Ўзбекистон Республикаси Президенти Ш. М. Мирзиёев раҳбарлигида 022 йил 28 январь куни кенгайтирилган тарзда ўтказилган видеоселектор йиғилишининг – сонли баёни

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Туризм ва спорт вазирлиги (Абдухакимов), Халқ таълими вазирлиги (Саидов) бир ой муддатда мавжуд болалар ва ўсмирлар спорт мактабларини улар жойлашган ҳудуддаги мактабларга бириктирсин ҳамда камида 1 та спорт тўгараги фаолиятини йўлга қўйсин.

Бунда:
болалар ва ўсмирлар спорт мактаблари методистларини умумий ўрта таълим мактабларининг жисмоний тарбия ўқитувчиларига методик ёрдам кўрсатишини;

ҳар бир мактабда футбол, баскетбол, волейбол, қўл тўпи ва бошқа жамоавий ўйин турлари бўйича командалар тузиш ҳамда мунтазам равишда мактаблар ўртасида мусобақалар ўтказилишини;
спорт мусобақалари бўйича туман ва вилоят ғолиблари учун ҳоким соврини таъсис этилишини ҳамда зарур спорт анжомлари билан таъминлаш чораларини кўрсин.

29. 
    Маданият вазирлиги (Назарбеков), Халқ таълими вазирлиги (Саидов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда анъанавий таълим жараёни қайта тиклангандан сўнг бир ой муддатда жойлашган ҳудуди ҳамда ўқувчиларнинг қизиқишларига қараб мактабларда бахшичилик, мақом, эстрада, театр, рассомчилик йўналишларида тўгараклар ва бадиий ҳаваскорлик жамоаларини ташкил этиш чораларини кўрсин.
    
30. 
    Халқ таълими вазирлиги (Саидов), Маданият вазирлиги (Назарбеков) 2022/2023 ўқув йилидан бошлаб умумий ўрта таълим тўғрисидаги шаҳодатномага битирувчининг чолғу асбоблардан бирини чалиш кўникмасига эга эканлиги тўғрисида тегишли қайдларни киритсин.
    
31. 
    Халқ таълими вазирлиги (Саидов), Хорижий тилларни ўрганишни оммалаштириш агентлиги (Обидов), Давлат тест маркази (Каримов), Молия вазирлиги (Ишметов) Ўзбекистон Республикаси Президенти соврини учун хорижий тилларни ўқитиш бўйича энг яхши мактаб танловини юқори савияда ўтказиш, назорат материаллари махфийлигини таъминлаш, уларни сифатли чоп этиш ҳамда махсус қутиларга жойлаштириб тегишли ҳудудларга етказиш чораларини кўрсин.
    

Бунда, Халқ таълими вазирлиги ҳамда Давлат тест маркази ўртасида “Лойиҳалар ва импорт контрактларини комплекс экспертиза қилиш маркази”дан экспертизадан ўтказмасдан тўғридан-тўғри шартнома тузишга рухсат берилсин.

32.