Zbekiston respublikasi oliy va o ‗ rta maxsus ta`lim vazirligi

 

 

ERKIN VOHIDOV IJODIDA MUMTOZ SHE`RIYAT AN`ANALARI 

IFODASI 

Azamat FAYZULLAYEV, 

1-bosqich talabasi (Toshkent davlat sharqshunoslik universiteti) 

 

Ma`lumki,  Erkin  Vohidov  ko‗p  asrlik  mumtoz  she`riyatimiz  an`analarini 

munosib  ravishda  davom  ettirgan  va  bunga  o‗ziga  xos  tarzda  sayqal  bera  bilgan 

ijodkorlardan.  Shoirning  ―Yoshlik  devoni‖  tarkibiga  kiruvchi  ko‗plab  g‗azal 

shaklidagi  she`rlarida  mumtoz  lirikamizda  ahamiyatli  bo‗lgan  jihatlar  ifodasi  va 

ayrim holatlarga takomilini ko‗rish mumkin. 

―Yoshlik  devoni‖  yana  shu  jihatdan  ahamiyatliki,  undagi  g‗azallar  shakl 

bobida  an`anaviylik  va  novatorlik  xususida  keng  bahs  yuritish,  tadqiqotlar  olib 

borish uchun imkon beradi‖ [2, 444]. 

She`riyatning  an`anaviy  mavzularidan  sanalgan  muhabbat  lirikasi  mumtoz 

ash‘orlarda  ma‘shuqaning  ta‘rifidagi  mubolag‗aviy  ta‘rifu  tavsifning  ustunligi 

bilan  ajralib  turgan.  Bunda  shoirdan  noyob  zehn  va  o‗zgacha  mushohadakorlik 

talab etilgan. Ya`ni shoir yor ta‘rifida hech kimnikiga  o‗xshamagan biror tashbeh 

yoki boshqa tasvir vositasidan o‗rinli foydalana olishi talab etilgan. Xuddi shunday 

topqirlik va novatorlik Erkin Vohidov she`rlarida ham ko‗plab uchraydi. Xususan, 

shoirning  ―Taroq‖  deb  nomlangan  she`rida  Ma`shuqaning  sochiga  tegayotgan 

taroq oshiq tomonidan o‗zining kipriklariga o‗xshatiladi.  

Ul taroq ermas sochingda, 

Balki yoshli kiprigim, 

Yo‗qsa, ne boiski, zulfing 

Shuncha ardoqlar taroq [1, 117]. 

---

193 

 

Ya`ni,  avaylanib  taralayotgan  sochdagi  jism  taroq  emas,  balki  oshiqning  yoshli 

kipriklari,  ya`ni  ko‗zyosh  ko‗p  to‗kkanidan  nam  bo‗lgan  kipriklar  ham  xayolan 

yorining biror xizmatini qilayotganligidan baxtiyor, ham uni payqamasliklari va bu 

baxtdan mosuvo qilmasliklari uchun o‗ziga diqqatni jalb etmoqchi emas.  

 

Taroq  mavzusi  yana  bir  ―Tong  g‗azali‖  nomli  she`rida  o‗zgacha  shaklda 

namoyon bo‗lgan: 

Shafaq ko‗zgusida 

O‗z husniga oshiq bo‗lib boqmish 

Va tog‗larni taroq aylab, 

Quyosh sochin taroqlabdur [1, 109].  

Bu  erda  tong  otayotgandagi  o‗zgacha  shukuhli  manzara  namoyonini  ko‗rish 

mumkin.  Ya`ni  shaffof  holatdagi  shafaq  ko‗zgusida  o‗z  husnini  ko‗rayotgan  tong 

o‗ziga  o‗zi  oshiq  bo‗lib,  yanada  ko‗rkam  ko‗rinish  uchun  tog‗larni  quyoshning 

yoyilgan  sochlari  (nurlari)  uchun  taroq  vazifasida  qo‗llab,  shular  bilan  uni 

taroqlayotganligi tavsiflangan.  

―Dilda  ishq  daryochadir...‖  she`rida  lirik  qahramon  bo‗lgan  oshiq  yigit 

ma‘shuqasini ta‘riflar ekan, mumtoz an`analarga xos mubolag‗aviy tavsif keltiradi: 

Voh, ajab nomingni aytsam 

Lol bo‗lur til ham ko‗ngil, 

She`r ipi nogoh qalamning 

Ignasidan qochadur [1, 110].  

Ma`shuqaning  ismi  tilga  kelganda,  oshiqning  uzvlari  bo‗lgan  til  va  ko‗ngul 

hayronu lol bo‗lib, tang holatga tushadilar. She`r ipining qalam ignasidan qochishi 

–  bu  oshiqdagi  kuchli  ishq  tufayli  yuzaga  kelgan  ruhiy  holatning  ifodasi  bo‗lib, 

ignaga  ip  o‗tkazish,  ya`ni  yaxshi  bir  she`r  yozishga  qo‗li  bormaslik,  hech  ham 

ko‗ngidagi  ishq  o‗tini  so‗z  bilan  bayon  qila  olmay  ojiz  qolish  holatining  ifodasi 

uchun  qo‗llangan.  ―She`r  ipi‖  istiorasi  yozilajak  ash‘or  ma`nosida  bo‗lsa, 

―qalamning  ignasi‖  istiorasi  esa  yozishga  chog‗langan  qo‗l  yoki  shoirning  ishga 

kirishishi ma`nosida qo‗llanilgan.  

 

―Tola  soch‖  she`rida  shoir  tola  soch  detalidan  foydalanib,  ma‘shuqaning 

tavsifidagi mubolag‗aviy tasvirlarni aks ettira olgan: 

Tola-tola sochlaringdan 

Dil yo‗qotmish tinchini, 

Yo bu tolang dil qushiga  

Qil tuzoq monandimu? [1, 112].  

deyish  orqali  ma‘shuqaning  sochlari  tolalari  oshiqning  ma‘shuqa  atrofida  parvoz 

qilayotgan  ―dil  qushi‖ga  qo‗yilgan  qil-tuzoq,  ya`ni  ko‗rinmas,  lekin  o‗ta 

mustahkam  tuzoq  vazifasini  o‗tayotganligini  bildirish  orqali  oshiq  unga  asir 

ekanligiga iqror bo‗ladi.  

 

―Quyosh‖  nomli  she`rida  shoir  oftobday  go‗zal  ma`shuqaning  tavsifini  aks 

ettirayotir  uning  go‗zalligiga  oid  mubolag‗aviy  tasvirlar  qatorida  o‗zning 

oshiqlikdagi  nochor  va  abgor  holati  ifodasidan  ham  she`rning  ta`sirchanligini 

oshirishda unumli foydalanadi.  

Deydilar, ishq otashidan 

---

194 

 

Oftob ham taft olur; 

Gar isinmoq istasa 

Qalbimga jo bo‗lsin quyosh [1, 115].  

Bunda  oshiqning  ishqi  olovi  taftidan  issiqlikni  quyosh  ham  oladi,  ya`ni  oshiqlik 

alangasi  quyoshnikidan  o‗n  chandon  kuchliroq  bo‗lganidan  oftob  undan  issiqlik 

olib,  keyin  olamga  taratadi.  Bu  holatda  isinishni  istgan  quyosh  uchun  oshiqning 

qalbidagi  harorat  ayni  muddao  bo‗lishi  xususida  so‗z  bormoqda.  Bundan  g‗uluvv 

darajasidagi  mubolag‗aviy  tasvir  mumtoz  g‗azalchiligimizga  xos  an`analar 

sirasidan.  

 

―Hijron  yuki‖  she`rida  lirik  qahramon  bo‗lgan  oshiq  holati  uchun  yana 

mubolag‗adan foydalaniladi: 

Lahzai hijron yukiga 

Bistun ukparchadur, 

Bir qadoqlik toshcha kelmas 

Er bilan osmon yuki [1, 85]. 

Bunda  oshiqning  hijronning  birgina  lahzasi  holatidagi  qalb  iztirobi,  uning  zalvori 

oldida mahobatli Bistun tog‗ining zalvori hech narasa emasligini aytig orqali oshiq 

o‗zining og‗ir axvolini bayon qiladi.  

Mumtoz  she`riyatga  xos  an`analar  faqat  oshiq  holatidagi  mubolag‗aviy 

tavsiflar  yoki  ma‘shuqa  tasviriga  yangicha  yondashuv  bilangina  cheklanib 

qolmasdan, balki tasvir vositalarining va badiiy san`atlarning mumtoz an`analarga 

xos tarzda qo‗llanganligi bilan ham ajralib turadi.  

Men bo‗lay jondin judo 

Bo‗lguncha jonondin judo, 

Ne kerak jon, ezsa jonim 

Bir umr armon yuki [1, 85]. 

Ushbu misralarda alliteratsiya usuli va ishtiqoq  san`ati, istiora kabilaridan unumli 

foydalanilgan.  ―J‖  harfi  bilan  boshlanuvchi  so‗zlarning  ketma-ketlikda  kelishi 

undosh  tovushlar  uyg‗unligini  hosil  qilgan  bo‗lsa,  ―jondin‖,  ―jonondin‖,  ―jon‖, 

―jonim‖ so‗zlaridagi o‗zakdosh so‗zlar ishtiqoqni yuzaga keltirgan.  

 

―Samar bo‗lg‗ay‖ g‗azalidagi quyidagi misralarda talmeh san`atidan unumli 

foydalanilganligini ko‗rish mumkin: 

Tirilsa nogahon Farhod, 

Yuzingni ko‗rsa ko‗zguda, 

Kechib Shirinidin yuz yil 

Ko‗yingda darbadar bo‗lg‗ay [1, 84]. 

Ya`ni  Farhod  o‗z  Shirinini  emas,  ko‗zguda  lirik  qahramonning  ma`shuqasining 

aksini  ko‗rib  qolganida,  Shirinni  esdan  chiqarib,  bu  ma‘shuqa  ko‗yida  yuz  yil 

sargardon  kezgan  bo‗lishini  tasavvur  qilish  orqali  o‗zining  ham  uning  ko‗yidagi 

abgor holatidan voqif etmoqchi bo‗lyapti.  

―Uzum‖  she`rida  shoir  tashxis  san`atidan  o‗rinli  va  o‗ziga  xos  foydalana 

bilgan.  Ya`ni  shabnamli  yaproq  ostidan  ma‘shuqaning  lablariga  etmoq  va  undan 

shirinlikni  o‗g‗irlamoq  maqsadida  o‗g‗rincha  mo‗ralayotgan  va  giryon  holatdagi 

---

195 

 

uzumni  ta‘riflay  turib,  uni  zangi  (habashning)  bo‗yniga  osilgan  marjonga  ham 

o‗xshatadi:  

Oftob mashshotasi 

Tok sochini nurdan tarab 

Zangining bo‗yniga osmish 

Shodai marjon uzum [1, 91]. 

―Oftob  mashshotasi‖  istiorasi  uning  nurlari  ma`nosida  tashxislanmoqda.  ―zang‖ 

so‗zi  ham  uzumning  gajak  shaklidagi  tana  qismi,  ham  jonlantirish  ma`nosidagi 

qora yoki quyuq shakli ma`nosida qo‗llanilgan.  

 

Xulosa qilganimizda, Erkin Vohidov o‗zbek mumtoz she`riyatining munosib 

davomchisi  sifatida  milliy  adabiyotimizda  o‗z  o‗rniga  ega.  Uning  mumtoz 

lirikaning an`analariga sodiqligi va ularni kerak darajada takomillashtira bilganligi, 

g‗azalchilikka  xos  bo‗lgan  mubolag‗aviy  tasvirdagi  o‗zgacha  poetik 

mushohadakorlikda  va  she`riy  san`atlardan  unumli  foydalanganligida  ko‗rinadi. 

Undagi  o‗zgachalik  ko‗proq  oshiq  holati  ifodasi  uchun  mubolag‗adan 

foydalanganligi  bilan  alohida  ahamiyat  kasb  etgan.  Shunga  ko‗ra  ham  Erkin 

Vohidov  g‗azaliyoti  originallik  kasb  etgan  she`riyat  namunasi  sifatida 

baholanganligi yana bir bor yuqoridagi tahlillar orqali o‗z isbotini topdi va shunday 

bo‗lib qoladi.  

Adabiyotlar: 

1.

 

Erkin Vohidov. Tanlangan asarlar. – T., Sharq, 2016. - 696 bet. 

2.

 

Karimov N. va boshqalar. XX asr o‗zbek adabiyoti tarixi. – T.: O‗qituvchi, 1999. – 

542 bet.  

3.

 

Muhammad  Ali.  She`riyatimizning  porloq  yulduzi.  (E.Vohidov  Saylanmasiga 

so‗zyuoshi). –T., Sharq, 2016. 5-10- betlar.  

4.

 

Yo‗ldoshev Q. So‗z yolqini. –T., G`afur G`ulom nomidagi nashriyot-matbaa ijodiy 

uyi. 2018. – 504 bet.