Ўзбекистон республикаси соғЛИҚни сақлаш вазирлиги тиббий таълимни ривожлантириш маркази

Ҳаво ўтказувчи найларни ишлатишни мустақил бажариш
Нафас йўллари ўтказувчанлигини тиклаш усуллари қўлланиб бўлинганидан кейин ҳаво ўтказувчи найларни нафас йўллари ўтказувчанлигини ушлаб туриш мақсадида қўллаш мумкин. Бемор аҳволини баҳолашнинг ўтказилиши ва биринчи тиббий ёрдам кўрсатишда кам вақтни олувчи ҳаво ўтказувчи найларни қўллаш зарур
Орофарингеал ва назофарингеал найчаларни қўллашнинг баъзи бир умумий қоидалари:

• 
  Барча ҳушсиз холатда бўлган, лекин қусиш рефлекси сақланмаган беморларда қўллаш мумкин. Қусиш рефлекси бемор ҳалкумига бирон нарсани киргизилганда чақирилиб, беморнинг қусишига сабаб бўлади. Агар бемор чуқур ҳушсиз ҳолатда бўлса, қусиш рефлекси чақирилмайди, лекин хуш тикланиши билан қусиш рефлекси чақирилиши мумкин. Агар беморда орофарингеал найчани қўллаганда қусиш рефлекси кузатилса, назофарингеал найчани қўллаш орқали бу муаммони ҳал қилиш мумкин.
  
• 
  Найчани қўллашда аввал қўл билан нафас йуллари ўтказувчанлигини тиклаш керак.
  
• 
  Найчани киргизиш вақтида тилни ҳалқумга суриб юборишдан эҳтиёт бўлиш керак.
  

Агар беморда қусиш рефлекси бошланса, найчани киргизишни тўхтатиш керак. Бундай ҳолатда нафас йўллари ўтказувчанлиги қўл билан таъминланади ва найча қўлланилмайди
Ўпка-юрак, бош мия реанимацияси босқичлари ва тадбирлар
Ўпка-юрак ва бош мия реанимацияси П.Сафар томонидан таклиф этилган уч босқичли тадбирлар гуруҳидан иборат бўлиб, ҳар қайси босқичда аниқ мақсадли тадбирлар амалга оширилади ва улар шартли равишда бош ҳарфлар билан белгиланади. Ҳаётий муҳим фаолиятларни сунъий таъминлаб туриш босқичи. Бу босқич қон айланиши ва газ алмашинувини сақлаб туришга қаратилган бўлиб, қўйидагилардан иборат:
А — нафас йўллари ўтказувчанлигини тиклаш (П. Сафаминг учлик усулини қўллаш);
Б — ўпка сунъий вентиляциясини ўтказиш;
Д — юракни ёпиқ уқалаш орқали сунъий қон айланишини тиклаш.
Қон айланишининг мустақиллигини тиклаш босқичи:
Э — дори воситалари ва инфузион суюқликлардан фойдаланиш;
Ф — электрокардиография ва мониторинг ўтказиш;
Г — электр дефибрилляцияни қўллаш.
Бош мия реанимацияси ва постреанимацион давр интенсив терапияси босқичи. Бу босқич мия ва бошқа органлар фаолиятини сақлаш, тиклаш ва уларни сақлаб туришга қаратилган қўйидаги тадбирлардан иборат:
Ҳ — юракнинг тўхташ сабабини аниқлаш ва уни бартараф этиш;
И — мияни ишемик жароҳатланишдан сақлаш ва унинг фаолиятини тиклаш;
Ж — постреанимацион патологияда интенсив даволаш ўтказиш.