Ўзбекистон Республикаси Соғлиқни сақлаш вазирининг

Сийдик найлари ғилофлари. 
Турли хил ўлчамдаги (одатда 9 Ch ва ундан катта) 
гидрофил қопламали сийдик найларига кириш учун мўлжалланган ғилофларни ўтказувчи 
сим орқали киритиш ва уларнинг учини сийдик найининг проксимал бўлимида ўрнатиш 
мумкин.
 

---

37 
Ғилофлар сийдик найининг проксимал бўлими ва буйракка бир неча марта 
киришни таъминлайди ва УРС ўтказилишини анча осонлаштиради. Сийдик найи ғилофи 
тасвир сифатини яхшилаш, буйрак ичи босимини ушлаб туриш ва жарроҳлик вақтини 
қисқартириш учун ирригацион суюқлиқнинг доимий оқимини таъминлайди. Ғилофни 
ўрнатиш сийдик найини шикастлаши мумкин, аммо олдиндан стентлаш ўтказишда хавф 
камаяди. Адабиётларда узоқ муддатдан кейинги асоратлар тўғрисида маълумотлар 
мавжуд эмас [85, 86]. Йирик когорт тадқиқотлар тошни тўлиқ йўқотилиши ва сийдик 
найларининг шикастланишида фарқ йўқлигини кўрсатган бўлса-да, ғилофни ўрнатиш 
жарроҳлик амалиётидан кейинги яллиғланиш асоратлари хавфини камайтиради [87]. 
Ғилофни ишлатиш жарроҳ афзал кўришига боғлиқ. 
Тошларни олиб ташлаш.
Эндоурологик жарроҳликнинг мақсади тошларни 
бутунлай олиб талашдан иборат. «Майдалаш ва кетиш» («dust and go») стратегиясидан 
фақат йирик буйрак тошлари учун фойдаланиш керак. Тошларни эндоскопик қисқичлар 
ёки саватчалар ёрдамида олиб ташлаш мумкин. Эгилувчан УРСда фақат нитинолдан 
тайёрланган саватларчадан фойдаланиш мумкин. 
Контактли литотрипсия.
Литотрипсиянинг энг самарали усули ҳам ригид, ҳам 
эгилувчан УРС учун «олтин стандарт»га айланган гольмийли тизим (Ho: YAG) 
ҳисобланади, чунки ҳар қандай тош учун ушбу усул самаралидир [88, 89]. Пневматик ва 
ультратовуш литотриптерлар ригид УРС учун юқори самарали ҳисобланади [90, 91]. 
Шу билан бирга, кўп ҳолларда учрайдиган муаммо тошнинг буйракка миграцияси 
бўлиб қолмоқда, бунинг олдини олиш учун махсус асбобларни тошга нисбатан 
проксималроқ тарзда ўрнатиш мумкин. Гольмий лазер (Ho: YAG) билан ўтказилган 
литотрипсиясидан кейин ЛКТ тошни тўлиқ йўқотилиши частотасини оширади ва буйрак 
санчиғи хавфини камайтиради.