Ўзбекистон Республикаси Соғлиқни сақлаш вазирининг

 
3.3.1.3. Топик терапия 
Ионофорез
(электр юритувчи куч билан дори воситасини трансдермал киритиш 
деб ҳам аталади) дори воситаларини топик қўллашдаги чекловларни енгиб ўтиш учун 
ишлаб чиқилган. 5 мг верапамил ва 8 мг дексаметазон билан ионофорез бўйича кичик 
текширувларда бир-бирига зид натижалар олинган [421, 422]. 
H-100 Gel 
никардипин, супероксиддисмутаза ва эму мойини ўз ичига олади. H-100 
Gel дан фойдаланиш жинсий олатнинг чўзилган ҳолатида унинг узунлиги, эгрилиги ва 
оғриқ кўрсаткичларининг яхшиланиши, H-100 ни топик қўллаш Пейрони касаллигини 
даволашда хавфсиз ва эҳтимол самарали инвазив бўлмаган даволаш усули эканлиги 
ҳақида далолат беради [423]. 
Зарб-тўлқинли терапия. 
Пейрони касаллигида зарб-тўлқинли терапиянинг таъсир 
қилиш механизми ҳалигача ўрганилмаган, аммо иккита гипотеза мавжуд. Улардан 
биринчисига кўра, бу тугунни тўғридан-тўғри парчалаш ва қайта тузилишидан иборат. 
Иккинчи гипотезага кўра, зарб-тўлқинли терапия таъсир кўрсатадиган зонада иссиқлик 
ҳосил қилиш орқали қон айланиш даражасини оширади, бу эса макрофаг фаоллигининг 
ошиши билан яллиғланиш кўринишидаги жавоб реакциясига ва кейинчалик сўрилиши 
билан тугун лизисига олиб келади [424]. Ҳар бири 2000 зарбадан иборат 4 ҳафталик 
даволаш сеансларини ўрганиш пайтида фақат эрекция пайтида оғриқнинг статистик 
жиҳатдан сезиларли даражада пасайиши кузатилди, шуни таъкидлаш керакки, қарама-
қарши маълумотлар ҳам мавжуд [425].
 
Тракцион қурилмалар. 
Дюпюитрен контрактурасида узлуксиз тракциялашдан 
фойдаланиш литик ферментларнинг фаоллигини оширади. Дастлабки босқичда бу 
тугуннинг зичлигининг йўқотилишига, сўнгра эритишга ва қайта синтезланган коллаген 
массанинг кўпайишига олиб келади [426]. Ушбу концепция Пейрони касаллиги билан 
касалланган 10 нафар беморни назоратсиз тадқиқотда ўрганилган (FastSize Penile Extender 
экстендери 6 ой давомида кунига 2-8 соат давомида ягона даволаш сифатида 
фойдаланилган) [115]. Барча эркакларда эгриликнинг ўртача 33% (51-34 ° оралиғида) 
кўрсаткич билан 10-40 градусга камайганлиги қайд этилган. Ушбу даволаш усули 
беморлар учун қулай эмас, чунки у юқори даражадаги мотивация билан яхши муҳосаба 
қилинган бўлса-да, курилмадан узоқ вақт давомида кунига 2 дан 8 соатгача 
фойдаланишни талаб қилади [427].