Zbekiston respublikasi oliy va o ‗ rta maxsus ta`lim vazirligi

ERKIN VOHIDOV DOSTONLARINING O„ZIGA XOSLIGI 

  

 

 

 

 

 

Shohista XUDOYQULOVA,  

  

 

 

 

 

 

 Lutfinisa DEHQONOVA  

  

 

 

 

 

 

 katta o„qituvchilar (GulDU) 

 

O‗zbek  xalqining  suyukli  shoiri  Erkin  Vohidov  o‗zbek  she`riyatida  o‗ziga 

xos  o‗ringa  ega  ekanligi  barchamizga  ma`lum.  Shu  bilan  bir  qatorda  shoir  o‗nga 

yaqin dostonlar muallifi hamdir. Erkin Vohidovni ko‗p qirrali ijodkor inson desak 

mubolag‗a  bo‗lmaydi.  U  turli  yo‗nalishlarda  ijod  qilib  o‗z  uslubini  yarata  olgan 

ijodkorlardandir. Erkin Vohidov o‗z ijodiy yo‗li davomida she`r she`r yozish bilan 

birga chuqur falsafiy asarlar ham yozishga muvaffaq bo‗ldi. 

Erkin  Vohidovning  yana  bir  dostoni  ―Istanbul  fojiasi‖da  hayotning  boshqa 

bir shafqatsiz haqiqatiga duch kelamiz. ―Ruhlar isyoni‖ dostoni o‗z davridan hiyla 

olg‗a  ketgan,  davr  nopokliklariga,  zulm  va  adolatsizlikka,  qoloq  odatlarga, 

jaholatga  qarshi  chiqqan  jasur,  mardona  shaxs  fojeasi  bo‗lsa,  ―Istanbul  fojeasi‖ 

davr  to‗zonlari,  hayot  chigalliklari  ichra  gangib,  noxush,  nomaqbul  to‗lqinlar 

iskanjasiga  tushib  qolgan,  adashgan  ammo  kechikib  bo‗lsa-da,  xatosini  anglagan 

odamlar  fojiasidir.  Xuddi  ―Ruhlar  isyoni‖dagi  kabi  ―Istanbul  fojiasi‖da  ham 

qahramonlar  qismati  zamonning  muhim  tarixiy-ijtimoiy  voqea  hodisalari  – 

Ikkinchi  jahon  urushi,  urushdan  keyingi  davrda  dunyodagi  keskin  ziddiyatlar, 

mamlakatimiz ijtimoiy-ma`naviy hayotidagi muammolar bilan bog‗liq holda talqin 

---

115 

 

etiladi. 

Drama  syujeti  unchalik  murakkab  bo‗lmasa-da,  bir  qorindan  talashib 

tushgan  aka-uka  Jalol  va  Iskandarlar  muhabbat  tufayli  bir-biriga  raqibga 

aylanadilar.  Aka  ukasi  sevgan  qizni  yo‗ldan  uradi,  alamiga  chiday  olmagan  uka 

esa  o‗zini  qo‗ygani  joy  topolmay,  ko‗ngilli  bo‗lib  frontga  jo‗naydi.  Qismatni 

qarangki,  ana  shu  aka-uka  va  ular  orasidagi  ziddiyatga  sababchi  bo‗lgan  ayol-

Sadoqat qirq yildan keyin xorijda uchrashib qolishadi. 

Syujet  rivoji  zanjirida  romantik  ruhdagi  asarlarga  xos  favqulodda  shartli 

halqalar talaygina:  og‗a-ini  va  ular  orasiga  g‗ov  solgan  ayol,  ya`ni  ham  qondosh, 

ham raqib og‗a-ini va ularning har ikkisi uchun aziz bo‗lgan shaxsning qirq yildan 

so‗ng  xorijda  bir-biriga  duch  kelishi,  allaqachon  marhum  sanalib,  nomi 

qahramonga  aylangan,  shuhratlarga  burkangan  odamning  tirik,  buning  ustiga 

vatangado bo‗lib chiqishi bir vaqtlar  o‗zga nomda, o‗zga el odami bo‗lib yurtiga, 

og‗asi,  sevgilisi,  onasi  huzuriga  kelib  ketishi,  buni  hech  kim  sezmay  qolishi  - 

bularning barchasi romantik asarlar syujetiga xos favqulodda xususiyatlardir. 

Bulardan  tashqari,  asarning  shakliy-she`riy  tuzilishi,  ifoda  tarzi  ohangidagi 

romantik  ko‗tarinkilik,  qandaydir  salobat  bor.  Shu  bilan  birga  muallif  tasvirda 

izchil  realistik  yo‗ldan  borishga  –  qahramonlar  fojiasining  ham  sub‘ektiv,  ham 

ob‘ektiv  –  hayotiy  asoslarini  ochishga,  ular  xarakterining  murakkabligi, 

ziddiyatlari  ila  ko‗rsatishga,  ularni  zamonasining  real  jonli  odamlari  sifatida 

berishga intiladi. ―Ular xatolari va armonlari bilan, ishonchlari va ishtiboqlari bilan 

shu zaminda yashab turgan odamlar‖, - deydi  muallif asarga yozgan so‗zboshida. 

Eng  muhimi,  hodisa  va  xarakterlar  talqinida  shoir  bir  xillik  hamda 

biryoqlamalikdan qochadi. 

Asardagi  uch  yetakchi  personaj  –  og‗a  Jalol,  ini  Iskandar,  oradagi  ayol 

Saodat  –  hammasi  o‗zgaruvchan  xarakterlar,  ular  hayot  yo‗li  –  umrning  turli 

bosqichlarida turli vazifalarda turlicha holda ko‗rinadilar. 

Ko‗p hollarda bir hodisa uch personaj tomonidan uch xilda idrok etilib, uch 

xilda baholanishi, aksari qarashlaridagi tafovut va ziddiyatlarning keskin tus olishi 

asarga  o‗ziga  xos  munozara  ruhini  bag‗ishlaydi.  Bahslar  payti  muallif  voqeaga 

bevosita  aralashmaydi,  kim  haq,  kim  nohaq,  asl  haqiqat  kim  tomonda  ekanini 

o‗qiyotgan kishi sezib, bilib turadi. Shunga ko‗ra bu asarni o‗qish uchun kishida 

adabiy-estetik  tayyorgarlik  bo‗lishi  kerak, hamda  u  nozik  didli, bilimdon bo‗lishi 

talab etiladi. 

Bunday  olib  qaraganda,  Iskandar  shunchaki  adashgan  vatangado  xoin  bir 

kimsadek  ko‗rinadi.  Aslida  esa  Iskandar  qochoq,  xiyonatkor  emas,  yurt  oldida 

gunohsiz: u ixtiyorsiz ravishda hayot so‗qmoqlariga tushib qolgan. Bir vaqtlar bu 

pok  va  sodda,  qalbi  ko‗zgu  kabi  musaffo,  oriyatli  yigit  Saodatni  chin  dildan 

sevgan,  vatan  ozodligi  yo‗lida  chindan  ham  mardona  jang  qilgan.  Bu  odam 

hayotining  izdan  chiqishi  sarson-sargardon  vatangadoga  aylanishi,  avvalo  urush 

dahshatlariga,  ziddiyatli  dunyoning  g‗ayriinsoniy  tomonlariga  borib  taqaladi.U 

urushning  eng  baxtsiz  tirik  qurboni.Omonsiz  jang  payti  dushman  qo‗liga  tushib 

qoladi,  xorijda  sarson-sargardon  kezadi.Iskandarning  baxtsizligida  beqaror 

Saodatning  ham  hissalari  bor.  Bunga  Iskandarning  o‗zi  ham  aybdor.U  ilk  sevgi 

---

116 

 

hijroni azoblariga dosh berolmay, jizzakilik qilib, ixtiyorini butunlay taqdir izniga 

qo‗yib  beradi.Endi  uning  uchun  go‗yo  ona  yurtida  qiziqtiradigan  hech  narsa 

qolmagandek, 

yurtiga 

astoydil 

talpinmaydi, 

o‗z  baxti,  sha‘ni  uchun 

kurashmaydi.Bunday beqarorlik, loqaydlik esa, unga nihoyatda qimmatga tushadi. 

Dostonda  Jalol  obrazi  alohida  ahamiyatga  ega.  U  shaxsiy  manfaat,  shon-

shuhrat  kuyida  bilib  bilmay  ko‗p  nomaqbul  ishlarga,  gunohlarga  qo‗l  urgan:  bir 

vaqtlar  u  inisining  tirigini  xo‗rlab,  o‗limi  haqidagi  yolg‗on  xabardan  so‗ng  uni 

e‘zozlashga tushgan,  inisining  jasorati haqidagi xabardan  esa xudbin  maqsadlari, 

soxta shuhrati uchun bir omil sifatida foydalangan. 

Hayotda  yo‗l  quyilgan  xato  sabablarini,  mohiyatini,  oqibatlarini  anglab 

yetish ham mardlik alomati. Jalol shunday holatlarni boshidan kechiradi.Xorijdagi 

inisi bilan uchrashuv Jalol uchun bir hayot imtihoni vazifasini o‗taydi. Iskandar va 

Saodat  bilan  tortishuvlar  asnosida  ko‗p  ikkilanishlar,  ishtibohlar,  ichki  olishuvlar 

jarayonida  u  oxiri  chin  haqiqat,  adolat  yo‗lini  tanlaydi.  Shaxsiy  hayotda  yo‗l 

qo‗ygan  xato,  o‗z  jigariga  qilgan  adolatsizlik,  bu  adolatsizlikning  dahshatini 

yurakdan  his  etish,  Jalol  uchun  boshqa  ayblarni-ijtimoiy  faoliyatdagi  gunohlarini 

anglab yetishga yo‗l ochadi. 

Shu  tariqa  ―Istanbul  fojeasi‖  davrining  ijtimoiy-ma`naviy  muammolari  – 

millat  tanini  har  qanday  g‗uborlardan  poklash  g‗oyasi,  ijtimoiy  adolat  nuri  bilan 

yo‗g‗rilgan asardir. 

Doston  kamchiliklardan  ham  holi  emas.  Chunonchi,  Jalol  ruhiyatidagi 

o‗zgarishlar, uning oxirgi qat‘iy qarori qanchalar qimmatga tushishi mumkinligini, 

oldindagi  vaziyat  naqadar  chigal  va  mushkulligi  butun  dramatizmi  bilan 

ko‗rsatilmagan;  voqea  va  hodisalarning  uch  shaxs  doirasida  cheklab  qo‗yilishi 

muallif  oldida  muayyan  ijodiy  qiyinchiliklarni  keltirib  chiqargan.  Personajlar, 

ayniqsa,  Jalol  ijtimoiy  faoliyati  bilan  bogliq  murakkab  muammolarni  kengroq 

yoritishga  mone‘lik  qilgan,  voqealarga  yana  kimlardir  aralasha  olmay,  dardini, 

gapini  ayta  olmay  qolgani  sezilib  turibdi;  syujet  janridagi  omonatroq  halqalar 

realistik dalillashni taqozo etadi. Lekin bu xildagi kam  -ko‗stlaridan qat‘iy nazar, 

bu asar 80-yillar o‗zbek adabiyotida katta hodisadir. 

Dramaturg  qalamga  olgan  muhim  jihatlar  va  ziddiyatlar  ichida  qolgan, 

adashib qolgan kishilar foydasi, murakkab taqdiri, muammolar bilan chambarchas 

bo‗lgan kimsalar o‗tmishini asar davomida birin-ketin uzliksiz kuzatamiz. Bu kabi 

chigal  muammolar  bugungi  kunda  ham  yo‗q  emas.Mavzu  yillar  o‗tsa  ham  o‗z 

yukini,  mag‗zini,  insonlar  o‗rtasidagi,  ayniqsa  jigarlar  orasidagi  oqibatni 

yo‗qotmaslikka, kengroq fikr yuritishga undaydi. 

Erkin  Vohidov  yillar  davomida  ijodiy  izlanishlari  tufayli  fikrlar  ufqini 

kengaytirdi, uning his-tuyg‗ulari tobora serjilo bo‗lib bordi. Ammo u hech qachon 

o‗z ijodidan qoniqmadi, unda yangilikka moyillik kayfiyati tug‗ildi. Bu bir dard, 

armon bo‗lib vujudini g‗alayonga soldi. Qalbdagi ana shu g‗alayonlarning mevasi, 

izlanishlarining  samarasi  80-yillada  yaratilgan  ―Ruhlar  isyoni‖  dostonida  yaqqol 

namoyon bo‗ladi. 

Xulosa  qilib  aytganda,  real  hayotga  o‗ta  yaqinlik,  zamin,  zamon  va  inson 

tashvishlari  bilan  hamdardlik,  oddiy  kundalik  tashvishlarda  katta  insonning 

---

117 

 

muammolarini  ko‗ra  olish,  ulardan  umumbashariy  ma`nolar  qidirish,  bugungi 

kunda barchani hayajonga solgan masalalarni dadil o‗rtaga qo‗yish Erkin Vohidov 

uchun xos xususiyatdir. 

Foydalanilgan adabiyotlar: 

1. Qodirov M. An`anaviy teatr dramaturgiyasi. – T.: Yangi asr avlodi, 2006. 

2. Qudratov T. Nutq madaniyati asoslari. –T., 1993. 

3. Vohidov E. She`r dunyosi. Saylanma. II jild. – T.: Sharq, 2001. 

4. 

Vohidov E

.

Saylanma. 1-jild. – T.: Sharq, 2000.