Ўзбекистон Республикаси Соғлиқни сақлаш вазирининг

Далилларнинг қисқача хулосаси ва крипторхизм бўйича тавсиялар 
 
Далиллар бўйича хулоса 
ИД 
Крипторхизм – мультифакториал касаллик бўлиб, унинг этиологияси ҳам 
генетик омиллар ва ҳам ҳомиладорликнинг бошланғич муддатларидаги 
гормонал бузулишлар бўлиши мумкин. 
2а 
Крипторхизм кўпинча гонадалар дисгенезияси билан боғлиқ бўлиб, бепуштлик 
ва герминоген ўсмалари ривожланиши учун хавф омилидир. 
2b 
Бир томонлама крипторхизмга чалинган эркакларда болалар крипторхизмсиз 
эркаклар билан бир хил частотада туғилади. 
3 
Икки томонлама крипторхизм оталик бўлиш эҳтимолини сезиларли даражада 
пасайтиради. 
3 
 
Тавсиялар 
ТД 
Катта ёшдаги эркакларда крипторхизмни гормонал даволаш тавсия этилмайди. 
Кучли 
Агар орхидопексия катта ёшда амалга оширилса, жарроҳлик вақтида 
таснифланмаган каналчалар ичи герминоген неоплазияси (илгари карцинома in 
situ) мавжудлигини истисно қилиш учун мояк биопсиясини бажариш тавсия 
этилади. 
Кучсиз 
5.5.4. Сунъий уруғлантириш 
Агар эркаклар бепуштлигини дори воситалари ва жарроҳлик йўли билан даволаш 
мумкин бўлмаса, сунъий уруғлантиришга мурожаат қилинади. 
Сунъий уруғлантириш (бачадон ичи инсеминацияси). 
Сунъий уруғлантириш-
нинг тамойили – бу ювилган спермани тўғридан-тўғри бачадон бўшлиғига киритишдир. 
Асосий кўрсаткич – бачадон бўйни шиллиқ қаватида сперматозоидларнинг 
яшамаслигидир. Бундай ҳолатда, агар сперматозоидлар бачадон бўйнини четлаб ўтса, 
ҳомиладорлик бўлиши мумкин. Бошқа кўрсаткичлар – сперматозоидлар транспорти 
сусаювчи сперма текширувларининг қониқарсиз кўрсаткичлари, иммун бузилишлар ва 
ривожланишдаги нуқсонлар (масалан, гипоспадия). Эякулятда 5-40 миллион ҳаракатчан 
сперматозоидлар бўлса, сунъий уруғлантириш муваффақиятга эришиш имкониятини 
беради. Ушбу усулнинг самарадорлиги жуда ўзгарувчан ва аёлнинг репродуктив 
функциясига боғлиқ. Эркаклар бепуштлигини даволашнинг бир циклидан кейин 
ҳомиладорлик даражаси 8-16% ни ташкил қилади. Сунъий уруғлантириш муддати УТТ ва 
қон зардобидаги ЛГ даражаси билан белгиланади