Zbekiston respublikasi oliy va o ‗ rta maxsus ta`lim vazirligi

ERKIN VOHIDOV IJODIDA VATAN MADHI 

Akram XUDAYBERDIYEV,  

Magistrant (Andijon)  

 

She`riyat – tuyg‗ular gulshani, davrning aks sadosi. Unda shoir nigohi bilan 

borliq va olamni tuyishning qalb o‗rtanishlari aksini ko‗rish mumkin. Xalq ruhiga 

ozodlik,  vatanparvarlik  tuyg‗ularini  singdirishda  she`riyatning  roli  va  o‗rni 

beqiyosdir. She`riyat o‗ziga xos timsollar, ramz va istioralar, ohanglar orqali kishi 

ruhida shunday buyuk tuyg‗ular uyg‗otadiki, ularni qilich va qurol kuchi bilan ham 

yo‗q qilib bo‗lmaydi. 

---

111 

 

Shaxs omili davrni, jamiyatni yangilashga, unga yangi ruh va kayfiyat bahsh 

etishga  doimo  intiladi.  Bu  har  qanday  zamon  va  makon  bo‗lmasin  shaxsga  xos 

xususiyatdir  va  shu  bilan  birga  zamon  va  makon  bilan  ham  bir-birini  taqozo 

etuvchi  omil  hamdir.  Ko‗rib  turgan  real  voqelikni  qayta  yangilash  ishtiyoqi, 

ayniqsa,  ijodkor  shaxsida  yaqqol  namoyon  bo‗ladi.  Ijodkor  asari  –  she`rida  o‗z 

qalb to‗lqini va epkinlariga hamohang u yashagan davrning shiddatli ritmi aks etib 

bo‗y ko‗rsatib turadi. 

Erkin  Vohidov  o‗zbek  xalqi  qalbida  sermazmun  she`rlari  bilan  chuqur  iz 

qoldirgan,  o‗z  ijodida  Vatanga  bo‗lgan  muhabbatni  tarannum  etgan  vatanparvar 

shoirlarimizdan biri, noyob iste`dod sohibidir. Erkin Vohidov asarlarining mavzu, 

ma`no  doirasi  keng.  Uning  ijodida  Vatan,  xalq  tarixi,  taqdiri  tasviri,  ona  yurti, 

uning  boy,  shonli  tarixi  bilan  faxrlanish  tuyg‗usi  muhim  o‗rin  tutadi.  Shoir 

she`rlarida vatanparvarlik, vatanga sadoqat ruhi ufurib turadi.  

Bu  tuyg‗u, ayniqsa, ―O‗zbegim‖  qasidasida  o‗zining  yorqin ifodasini  topdi. 

60-yillarda  ―O‗zbegim‖  qasidasi  shoir  she`riyatining  eng  avj  pallasi  bo‗lgan. 

Darsliklardan  joy  olgan  bu  asar  millatning  sha‘ni-g‗ururi  toptalgan,  tarix 

darsliklarida  xalqimizning  shonli  o‗tmishi  qora  bo‗yoqlar  bilan  bo‗yalgan,  har 

tongda kuylanadigan davlat madhiyasi ulug‗ otaga, partiyaga hamdu sanolar bilan 

boshlanadigan 

zamonlarda 

kechmishning 

shonli 

sahifalarini 

ulug‗lovchi 

―O‗zbegim‖  qasidasi  g‗ayrirasmiy  milliy  madhiyaga  aylandi.  Shu  tariqa 

―O‗zbegim‖  60-yillari  birin-ketin  chop  etilgan  beshta  she`rlar  to‗plami,  ―Nido‖, 

―Palatkada yozilgan doston‖lardagi ijodiy izlanishlarning muayyan  yakuni bo‗ldi. 

Qasidani o‗qir  ekansiz,  o‗zbekning  ―Pomiru  Tyanshonga tengdosh‖, ―Ming  asrlar 

ichra pinhon‖ tarixi birma-bir ko‗z oldingizdan o‗tadi. 

Qasidaning  ilk  satrlaridanoq  vatanga,  o‗zbek  xalqi,  uning  buyuk  tarixiga 

bo‗lgan  muhabbat,  hurmat-ehtirom,  g‗urur  va  iftixor  tuyg‗ulari  yaqqol  sezilib 

turadi: 

Tarixingdir ming asrlar 

Ichra pinhon o‗zbegim 

Senga tengdosh Pomiru 

Oqsoch Tyanshon, o‗zbegim. 

O‗zbekning  tarixi  ming  yillar  davomida  pinhon  bo‗lib  keldi.  U  Pomiru 

Tyanshan  tog‗lari  bilan  tengdosh.  Ularning  sir-sinoatlari  kabi  yurtimizning  sir-

sinoatlari shunchalik ko‗pdir. 

Afrosiyob Samarqandning qadim yodgorligi. Biz ko‗rmagan asrlarni ko‗rgan 

Afrosiyob  o‗zbeklarning  buyuk  o‗tmishini  so‗ylasin  deya  o‗zbekni  tarix 

shodasining bitta marjoniga qiyoslaydi. 

So‗ylasin Afrosiyobu 

So‗ylasin O‗rxun xati 

Ko‗hna tarix shodasida 

Bitta marjon, o‗zbegim. 

Tariximizga,  adabiyotimiz  tarixiga  bir  nazar  tashlaydigan  bo‗lsak,  yetuk 

shoir-u,  shoiralarimizning  ijod  namunalarini  ko‗rib  ulug‗  iqtidor  egalarining 

avlodlari ekanliginmizga yana bir karra amin bo‗lamiz. Ammo ana shunday iqtidor 

---

112 

 

egalari  hayot  so‗qmoqlarida  zamon  qurboniga  aylanishdi.  O‗zbekning  erkin 

malikasi, buyuk shoira Nodira va uning fojiasi  o‗tmishimizning bir guli so‗lishini 

Erkin Vohidov mahorat bilan tasvirlagan. 

She`riyatning gulshanida 

So‗ldi mahzun Nodira 

Siym tanni yuvdi ko‗z yosh, 

Ko‗mdi armon, o‗zbegim. 

Buyuk  shoir  Firdavsiy  ―Shohnoma‖  asarining  muallifi.  U  ―Shohnoma‖ 

asarida  xalqlar  tarixini  yoritgan,  ammo  shoir  e`tiroficha,  mingta  Firdavsiy  ham 

o‗zbek  xalqining  buyuk  o‗tmishini  qog‗ozga  solishga  ojizlik  qiladi.  O‗zbekning 

buyuk  tarixga  ega  ekanligini  ko‗rsatib,  bir  bor  chekkan  ohini  mingta  dostonga 

qiyoslaydi. 

Tarixing bitmakka xalqim, 

Mingta Firdavsiy kerak. 

Chunki bir bor chekkan ohing 

Mingta doston, o‗zbegim. 

So‗z  mulkining  sultoni  Alisher  Navoiyning  ulug‗ligini  yana  bir  bor  bayon 

qiladi.  Yurtimiz  hech  bir  yurtdan  kam  emas.  Uning  buyukligini  dunyoga 

ko‗rsatuvchi ulug‗ ajdodlari, Navoiydek siymolari bor. Bundan faxrlanmaslikning, 

ko‗ksi osmon bo‗lmaslikning hech iloji yo‗q. 

Menga Pushkin bir jahonu 

Menga Bayron bir jahon. 

Lek Navoiydek bobom bor 

Ko‗ksim osmon, o‗zbegim. 

Shoir  o‗z  qasidasini  xalqiga  armug‗on  etib,  bu  uning  bergan  oq  sut-u  tuz 

hurmati  ekanligini  ta`kidlaydi.  Bu  bilan  Vatanni  Onaga  qiyos  etgan  bo‗lsa 

ajabmas.  

Bu qasidam senga, halqim, 

Oq sut-u tuz hurmati. 

Erkin o‗g‗lingman qabul et, 

O‗zbegim, jon o‗zbegim [1, 98] 

She`rda  yurtiga  bo‗lgan  cheksiz  muhabbati,  ojiz  kunlariga  achinish  hissi, 

buyuk insonlaridan faxrlanish o‗zbekligidan g‗ururlanish tuyg‗ulari aks ettirilgan. 

Vatan  nima  o‗zi  aslida?!...  Biz  tug‗ilib  o‗sgan  tuproqmi?!  Zamin  yo 

hududmi?!  Shunday  bo‗lsa,  u  nimasi  bilan  muqaddas  va  mo‗tabar,  nimasi  bilan 

qutlug‗  va  ulug‗?!  Nega  inson  uni  qadriyat  sifatida  e`tirof  etadi?  Shoir  qalbida 

bunga javoban yana bir she`rida quyidagi misralar yangraydi: 

Yo‗q, mo‗tabar emas asli er, 

Qutlug‗ emas tuproq hech qachon. 

Muborakdir inson to‗kkan ter, 

Mo‗tabardir qutlug‗ toza qon [2, 72] 

Aslida  yerning,  tuproqning  mo‗tabar  va  hech  qachon  qutlug‗  emasligini 

e`tirof etayotgan shoir bu tuproq, yer-u zamin inson omili bilan bog‗liq ekanligini 

ta`kidlaydi.  Zaminu  yer,  bu  tuproq  inson  to‗kkan  ter,  ya`ni  insonning  shu  Vatan 

---

113 

 

uchun,  tug‗ilib  o‗sgan  yurt,  diyori  uchun  chekkan  zahmatlari,  ko‗rsatgan 

fidoiyliklari,  qahramonliklari,  nainki  uning  tug‗ilib  o‗sgan  go‗shasi,  balki  umri 

davomida Vatan deb atalmish ma‘voni tushunish u uchun bosib  o‗tilgan yo‗lning 

inson  bilan  chambarchas  bog‗liq  holda  anglanishini  ta`kidlaydi.  Yeru  tuproqning 

muqaddas  va  mo‗tabarligi,  qutlug‗  va  ulug‗ligi  sababini  ajdodlarining  tuproqqa 

to‗kilgan teri va qoni barobarida tushuntiradi. 

Erkin  Vohidovning  1974-yilda  yozilgan  ―O‗zbekiston‖  she`ri  Sovet 

O‗zbekistonining  50  yillik  yubileyiga  bag‗ishlangan  faxriya  bo‗lib,  she`rning 

ibtidosidanoq anglashilib turibdi. Shoir tug‗ilib o‗sgan yurtining to‗yi, shodiyonasi 

sabab  qo‗lga  qalam  olganligini,  yurtining  vasfini  qog‗ozga  tushirayotganligini  ilk 

misralardayoq aytib o‗tadi. 

Yurtim, 

Seni yana oldim qalamga 

To‗ying, shodiyonang bahona bo‗lib 

Yana kelib qo‗nding tonggi misramga 

Falak nisor etgan durdona bo‗lib. 

Iqbol peshonamga bitgan oshyonim — 

O‗zbekistonim. 

1924-yil 31-oktabrda O‗zbekiston SSR Inqilobiy Komiteti (revkom) tuzildi, 

u  O‗zbekiston  respublikasi  tuzishni  boshqarib  bordi  [4].  ―Asli  ellik  emas,  ellik 

ming  yoshing‖  deganda  shoir  sho‗ro  hukumati  tomonidan  1924  yilda  tashkil 

etilgan O‗zbekistonning yoshi, tarixi uzoq moziylarga qadar ekanligini ―ellik ming 

yoshing‖ tarzida ifoda etib o‗tadi.  

Asli ellik emas, ellik ming yoshing, 

Kechmishing tarixlar nariyog‗ida. 

To‗marisdek ona Kayxisrav boshin 

Qon to‗la sanochga solgan chog‗ida, 

Spitamen kamon tutib dastida 

Maroqandni saqlab turganda uzoq, 

Yovni adashtirib o‗lim dashtida 

Ko‗krak ochib qah-qah urganda Shiroq, 

Hali o‗zbek emas, lekin olamga 

Mashhur eding soqu sug‗d ona bo‗lib. 

Iskandarni majruh etgan kamonim — 

O‗zbekistonim. 

Yurtning  shonli  tarixga  ega  ekanligini  tilga  olib,  elu  ulusi,  vatani,  xalqi 

uchun  jon  fido  etgan,  mard,  jasur,  elining  asl  qahramonlarni  bir-bir  tilga  olib 

o‗tadi. 

Shoir  Ona  yurtini  ―Iqbol  peshonasiga  bitgan  oshyonga,  jahon  ichra tengsiz 

jahonga,  alp  pahlavonga,  Iskandarni  majruh  etgan  kamonga,  buyuklar  tan  bergan 

buyuk  dostonga,  Barchinning  ko‗ksida  qolgan  armonga,  Barnodek, Anbardek  dili 

so‗zonga, do‗stlik ipak yo‗li ochgan karvonga, parvonadek kuyib o‗rtangan jonga, 

taqdir  sahrosida  zoru  sarsonga,  kulib  turgan,  yorug‗,  munis  makon‖ga  qiyoslab, 

---

114 

 

unga ―o‗lkam, onajonim, yuragim, jonim‖ deya murojaat etadi o‗z yurtidan yuksak 

faxr hissini tuyadi. 

Shoir  baxti  shundaki,  uning  har  bir  asari  qa‘ridan  san`atkorning  betakror 

uslubi,  ovozi,  o‗zligi  aniq,  tiniq  bilinib,  eshitilib,  ko‗rinib  turadi.  Vatan  mehri, 

Vatan  sog‗inchi,  Vatan  borligi  uchun  tinmay  mehnat  qilib,  elu  yurtga  foydasi 

tegadigan inson bo‗lishni xohlaydi. 

Erkin Vohidov o‗zbek adabiyoti uchun  o‗ziga xos ijod maktabini yaratdiki, 

bu  maktab  xalqimiz  tomonidan  qizg‗in  qarshi  olindi.  Xalqchil  ohanglarga 

yo‗g‗rilgan  bu  maktab  davr  muhitini  yorib  o‗tib,  xalqimiz  qalbiga  yetib  bordi  va 

elimizning  eng  ardoqli  ma`naviy  xazinasiga  gavhar  bo‗lib  qo‗shildi.  Uning 

yozganlarida  insonlar  ruhining  tub  tubigacha  yetib  boruvchi  samimiy  ohanglar 

ufurib  turadi.  Bu  ohanglar  xalqchil  ruh  bilan  sug‗orilgan  bo‗lib,  xalqning 

ma`naviyatini  yuksalishiga  xizmat  qiluvchi  qimmatbaho  bir  manbaga  aylanib 

ulgurdi.  Vatan  madhini  kuylagan,  yurt,  xalq  dardini  o‗zining  dardi  deb  bilgan  va 

o‗z ijodida takrorlanmas satrlarda ifoda eta olgan shoir sifatida yuksak cho‗qqilarni 

zabt etdi. 

Foydalanilgan adabiyotlar: 

1. H.Boltaboyev. So‗z sehri. – Toshkent: Fan, 2006 y.

 

2. 

E.Vohidov. Saylanma. Ikki jildlik. Birinchi jild. Muhabbatnoma. – T.: Adabiyot 

va san`at, 1986. 

3. U.Normatov. Ijod sehri. – T.: Sharq, 2007.