Ўзбекистон Республикаси Соғлиқни сақлаш вазирининг

1.2.2. Экзоген этиологик омиллар. 
Буларга ичимлик суви, озиқ-овқат маҳсулотлари, атроф-муҳитнинг бошқа 
омиллари ва баъзи дори моддалари киради. Ичимлик сувининг тош ҳосил бўлишига 
таъсири, одатда, юқори даражадаги қаттиқлик билан боғлиқ, бу мавзуда жуда кўп илмий 
ишлар қилинган. 

---

20 
Экзоген этиологик омилларга баъзи дори моддаларини ҳам киритиш керак. Аввало, 
бу сульфаниламидлар бўлиб, улар сийдик оқими бузилиши ҳолатида конкремент 
матрицасига айланиши мумкин. Баъзида тетрациклинлар сийдик тошларининг ядроси 
бўлиши мумкин. Антикоагулянтлар ҳам урикозурик таъсирга эга. Уларни узоқ муддат 
давомида қўллаш тош ҳосил бўлишига олиб келиши мумкин. Кофеин диурезни оширсада, 
сийдик кислотасини чиқариш билан бирга, асосий моддалар алмашинувини кучайтирган 
ҳолда, сийдик кислотасининг ҳосил бўлишини оширади. 
1.3. 
Тошларнинг таркиби 
Кальций оксалатлари
шовул кислотасининг тузлари ҳисобланади. Кальций 
оксалат тошлари одатда юмалоқ ва чўзиқ-юмалоқ, тикансимон шаклга, тўқ жигарранг 
рангга, зич консистенцияга эга бўлади. 
Уратлар 
сийдик кислотаси ва унинг тузлари – натрий ва аммоний кристалларидан 
ташкил топади. Улар, шунингдек, юмалоқ шаклли ёки майда нуқталарга эга силлиқ юзали, 
нисбатан зичроқ, оч сариқ ёки ҳатто қизғиш рангда бўлади. Сийдик кислотаси 
кристалларининг ранги пигмент молекулаларининг кристалл панжарасига киритилишига 
боғлиқ. Улар турли хил шаклга эга, кўпинча шингилсимон, катта ўлчамли: улар 
орторомбик кристаллар синфига киради. 
Фосфатлар 
– бу
 
фосфат кислотанинг кальцийли ва магнийли тузидан иборат 
конкрементлар. Уларнинг ранги оқ ва кулрангсимон бўлади. Консистенцияси зич эмас ва 
ҳатто уваланиб кетадиган даражада.
Карбонатлар
сийдик тошларининг атиги 1-4 фоизини ташкил этадиган кальций 
карбонати ва магний карбонати конкременталаридир. Улар нисбатан юмшоқ 
консистенцияга ва оқ рангга эга бўлади. 
Цистин тошлари 
беморларнинг 1-3,8%да учрайди. Цистинурия маълум 
аминокислоталарнинг (цистин, аргинин, орнитин ва лизин) алмашинуви ва реабсорбцияси 
бузилиши натижасидир. Кўпинча цистинурия асимптоматик хусусиятга эга. Цистин 
тошлари аминокислоталарнинг олтингугурт бирикмаларидан иборат бўлиб, улар юмалоқ, 
сарғиш-оқ ва оч жигарранг рангга, юмшоқ консистенцияга эга бўлади.
Тошнинг таркиби диагностика ва даволаш тактикасини танлаш учун асос 
ҳисобланади. Тошлар кўпинча аралаш таркибга эга бўлади. Клиник аҳамиятга эга 
тошларнинг таркибий қисмлари 1 жадвалда келтирилган.