Ўзбекистон Республикаси Соғлиқни сақлаш вазирининг

3.2. 
Буйрак обструкциясида сепсис ва/ёки анурияни даволаш 
Сийдик йўллари инфекцияси (СЙИ) ва/ёки анурия белгилари бўлган буйрак 
обструкцияси шошилинч ҳолат ҳисобланади. Тош, ягона буйрак обстукцияси ёки 
буйракларнинг икки томонлама обструкцияси туфайли юзага келган обструктив 
пиелонефритда кейинги асоратларни олдини олиш учун шошилинч равишда буйракни 
декомпрессия қилиш зарур. 
Декомпрессия
. Ҳозирги вақтда юқори сийдик йўлларининг обструкциясида 
шошилинч декомпрессиянинг иккита усули мавжуд: 

доимий сийдик найи стентини ўрнатиш; 

тери орқали нефростомия (ТОН). 
Ҳозирги кунда инфекцияланган гидронефрозни даволашнинг дастлабки усули 
сифатида ТОНнинг ретроград стентлашдан устунлигини тасдиқловчи далиллар етарли 
эмас. Бундан ташқари, сийдик найини стентлашдан кейин ТОНга нисбатан асоратларнинг 
анча юқори бўлган частоталарда пайдо бўлиши тўғрисида ишончли маълумотлар мавжуд 
эмас [31, 32]. 
Фақат битта рандомизaцияланган тадқиқотда [33] обструктив пиелонефритда 
юқори сийдик йўлларининг декомпрессияси баҳоланган. ТОН асоратлари бўйича жуда 
кўп ишончли маълумотлар мавжуд, аммо стентлашнинг асоратлари етарли даражада 
тавсифланмаган [31]. Тошларни олиб ташлашга қаратилган якуний даволаш фақат 
антибиотиклар билан даволашнинг тўлиқ курсидан кейин, инфекцияни бартараф этгандан 
сўнг амалга оширилиши мумкин. Кичик рандомизацияланган тадқиқотда адекват 
антибактериал терапия билан биргаликда ўтказилган эрта уретероскопиянинг 
самарадорлиги кўрсатилган; аммо бу ёндашув касалхонада бўлиш муддатини ва оғриқ 
қолдирувчи воситаларга бўлган эҳтиёжни оширади [34]. 
Кейинги тадбирлар.
Сийдик йўлларининг обструкцияси фонида юзага келган 
яллиғланиш ҳолатида шошилинч декомпрессиядан кейин антибиотикларга сезгирликни 
аниқлаш билан сийдик ва қонни бактериал экишни амалга ошириш, шундан сўнг 
антибиотиклар билан даволаш дарҳол тайинланиши ёки агар у таҳлилдан олдин олиб 
борилган бўлса, давом эттирилиши керак. Даволаш схемаси бактериал экманинг 
натижаларига қараб коррекция қилиниши керак. Клиник жиҳатдан асосланган бўлса-да, 
адабиётларда иккинчи марта сийдикни экишнинг даволаш натижаларига таъсири 
баҳоланмаган. Баъзи ҳолларда интенсив терапияга эҳтиёж кузатилади. 

---

31