Ўзбекистон Республикаси Президенти Шавкат Миромонович Мирзиёевга

ЎТИНАМАН – АДОЛАТ ҚИЛИНГ!!! ЎТИНАМАН – ҲАҚИҚАТ ҚИЛИНГ!!! МЕН БИЛАМАН, СИЗ ЎТА АДОЛАТПАРВАР ВА ЎТА ҲАҚИҚАТПАРВАР ИНСОНСИЗ, ШАВКАТ МИРОМОНОВИЧ!!!
Сиз ҳар чиқишингизда;-“Адолат, адолат ва яна бир бора адолатли жамият тузишимиз лозим! Ҳеч кимнинг айби тўлиқ асослантирилмай туриб, озодликдан маҳрум этилиши мумкин эмас! Ҳар бир инсон озод ва обод яшаши лозим!!! Фуқароларимизнинг инсонийлик ҳуқуқ ва қадриятлари давлат ва Қонунчилик томонидан тўлақонли ҳимояланган ва таъминланган бўлиши шарт ва лозим! Қонунийлик ва адолатлилик тамойилларидан четга оғишга йўл қўйган шахс, аввало Ҳалқимизга, Давлатимизга, қолаверса, ўз Президентига очиқдан-очиқ хойинлик қилган ҳисобланади!” –дея жон куйдиряпсиз. Минг афсуски, мен мана шу кўргиликлар туфайли билдим-ки, минбарларда турволиб, “Қонун устивор!” – деган баландпарвоз гаплар билан кўкрагига уриб, бўғзини йиртаётган баъзи ҳуқуқ-тартибот, прокуратура ва Суд тизимидаги мансабдорларимизнинг учун, Сизнинг юқоридаги фармонларингиз тугул, Конституциямиз билан ҳам, қонун устиворлиги билан ҳам, айниқса оддий фуқароларимизнинг тақдири билан эса умуман “сариқ чақа”чалик ҳам иши йўқ эканлигига кун сайин амин бўлиб бормоқдаман. Сизнинг “Янги Ўзбекистонимизда энг олий қадрият Инсон ҳуқуқлари” эканлиги ҳақидаги маърузаларингизни улар, қўллари толиб кетгунича давомли олқишлар билан кутиб олишяпти-ю, кейин ўз идоралари, ҳашаматли кабинетларига етмай туриб, Сизнинг топшириқларингизни унутиб қўйишаётгандай туюляпти, менга! Оқибат, Ўзбекистонимизда мен каби минглаб онаизорлар фарзандларимизга адолатсиз ва ноқонуний жазо берилганлигидан хўрланиб, хорланиб зор ўртаниб яшаяпмиз. Адолат илинжида идорама-идора ўз арзи-додларимиз билан хору-сарсон бўлиб юрибмиз. Қани эди, лоақал бу оналаримизнинг нолаи-фиғонларини мингдан бир фоизи, ўша “дийдаси қаттиқ” мансабдор ва маъсулларнинг бирортасини юрагини жиззиллатиб, улар нима учун бу лавозимда бир неча ўн миллионлаб ойлик маош олишаётганлигини эслашиб, Сиз ва ҳалқимиз томонидан ўзларига юклатилган муқаддас бурч – жамиятимизда ҳақиқатпарварлик, адолатпарварлик, қонун устиворлиги ва инсонпарварлик тамойилларини ҳимоя қилиши лозимлиги тўғрисида озгина бўлса ҳам эслашларига мажбур қилса....