Ўзбекистон Республикаси Соғлиқни сақлаш вазирининг

5.5.3.4. Орхидопексия 
Ҳаётнинг биринчи йилида крипторхизм 0,8% ўғил болаларда аниқланади. 1 ёшдан 
ошганда моякнинг ёрғоққа ўз-ўзидан тушиш эҳтимоли жуда кам. Орхидопексия асосан 
хавфли мояк ўсмаси хавфи юқори бўлганлиги сабабли ва пайпаслаш йўли билан ўз 
вақтида ўсмани аниқлаш учун амалга оширилса-да, операциянинг мақсади фертилликни 
сақлаб қолишдир (юқорида таъкидлаб ўтилганидек, бу борада оркипексия самараси 
шубҳали). Ёрғоққа тушмаган моякнинг гистологик текширувлари шуни кўрсатдики, 2 
ёшга келиб ундаги сперматогонийлар сони сезиларли даражада камаяди. Ўзгаришларнинг 
олдини олиш учун орхидопексияни ушбу ёшдан кечиктирмасдан ўтказиш тавсия этилади, 
аммо назарий асослар амалда ўзини оқламайди. Шу билан бирга, сунъий уруғлантириш 
учун сперматозоидни функцияси камайган атрофияланган моякдан ҳам олиш мумкинлиги 
сабабли, орхидэктомия эмас, балки орхидопексия афзалдир. Шуни таъкидлаш керакки, 
атрофия белгилари мавжуд бўлганда, антиспермал антитаналар даражасининг ошиши 
сабабли аутоиммун бепуштлик ривожланиш хавфи юқори, бу эса соғлом моякдаги 
сперматогенезга зарар етказиши мумкин, шу билан бирга гормон ишлаб чиқариш 
функцияси тўлиқ сақланиб қолади, шунинг учун беморда ушбу операцияни қанчалик эрта 
ўтказилса, сперматогенез даражасини тиклаш имконияти шунчалик юқори бўлади. 
Жарроҳлик амалиётини ўтказиш учун энг кам ёш - 3 ойлик (стимуляция қилувчи 2 та курс 
хорионик гонадотропин билан даволашдан кейин). 
Моякнинг буралиб қолиши
- бу шошилинч урологик касаллик. Ҳайвонлар устида 
ўтказилган тажрибалар натижалари шуни кўрсатадики, битта моякнинг буралиб 
қолишидан сўнг иккинчисида сперматогенез бузилади. Ушбу жараён симпатик орхипатия 
деб аталади ва унинг сабаби бўлиб аутоиммун реакцияси ҳисобланади. 

---

288 
Шунга қарамай, адабиётда шунга ўхшаш жараён одамларда содир бўлганлиги 
тўғрисида деярли ҳеч қандай тасдиқловчи маълумотлар йўқ. Унинг олдини олиш учун 
симпатик орхипатия гипотезасининг тарафдорлари буралиб қолган моякни ташхис 
қўйилгандан сўнг дарҳол олиб ташлашни тавсия этадилар. Аммо, бепуштликни 
даволашнинг замонавий усуллари билан, ҳатто тестикуляр етишмовчилигида ҳам сперма 
олиниши мумкин, шунинг учун ҳозирда ушбу усуллар тавсия этилмайди.