўзгариб бориши.

Рилизинг омиллари. Гипоталамус - гипофиз тизими
Рилизинг омиллари ёки либеринлар гипаталамуснинг нерв хужайраларида ҳосил бўлиб, портал капиллярлар тизими бўйича гипоталамусга ўтади ва гипофизар гормонлар секрециясини, аниқроғи, ажралиб чиқишини (эҳтимол, биосинтезини ҳам) бошқаради. Гипофизар гормонлар ажралиб чиқишини (эҳтимол, биосинтезини ҳам) сусайтирувчи ингибитор моддаларга статинлар деб аталади. Ҳозирги вақтгача гипоталамусда 7 либеринлар ва 3 статинлар топилган; хусусан: кортиколиберин тиреолиберин, люлиберин, фоллилиберин, соматолиберин, пролактолиберин, меланолиберин, ҳамда соматостатин, пролактостатин ва меланостатин.

Гипоталамик гормон	Тузилиши	Функцияси
Тиреотропин-рилизинг-гормон	Пептид,	Тиреотропин ва пролактин
(тиреолиберин, ТРФ)	3 а.к.	секрециясини кучайтиради
Кортикотропин-рилизинг-гормон	Полипептид,	Кортикотропин секрециясини
(кортиколиберин, КРФ)	41 а.к.	кучайтиради
Гонадотропин-рилизинг-гормон	Полипептид,	ЛГ ва ФСГ секрециясини
(гонадолиберин, ГРФ)	10 а.к.	кучайтиради
Соматотропин-рилизинг-гормон	Полипептид,	Соматотропин секрециясини
(соматолиберин, СРФ)	40 или 44 а.к.	кучайтиради
Соматостатин (соматотропин-ингибирующий	Полипептид,	Соматотропин секрециясини
гормон)	14 или 28 а.к.	сусайтиради
Пролактолиберин		Пролактин секрециясини кучайтиради
Пролактостатин (дофамин)	Полипептид,	Пролактин секрецисини
	56 а.к.	ингибирлайди

Гипоталамус ва миянинг кулранг моддасидан ўтадиган нерв (импульслари) гипоталамик бошқарувчи гормонлар ажралиш тезлигига таъсир этади. Ушбу гормонлар эса гипофизар қон айланиш портал тизими орқали аденогипофиздан махсус гормонлар (рилизинг омиллар) ажралишини таъминлайди. Хусусан, шу тизим (нерв йўллари) воситасида аденогипофиз гормонларининг секрециясини масалан, ташқи муҳитнинг хилма-хил таъсири билан (совуқ, гипоксия, травма (жароҳатланиш), заҳарли моддалар ва бошқалар), ёки маълум бир физиологик ҳолатда (қўрқиш, ҳаяжонланиш ва ҳакозо) бошқарилади.

Гипофизда оқсил ва пептид табиатига эга бўлган қатор биологик фаол гормонлар синтезланади. Синтезланиш жойига кўра, гипофизнинг олдинги, орқа ва ўрта бўлагининг гормонлари тафовут қилинади.
Аденогипофиз (гипофиз олдинги бўлагининг) гормонлари
Аденогипофизда троп гормонлар ҳосил бўлиб, қонга ўтгандан сўнг тегишли периферик эндокринлар безлардан зарур бўлган гормонлар ҳосил бўлишини таъминлайди. Гормон эса аъзо ва тўқималарда яхлит организмнинг тегишли кимёвий ва физиологик жавоб реакциясини келтириб чиқаради.