Ўзбекистон Республикаси Соғлиқни сақлаш вазирининг

Микцион цистоуретрография.
Микцион цистоуретрография ПСЙС мавжуд 
бўлган эркакларда мунтазам текширувларни ўтказишда тавсия этилмайди. Микцион 
цистоуретрографияни қовуқ-сийдик найи рефлюкси, қовуқ дивертикули ёки уретра 
патологиясини истисно қилиш учун бажариш керак. Ретроград уретрографияни бажариш 
уретра стриктурасига шубҳа туғилганда тавсия этилади.
Уретроцистоскопия
. 
ПСЙС мавжуд бўлган ва анамнезда микро- ёки 
макрогематурия, уретра стриктураси ёки қовуқ раки билан оғриган беморларда 
диагностик текширув вақтида уретроцистоскопия ўтказилиши керак. 
Тавсиялар 
ТД 
Агар ПСЙС мавжуд бўлган эркакларда уретроцистоскопияда олинган 
натижалар даволаш тактикасига таъсир қилиши мумкин бўлса, ушбу 
текширувни жарроҳлик йўли билан даволашдан олдин ўтказиш тавсия этилади
Кучсиз 
2.3.7. Уродинамик текширувлар 
Эркакларда ПСЙС мавжуд бўлганда энг кўп қўлланиладиган усуллар – бу тўлиш 
цистометрияси ва «босим/оқим» текшируви. Уродинамик тадқиқотларнинг асосий 
вазифаларига ПСЙСнинг функционал механизмларини ўрганиш ва салбий оқибатларга 
олиб келиши мумкин бўлган хавф омилларини аниқлаш (асосли қарор қабул қилиш учун) 
киради. Кўпгина атамалар ва ҳолатлар (гиперактив детрузор, деворнинг паст даражадаги 
мослашувчанлиги, ИВО/ПБХПО, детрузорнинг гипоактивлиги) уродинамик текширувда 
аниқланади. 
Инфравезикал обструкция диагностикаси.
«Босим/оқим» текшируви – детрузор 
билан ҳосил бўлган босим ошиши ва сийдик чиқаришда сийдикнинг оқим тезлигини 
пасайиши билан характерланадиган ИВОни аниқлаш учун ассос ҳисобланади. 
ИВО/ПБХПОни детрузорнинг гипоактивлигидан фарқлаш керак, гипоактивлик сийдик 
чиқариш пайтида детрузор билан ҳосил бўлган босимнинг пасайиши ва сийдик чиқариш 
тезлигининг пасайиши сифатида таърифланади [8]. 
Уродинамик текшрувларнинг инвазив табиатига кўра катетер ўрнатилиши 
туфайли, одатда консерватив даво самарасиз бўлганда амалга оширилади. 
Видео-уродинамик текширувлар. Видео-уродинамик текширув қўшимча анатомик 
ва функционал маълумотларни беради ва ПСЙС ривожланишининг патофизиологик 
механизмларига шубҳа туғилганда тавсия этилади.