Ўзбекистон Республикаси Президенти Ш. М. Мирзиёев раҳбарлигида 022 йил 28 январь куни кенгайтирилган тарзда ўтказилган видеоселектор йиғилишининг – сонли баёни

Президент Администрацияси (Абдувахитов, Мавлонов), Бош вазир ўринбосари (Қўчқоров), Олий ва ўрта махсус таълим вазирлиги (Тошқулов), Молия вазирлиги (Ишметов), Халқ таълими вазирлиги (Саидов) икки ой муддатда халқаро тажрибаларни инобатга олган ҳолда, педагогика йўналишидаги олий таълим муассасалари фаолиятини тубдан ислоҳ қилишни назарда тутувчи тегишли қарор лойиҳасини тайёрласин.

Қорақалпоғистон Республикаси Вазирлар Кенгаши, вилоятлар, Тошкент шаҳар ҳамда туман ва шаҳар ҳокимликлари 2022/2023 ўқув йилидан бошлаб аниқ ва табиий фанлар ҳамда чет тиллар бўйича хорижий мутахассис (методист, ўқитувчи)ни маҳаллий бюджет маблағлари ҳисобидан жалб қилсин ва уларга барча шарт-шароитларни таъминлаб берсин.

Бунда, жалб қилинадиган мутахассисларнинг сифат даражасини таъминлаш мақсадида уларнинг рўйхати Халқ таълими вазирлиги билан келишиш зарур эканлиги белгилансин.

19. 
    Халқ таълими вазирлиги (Саидов):
    

жорий йилда 3-, 6-, 7- ва 10-синфлар учун замонавий дарсликларни яратиш, инглиз тили (Кембридж нашриёти), информатика (Кембридж нашриёти), рус тили (Герцен университети билан ҳамкорликдаги дарсликлар) ва немис тили (Клетт нашриёти) фанларидан барча синфлар учун халқаро миқёсда тан олинган дарсликларни ва ўқув-методик мажмуаларни жорий қилиш;
икки ой муддатда халқаро тажрибани инобатга олган ҳолда, мактабларда ўқув юкламаси ва дарслар сонини қайта кўриб чиқиш, ўқувчиларни назарий билимлар билан бирга, фикрлашга чорлайдиган методикаларни жорий қилиш бўйича таклифларни Президент Администрациясига киритиш;
2024 йил якунига қадар мактаб ўқув дастурларини қайта кўриб чиқиб, дарсликларни илғор тажрибалар асосида тўлиқ янгилаш чораларини кўрсин.

20. 
    Халқ таълими вазирлиги (Саидов)нинг умумий ўрта таълим муассасалари учун дарслик, ўқувчи машқ дафтари, ўқитувчи учун методик қўлланма ҳамда мультимедиа илова (оригинал ва таржима асар)ларнинг муаллиф (тузувчи)лари ижодини самарали рағбатлантириш мақсадида, уларга тўланадиган муаллифлик ҳақини бозор нархларини ўрганган ҳолда, меҳнатга ҳақ тўлашнинг энг кам миқдорига нисбатан оригинал асар учун
    “5” ва таржима асар учун “1,6” коэффициентлардан кам бўлмаган ҳолда белгилаш бўйича таклифига розилик берилсин.
    
21.