Ўзбекистон республикаси соғЛИҚни сақлаш вазирлиги тиббий таълимни ривожлантириш маркази тошкент тиббиёт академияси

2.4. Вазиятли масалаларни ечиш.
1. Тадқиқотда пуштнинг эрта тараққиёт босқичида миотом бузилди. Қайси тўқиманинг тарққиёти рўй бермайди? Жавоби: бунда скелет мушак тўқимасининг тараққиёти бузилади.
2. Тадқиқотда пуштнинг миоэпикардиал пластинкаси емирилди. Қайси тўқиманинг тараққий этиши бузилади? Жавоби: бунда юрак деворининг миокард ва эпикард қаватлариниг ҳосил бўлиши бузилади.
3. Препаратда мушак тўқимаси толалари кўринади, уларни периферияда жойлашган кўп ядролар сақланади. Бу қайси мушак тўқимаси? Жавоби: бу кўндаланг-тарғил скелет мушак тўқимаси.
4. Мушак тўқимаси кесмаси берилган. Микроскоп остида дуксимон шаклдаги ҳужайралар кўринади. Ҳужайра марказида узунчоқ, таёқчасимон ядро жойлашган. Бу қандай мушак тўқимаси? Жавоби: бу силлиқ мушак тўқимаси.
5. Кўндаланг тарғил скелет ва юрак мушак тўқимасидан 2 та препарат берилган. Қандай структур хусусиятларига қараб бирини иккинчисидан фарқлаш мумкин? Жавоби: биринчиси- толали тузилишга эга, иккинчиси эса ҳужайравий тузилишга эга.
6. Миофибрилланинг электроннограммасида И диск топилмади, А диск телофрагмага яқинлашган. Мушак толаси функционал фаолликни қайси фазасида турибди? Жавоби: мушак толаси қисқарган ҳолатда.
7. Тажрибада тўқима текширилмоқда, у тоник қисқаради ва деярли толиқмайди. Бу қандай тўқима? У нерв системанинг қандай бўлими билан иннервацияланади? Жавоби: бу силлиқ мушак тўқимаси. У вегетатив нерв системаси билан иннервацияланади.
8. Сўлак безларининг охирги бўлимларидан секрет босим остида чиқарув найларига чиқарилади. Секретнинг чиқишига қайси ҳужайралар сабабчи бўляпти? Жавоби: миоэпителиал ҳужайралар.
9. Калций ионларининг саркоплазмага кириши учун кимёвий модда билан тўсқинлик қилинди. Бу мушак тўқимасининг қайси вазифасига таъсир кўрсатади? Жавоби: бу мушак тўқимасининг қисқра олмасслигига сабаб бўлади.
10. Инфаркт натижасида юрак мушагининг шикастланиши кузатилди. Қайси ҳужайра элементлари аъзонинг нуқсони тикланишини таъминлайди? Жавоби: бириктирувчи тўқима элементлари.
11. Операция вақтида одам ошқозони деворининг бир қисми олиб ташланди. Қайси элементлар ёрдамида мушак парданинг регенерацияси рўй бериши мумкин? Жавоби: силлиқ миоцитларнинг пролиферацияси ҳисобига.