Ўзбекистон Республикаси Соғлиқни сақлаш вазирининг

3.6.1. Буйрак тошларида уретерореноскопия (ретроград интраренал 
жарроҳлик (РИРЖ)) 
Техник такомиллаштиришлар, шу жумладан кичик ўлчамли эндоскопларнинг 
яратилиши, фаол айланма механизм, визуализация ва инстументлар сифатининг 
такомиллаштирилиши, ва бир марталик интрументларнинг пайдо бўлиши буйрак ва 
сийдик найи тошларида УРСнинг тез-тез ўтказилиши учун имконият яратиб берди. 
Айниқса РИРЖ соҳасида катта ютуқларга эришилди. 
Яқинда ўтказилган ўлчами 2 см дан катта бўлган буйрак тошларини даволаш 
баҳоланган тизимли шарҳда тошни тўлиқ йўқотилишининг кумулятив частотаси 91% ни 
ташкил этди. Ўртача ҳисобда битта беморга 1,45 та аралашув ўтказилди. Clavien шкаласи 
бўйича III ва ундан юқори даражадаги асоратларнинг частотаси 4,5% ни ташкил этди [81-
83]. Рақамли эндоскоплар юқори даражадаги тасвир сифати туфайли операция вақтини 
қисқартириш имконини беради. Бутунлигича олиб ташлаб бўлмайдиган тошлар 
парчаланиши керак. Пастки косача тошини майдалаш қийин бўлган ҳолларда, уни янада 
қулайроқ косачақа ўтказиш мумкин. 
3.6.2. УРС ўтказиш бўйича илғор клиник тажриба 
Юқори сийдик йўлларига кириш.
Одатда, жарроҳлик амалиёти умумий 
анестезия остида амалга оширилади, аммо маҳаллий ёки регионар анезтезиядан ҳам 
фойдаланиш мумкин. Сийдик найининг проксимал бўлимларида йирик тиқилган тошлар 
бўлса, антеград УРС ўтказилиши мумкин. 
Хавфсизлик
. Жарроҳлик хонасида рентгеноскопик ускуналар бўлиши керак. 
Қатъий равишда хавфсизликни таъминловчи ўтказувчи симни ўрнатиш тавсия этилади, 
гарчи бир қатор текширувлар натижаларига кўра УРСни усиз ҳам бажариш мумкин. Агар 
кенгайтириш керак бўлса, балон ва пластик дилататорлардан фойдаланиш мумкин. 
Эгилувчан уретероскопни киритишдан олдин визуал дилатациялаш учун ригид 
УРС ўтказилиши мумкин. Сийдик найига киришнинг имкони бўлмаган тақдирда, 
алтернатив усул сифатида JJ-стентни жойлаштириш ва 7-14 кундан кейин УРСни ўтказиш 
мумкин [84].