Ўзбекистон Республикаси Президенти Шавкат Миромонович Мирзиёевга

Ўзбекистон Республикаси Президенти
Шавкат Миромонович Мирзиёевга.


Фарғона вилояти, Фарғона шаҳри,
А.Қодирий кўчаси 08-уй, 1-хонадонда яшовчи фуқаро
Маражапова Мукаррамхон Қирғизбоевнадан
(Телефон рақамим [phone])


А Р И З А .
Мухтарам Президентим! Хурматли Шавкат Миромонович Мирзиёев!
Мен, Ўзбекистон Республикаси фуқароси М.Қ.Маражапова 1963-йилда Фарғона вилоятида туғилганман. Миллатим тожик. Бир умр ўзимнинг ҳалол меҳнатим ва пешонатерим билан ишлаб, ҳозирда нафақадаман. Оилаликман, турмуш ўртоғим ногирон. Бир қиз, бир ўғилни вояга етказиб, ўқитиб, уйли-жойли қилдик. Невараларим бор.
Ўғлимиз, Маражапов Жавлонбек Ғайратжон ўғли - 1993-йилнинг 16-сентябрь кунида туғилган. Мактабни яхши баҳоларга битирган. Аммо, оилавий шароит туфайли ўғлим бирорта олийгоҳга ўқишга киролмади. Коллежни битириб, тадбиркорлик билан шуғуллана бошлади. У болалигидан жуда ҳам раҳмдил ва мард инсон бўлиб вояга етди. Ўғлимиз билан нафақат биз, балким, уни билган барча инсонлар ниҳоятда фахрланашарди. Жавлонбек ўз кучи билан опасини турмушга узатишимизга ёрдам берди. Кейин ўзи уйланди. Ҳозир фарзанди тўрт ёшдан ошди. Аммо у ҳам ота меҳрига зор бўлиб ўсмоқда. Чунки, мана икки йилдан ошди-ки, ўғлимиз ҳозирда, тергов органларининг ноҳолислиги ва ноқонуний айбловлари, Судьялар савиясизлиги, ноодиллик билан қабул қилган асоссиз ҳукм ва ажримлари туфайли айни гуллаган ёшида ноҳаққоний жазога маҳкум этилиб, озодликдан маҳрум қилиш жойларида жазо муддатини ўтамоқда.
МУХТАРАМ ПРЕЗИДЕНТИМ!!! ҚУЙИДА АЙТМОҚЧИ БЎЛАЁТГАН ГАПЛАРИМНИ СИЗГА ОЧИҚ-ОЙДИН БАЁН ҚИЛМАСАМ, ЎЗБЕКИСТОНИМИЗДА МЕНИ ҲЕЧ КИМ ЭШИТМАЯПТИ!!!
МУХТАРАМ ПРЕЗИДЕНТИМ!!! МЕНИНГ ЎҒЛИМ ҲОЗИРДА ЎЗИНИНГ ЁШ УМРИНИ АСОССИЗ, АДОЛАТСИЗ НОҲАҚҚОНИЙ ВА НОҚОНУНИЙ ЖАЗО МУДДАТИГА МАХКУМ ЭТИЛИБ, ОЗОДЛИКДАН МАҲРУМ ЖОЙЛАРИДА ЎТАШГА МАЖБУР БЎЛЯПТИ!