Ўзбекистон Республикаси Соғлиқни сақлаш вазирининг

3.3.2. Трансуретрал резекция модификациялари – простата безининг биполяр 
резекцияси.
Таъсир механизми:
биполяр ПТУР монополяр ПТУРнинг асосий камчиликларини 
бартараф этишга ва физиологик эритма ёрдамида (NaCl 0,9%) жарроҳлик амалиётини 
бажаришга имкон беради. Монополяр усулдан фарқли ўлароқ, биполяр ПТУРда бемор 
танаси орқали теридаги электродга ток ўтказилмайди. Биполяр схема резектоскопда 
(ҳақиқий биполяр тизим) ёки тубусда (псевдо-биполяр тизим) битта блокда ўрнатиладиган 
фаол ва қайтиш қутблари орасидаги резекциялаш жойида туташади. Биполяр ПТУРда 
простата бези тўқимасини олиб ташлаш услуби монополяр ПТУР билан бир хил. Биполяр 
ПТУР тўқималарнинг кам даражадаги интерполацияси (кам даражадаги қаршилик) 
туфайли кам энергия/қувват талаб қилади. Фаол қутбдан олинган энергия (резекция 
ҳалқаси) физиологик эритмага ўтказилади, бу эса плазма коронаси ҳосил бўлиши билан 
натрий ионларининг қўзғалишига олиб келади. Плазма ҳосил бўлиши билан, молекулалар 
нисбатан паст кучланиш остида тезда парчаланиб, тўқималарни резекция қилишга имкон 
беради. Коагуляция пайтида, томирлар деворида иссиқлик тарқалади, бу эса коагулятнинг 
қалинлашишига/коллагеннинг кўчишига олиб келади. Турли биполяр тизимлар биполяр 
токларни тарқалиши билан фарқ қилади, улар ёрдамида плазмакинетик таъсирга 
эришилади. 
Самарадорлик: 
биполяр ва монополяр ПТУР самарадорлигининг яқин натижалари 
узаро ўхшаш (IPSS шкаласи, ҳаёт сифати ва Qmax кўрсаткичлари). 
Толерантлик ва хавфсизлик: 
Биполяр ПТУР асоратларнинг анча яхшиланган 
профили билан, шу жумладан ТУР-синдроми йўқлиги, қон йўқотиш камлиги ва қовуқнинг 
тампонадаси ва гемотрансфузиянинг паст даражали частотаси, ювиш тизимини қисқа вақт 
қўллаш, катетеризация ва госпитилизация давомийлиги қисқалиги туфайли янада 
самаралидир. 
Амалий масалалар: 
Биполяр ПТУР простата бези катталашган ПСЙС мавжуд 
бўлган беморлар учун монополяр ПТУРга алтернатив усул ҳисобланади, самарадорлиги 
монополяр ПТУР билан бир хил, аммо асоратлар ривожланиш хавфи паст. Хавфсизлик ва 
самарадорлик нуқтаи назаридан биполяр ПТУРдан фойдаланишнинг узоқ муддатли 
натижалари (5 йилгача) монополяр ПТУР натижалари билан тенг. Биполяр ПТУРни 
танлашда тегишли ускуналар мавжудлиги, жарроҳнинг тажрибаси ва беморнинг афзаллик 
берган усули каби омилларни ҳисобга олиш керак. 

---

189