Ўзбекистон Республикаси Соғлиқни сақлаш вазирининг

3.15.6. Очиқ ёки лапароскопик/робот ассистентлигида ўтказиладиган 
жарроҳлик 
ДЛТ, ТОНЛТ ва РИРЖ ривожланган даврда истисно ҳолатлардагина очиқ 
жарроҳлик ўтказиш талаб этилади. Миллий стационар реестри (NIS)нинг 2001-2014 
йиллардаги маълумотларига кўра АҚШда очиқ жарроҳлик (нефролитотомия, 
пиелолитотомия ва уретеролитотомия) касалхонага ётқизилган, СТКни жарроҳлик йўли 
билан даволаш талаб қилинадиган барча беморларнинг (15-17 ёшдаги беморлар 52%) 
2,6%ни ташкил этди [225]. Болаларда буйрак ва сийдик найи тошларида лапароскопик 
жарроҳлик, агар аниқ кўрсатмаларга риоя қилинса, хавфсиз ва самаралидир. 
Лапароскопик пиело- ёки уретеролитотомия 1 см дан катта, буйракдан ташқари турдаги 
жомда жойлашган ягона тош ёки 1,5 см дан катта ўлчамли «тиқилган» сийдик найи 
тошлари ёки ДЛТ ёки УРС самарасиз бўлган тошлар мавжудлигида 100% самарадорликка 
эга [226]. Адабиётларда СТК билан касалланган болаларда робот асситентлигида амалга 
ошириладиган жарроҳлик амалиётларининг самарадорлиги ва асоратлари тўғрисида 
чекланган маълумотлар нашр этилган. 
3.16.7. Метафилактиканинг хусусиятлари 
СТК билан касалланган барча болалар учун тошнинг турига қараб метаболик 
текширувларни ва рецидив профилактикасини ўтказиш талаб қилинади. 
Далилларнинг қисқача хулосаси ва болаларда сийдик-тош касаллигини даволаш 
бўйича тавсиялар 
Далилларнинг қисқача хулосаси 
ИД 
Болаларда ДЛТ, УРС ва ТОНЛТ ўтказилиши учун кўрсатмалар катталарникига 
ўхшаш.
1b 

---

65 
Тавсиялар 
ТД 
Болаларда ўлчами 10 мм гача бўлган сийдик найининг ягона тоши учун, агар 
тошни чиқариш мумкин бўлса, ДЛТ биринчи қатор даволаш усули сифатида 
тавсия этилади. 
Кучли
Агар ДЛТ самарасиз бўлса, УРС сийдик найидаги тошларни олиб ташлаш учун 
мақбул алтернатив вариант ҳисобланади. 
Кучли 
Болаларда буйракдаги 20 мм дан кичик (≈ 300 мм
2
) ўлчамдаги тошлар учун 
ДЛТ ўтказиш тавсия этилади. 
Кучли 
Болаларда жом ёки косачадаги 20 мм дан катта (≈ 300 мм
2
) ўлчамдаги тошлар 
учун ТОНЛТ ўтказиш тавсия этилади. 
Кучли 
РИРЖ локализациясидан қатъи назар, 20 мм дан кичик ўлчамдаги буйрак 
тошлари учун мақбул вариант ҳисобланади. 
Кучсиз

---

66