Ўзбекистон Республикаси Соғлиқни сақлаш вазирининг

 
Беморлар тоифаси:
эректил дисфункция ёки барвақт эякуляция ёки Пейрони 
касаллиги ёки жинсий олатнинг туғма эгрилиги ёки эркаклар бепуштлиги мавжуд эркак 
беморлар. 
Баённоманинг мақсадли гуруҳи:
Амалиётдаги шифокорлар – андрологлар, 
урологлар, умумий амалиёт шифокорлари (оилавий шифокорлар), талабалар, 
магистрантлар ва клиник ординаторлар фойдаланиши учун мўлжалланган. 
 
Эркакларнинг жинсий функцияси 4 та асосий таркибий қисмдан иборат: либидо, 
эрекция, эякуляция, оргазм. Жинсий дисфункция жинсий алоқа қилишга ҳохиш ёки 
қобилиятига тўсқинлик қилувчи ушбу таркибий қисмларнинг бирининг бузилиши 
ҳисобланади. Кўпгина дори воситалари, соматик ва психик касалликлар жинсий 
функцияга таъсир кўрсатади.
Эректил дисфункция (ЭД), барвақт эякуляция билан бир қаторда – эркакларнинг 
жинсий соғлиғида энг кўп учрайдиган иккита муаммо ҳисобланади [1, 2]. Ҳозирги кунда 
касалликнинг патофизиологик келиб чиқиш механизмларининг кенгроқ очилиши, янги 
диагностик ва самарали дори воситаларининг пайдо бўлиши жинсий дисфункцияли 
эркакларни юритиш ва даволаш усулларини тубдан ўзгартирди.
Андрологиядаги бошқа бир муаммо жинсий олатнинг эгрилиги ҳисобланади, ушбу 
ҳолат беморнинг ҳаёт сифатини пасайтиради ва жинсий алоқага тўсқинлик қилади. 
Асосан Пейрони касаллиги ва жинсий олатнинг туғма эгрилиги фарқ қилинади.
Эркаклар бепуштлиги муаммоси ҳозиргача тўлиқ ҳал қилинмаган. Ҳозирда ушбу 
касалликни ташхислаш ва даволаш умуммиллий кўриниш акс этди, баъзи давлатлар 
демографиясининг ёмонлашуви ушбу муоаммони олдинги қаторга сурилишига олиб келди.
 

---

214 
1. ЭРЕКТИЛ ДИСФУНКЦИЯ 
1.1. 
Эпидемиология, этиология, патогенез 
Эрекция неврологик, қон-томир ва тўқима компанентлари орасидаги мураккаб ва 
мувофиқлашган мувозанатга боғлиқ бўлган мураккаб феномен сифатида таърифланади. У 
артериялар кенгайиши, трабекуляр силлиқ мушакларнинг бўшашиши ва корпоровено-
окклюзион механизмнинг фаоллашишини ўз ичига олади [3]. 
Эректил дисфункция (ЭД) муваффақиятли жинсий алоқада бўлиш учун етарли 
бўлган эрекцияга эришиш ва уни ушлаб туриш учун доимий қобилиятсизлик деб 
таърифланади [4]. ЭД жисмоний ва руҳий саломатликка таъсир қилади, шунингдек 
беморнинг ҳаёт сифатига, унинг жинсий шеригига сезиларли таъсир кўрсатади [5–7]. ЭД 
коронар ва периферик қон томирлар зарарланишининг эрта аломати бўлиши мумкинлиги 
ҳақида маълумотлар тўпланмоқда, шунинг учун уни фақат ҳаёт сифати доирасида эмас, 
балки юрак-қон томир касалликларининг потенциал маркери сифатида кўриш лозим
[8–10].