Ўзбекистон Республикаси Президенти Шавкат Миромонович Мирзиёевга

Мухтарам Президентим!
Хурматли Шавкат Миромонович Мирзиёев !
Ўзингизнинг таъбирингиз билан айтилганда, инсон ҳамма нарсага чидаши мумкиндур, лекин адолатсизликка асло чидолмас экан! Мен бир муштипар она сифатида фарзандимга нисбатан қилинаётган бу ниҳоятда қаттиқ адолатсизликка умуман чидолмаяпман! Мана, икки йилдан ошди ҳамки, икки инсоннинг ўзаро қонхўрларча қилмишларидан ажратиб, уларни шифохонага етказиб, оддий инсонийлик бурчини бажарганлиги учун ўғлимни, “қонун устивор” деб аталаётган жамиятимиз ҳуқуқ-тартибот органлари ходимларининг ноҳолислиги ва нопрофессионаллиги, инсон тақдирига панжа орасидан қараб, тезроқ қаматишга қаратилган ноинсофликлари, “Инсонпарварлик тамойили энг олий қадриятимиз!” деган шиори остида, шундай ноинсоний ҳукмлар билан инсонлар тақдирига, айниқса, менинг ўғлим каби ёшларимизнинг келажагига ағёр-ёвлар каби маъсулиятсизлик билан бепарволик қилаётган Судлар кўр-кўрона ҳукм ва ажримлари шу янги Ўзбекистонимизда содир этилаётганлигига таажуб ва кўнгли вайронликда адо бўляпман.
Ҳурматли Шавкат Миромонович, Сиз Ўзбекистон ҳалқининг отасисиз! Миллионлаб фарзандларимиз қатори бизнинг ўғлимиз – Жавлонбек Маражаповнинг тақдирига ҳам беэътибор бўлмаслигингизни илтимос қилиб сўрайман! Сиздан юқоридаги адолатсиз ва ноқонуний ҳукм ва ажримларни бекор қилинишида, мазкур жиноят ишини ҳолислиги ва профессионаллигига шубҳа йўқ бўлган, виждонли ва адолатли Судьялар томонидан қонуний ва адолатли тарзда қайта кўриб чиқилиб, ўғлимизнинг ҳатти-харакатларига қонуний ва адолатли тарзда ҳуқуқий баҳо берилишида ва уни озод этилиишида ўзингизнинг мурувватингизни бизнинг оиламиздан аямаслигингизни ўтиниб сўраймиз.
Чексиз ҳурмат ва умидлар билан
Маҳкум Маражапова Жавлонбек
Ғайратжон ўғлининг Онаси Маражапова Мукаррамхон.
«_____» - __________________2022-йил.


Ўзбекистон Республикаси Олий Суди Раисига.