Zbekiston respublikasi oliy va o ‗ rta maxsus ta`lim vazirligi

IV SHO„BA: 

 BADIIY ADABIYOT SHAKLLANISHINING VA 

RIVOJLANISHINING DOLZARB MASALALARI 

 

 

FOROBIY VA IBN SINONING POETIKAGA OID QARASHLARI 

 

Nasimxon RAHMONOV,  

 filologiya fanlari doktori, professor (GulDU)  

Hamza ALLAMBERGENOV,  

filologiya fanlari bo„yicha falsafa doktori (PhD) 

(Ajiniyoz nomidagi Nukus davlat pedagogika instituti) 

 

Erkin  Vohidov  o‗zining  ―Shoiru  she`ru  shuur‖  kitobida  shoir  Mirzo 

Kenjabek  bilan  qilgan  suhbatini  ham  chop  ettirgan.  Suhbat  1983  yili  yozilgan. 

Suhbatda  katta  shoirimiz  o‗zbek  adabiyotining  80-yillardagi  ahvoli,  o‗zbek 

she`riyatining  kelajagi  haqidagi  bashoratlari,  mumtoz  adabiyotga  o‗sha  davrdagi 

keng ommaning munosabati va adabiyot haqidagi ko‗p yaxshi gaplar bor. Ayniqsa, 

Sharq  mumtoz  adabiyoti  haqida  E.Vohidovning  aytgan  quyidagi  gaplari  bugungi 

kunga kelib real haqiqatga aylanganini ta`kidlamoqchimiz: ―Men adabiyotdagi har 

qanday  izlanishni  qo‗llab-quvvatlayman.  Ammo  Sharq  klassik  adabiyotidan 

uzoqlashib  ketayotganimiz  meni  juda  tashvishga  soladi.  Biz  ularning  ko‗pidan 

bebahra  qolayotganga  o‗xshaymiz.  Bu  muqaddas  javohirotni,  sal  nariga  borib, 

hech  kim  bilmay,  undan  bahramand  bo‗lmay  qoladimi,  deb  qo‗rqaman‖  [1,  158]. 

Buyuk shoirning bu mulohazalari bevosita Sharq adabiyoti tarixi, o‗zbek adabiyoti 

tarixi, qolaversa, adabiyotshunoslik tarixiga ham daxldordir.  

Sharq  adabiyotshunosligida  she`r  ilmi  mustaqil  fan  sifatida  jiddiy 

o‗rganilgan.  Bu  ilm  poetika  terminining  uchta  ma`nosidan  birinchi  ma`nosiga  – 

―badiiylik‖,  ―asar  nutqini  badiiy  usullarga  aylantirish‖  ma`nolarini  o‗zida  ifoda 

etadi

  deb  qarash  mumkin.  Umuman  olganda,  she`r  ilmi  –  poetika  demakdir. 

Forobiyning  ―She`r  san`ati‖  va  Ibn  Sinoning  ham  ayni  shu  nomdagi  (―She`r 

san`ati‖) asarlarini Markaziy Osiyodagi tarixiy poetikaga oid dastlabki tadqiqotlar 

deb baholash mumkin. Jumladan, Forobiy she`rning shakliy tuzilishi, so‗z va she`r 

mazmuniga to‗xtalar ekan, she`riy  misralarga go‗zallik baxsh etuvchi vositalar va 

omillar,  she`r  misralaridagi  estetik  zavq  haqida  quyidagicha  fikr  yuritadi:  ―

Biz 

she`riyatidan  xabardor  bo‗lgan  ko‗pgina  xalqlarga  qaraganda  arablar  o‗z 

she`rlarida  baytlarning  oxirlariga  ko‗proq  e`tibor  beradilar.  Shuning  uchun  ham 

arab  baytlari  ma`lum  bir  o‗lchovdagi  mahdud  so‗zlar  bilan  mukammal  va  go‗zal 

bo‗ladi;  bu  hol  esa  ularda  kam  qo‗llaniladigan  yo  bo‗lmasa  ko‗pchilik  orasida 

mashhur  bo‗lgan  so‗zlarni  ishlatish  bilan  yuz  beradi.  Mazkur  baytlardagi 

so‗zlardan  tushuniladigan  ma`nolar  o‗sha  so‗z  borayotgan  narsa  va  hodisalarga 

o‗xshaydigan—taqlidiy  bo‗lmogi  kerak‖  [1,  13].  Bu  parchadan  ma`lum  bo‗lib 

turibdiki, shoirning she`ridagi individual xususiyatlar (mahdud so‗zlar) va xalq tili 

so‗zlaridan  istifoda  etish  (ko‗pchilik  orasida  mashhur  bo‗lgan  so‗zlarni  ishlatish), 

bir  tomondan,  she`rdagi  shakl  va  mazmun  munosabatlarini  ifodalashga  xizmat 

---

378 

 

qilsa,  ikkinchi  tomondan,  she`rning  go‗zalligini  yuzaga  chiqarishda  ana  shu  ikki 

omil asos bo‗ladi. 

 Ibn Sinoning she`r poetikasiga qarashi Forobiynikiga yaqin. Ibn Sino  she`r 

haqida  umumiy  tushunchani  bayon  qilar  ekan,  she`rning  poetik  tuzilishiga  oid 

qofiyani,  ritmning  vazifasini  o‗rtaga  chiqaradi.  Ayniqsa,  qofiyadosh  so‗zlarning 

oxiridagi  bir  xil  tovushning  takrorlanib  kelishi  haqida  so‗z  yuritganda,  garchi  u 

misol  keltirmagan  bo‗lsa  ham,  bizningcha,  qofiyaning  asosiy  elementi  raviyni 

nazarda  tutgan.  ―Qofiyadosh  so‗zlar  oxiridagi  tovushlar  takrori‖  ifodasi  shundan 

dalolat  beradi.  Qolaversa,  Ibn  Sino  qofiyani  she`rda  ritm  hosil  qiluvchi  vosita 

sifatida  qaraydi.  Ibn  Sino  she`rga  mantiqshunos,  musiqashunos  va  boshqa  ilm 

egalarining o‗ziga xos yondashuvlarini bayon qiladi. Ibn Sinoning bu qarashlarini 

shunday  tushunish  kerakki,  mantiqshunos  bugungi  adabiyotshunoslik  tili  bilan 

aytganda  she`rga  adabiyot  nazariyasi  nuqtai  nazaridan  yondashadi  va  she`rni 

mantiqiy  jihatdan  baholaydi,  musiqashunos,  aruzshunos  va  qofiyashunos  esa 

she`rga  lingvopoetika  nuqtai  nazaridan  qaraydi.  Uningcha:  ―She`r  odatda  obrazli 

so‗zlardan  iborat  bo‗lib,  u  bir-biriga  teng  hamda  vaznli  gaplardan  tuziladi. 

Arablarda  esa  she`r  qofiyali,  bunda  she`rlarda  ma`lum  hisobda  ritm  bo‗lishi 

tushuniladi.  Bir-biriga  teng  bo‗lishning  ma`nosiga  kelsak,  bunda  undagi  har  bir 

gapning ritmli qismlardan tuzilganligi tushuniladi. Odatda bunda so‗zning avvalgi 

ritmi 

bilan 

keyingi 

ritmining 

vaqtlari 

bir 

xil 

kelishi 

kerak. 

She`rning  qofiyali  bo‗lishi  ma`nosiga  kelganda  shuni  aytish  kerakki,  har  bir 

qofiyadosh  so‗zlarning  oxiri  bir  xil  harf  -  tovushlar  bilan  tugallanishi  kerak. 

Shuning uchun mantiqshunos nazari aslida she`rning xususiyatiga qaratilishi kerak 

emas,  bordiyu  unga  qaratiladigan  taqdirda  ham,  u  faqat  she`rga  obrazli  aytilgan 

so‗zlar  bo‗lgani  uchungina,  faqat  u  shu  nuqtai  nazardangina  qaramog‗i  mumkin, 

xolos‖ [2, 2].  

Adabiyotshunoslik bo‗yicha ilk tadqiqotlarini yaratgan yunon olimi Goratsiy 

lingvopoetikaga  oid  kuzatuvlarini  ―She`riyat  fani‖  (Nauka  poezii)  asarida  tahlil 

qilib  bergan  edi.  Goratsiy  she`rda  so‗z  tanlash  va  uning  asardagi  badiiy  maqsadi, 

so‗z  tanlash  san`at  darajasiga  ko‗tarilishi  kerakligi  to‗g‗risida  so‗z  yuritganda, 

Forobiy  va  Ibn  Sinoning  qarashlari  bilan  hamohanglik  kasb  etadi.  Har  uchala 

olimning fikr-qarashlaridagi mushtaraklik shundan dalolat beradiki, ularning  she`r 

ilmi  –  poetika  haqidagi  nazariy  tushunchalari  bir  manbadan  oziqlangan  degan 

xulosaga olib keladi. Yuqorida Forobiy va Ibn Sinoning she`r haqidagi qarashlarini 

qisqacha  ko‗rib  o‗tdik.  Endi  Goratsiyning  she`r  va  so‗z  haqidagi  qarashlariga 

e`tibor beraylik: 

Nima yaxshi-yu nima yomon, san`at nimada, nimada gumrohlik?

 

Yozishdan oldin, risoladagidek fikrlashni o‗rgan! [3, 308-309-misralar] 

Poetikaning  uchta  turi  haqida  rus  va  Evropa  adabiyotshunosligida  ma`lum 

fikrlar  aytilgan.  Ammo  poetika  sohasida,  xususan,  tarixiy  poetika  borasida  faqat 

Evropa  adabiyotshunosligiga  tayanib  qolish  biryoqlama  bo‗lar  edi.  Sharq 

adabiyotshunosligida  tarixiy  poetikaga  oid  Forobiy,  Ibn  Sino  asarlarida  ham 

poetikaning  uchta  turi  tahlil  qilinganini  ko‗rish  mumkin.  Jumladan,  Forobiyning 

―She`r  san`ati‖  asariga  e`tibor  beraylik.  Bu  asarning  tub  mohiyagida  tarixiy 

---

379 

 

poetikaning  maqsadi,  predmeti  va  ob‘ekti  mujassam  ekaniga  amin  bo‗lamiz. 

Forobiy  she`r  san`atlari  haqidagi  qarashlari  va  fikr-mulohazalariii  o‗rtaga 

tashlashda  Aristotelning  she`r  san`atlari  haqidagi  kuzatuvlariga  tayanar  ekan, 

quyidagi qarashlarini o‗rtaga tashlaydi: ―

Hakim Aristotel o‗zining shunday fazilati 

va  dahosi  bilan  tugatib  qo‗yishga  jazm  qilolmagan  bir  ishni  biz  nihoyasiga 

etkazishga intilishimizdan ko‗ra, bu san`atda foyda beradigan va hozirgi zamonda 

uchraydigan  qonun-qoidalar,  misol  va  mulohazalar  keltirish  bilan  cheklansak 

yaxshiroq  bo‗ladi‖.  Forobiy  bu  fikri  bilan  she`r  san`ati  nazariyasi  bo‗yicha 

mukammal  qoidalarni  Aristotel  yaratib  berganiga  ishora  qilmoqda.  Forobiy  o‗z 

qarashlarini davom ettirib yozadi: ―Modomiki shunday ekan, biz deymizki, lafz  - 

so‗zlar  yo  biror  ma`noni  bildiradi  yo  bildirmasligi  ham  mumkin;  ular  shu  ikki 

holatning birida bo‗lishdan holi bo‗lmaydi. Ma`noni bildiradigan so‗zlar sodda va 

murakkab  bo‗ladi.  Murakkab  bo‗lgan  so‗zlar  biror  mulohazani  yo  anglatadi,  yo 

anglatmaydi.  Mulohazani  anglatadiganlarining  qat‘iy  jazmliligi  va  jazmsizi 

bo‗ladi.  

Qat‘iylari  yo  to‗g‗ri,  yo  yolg‗on  bo‗ladi.  Yolg‗onlaridan  ba`zilari 

eshituvchilar  zehniga  uni  anglatadigan  ma`no  bilan  birga o‗rnashib  qoladi. 

Vaholanki,  boshqalari  uning  ongida  narsalarning  o‗xshashi  -  aksi  bilan  o‗rnashib 

qoladi.  Mana  shu  narsa  taqlidlar  –  she`riy  mulohazalar  sanaladi.  Mana  shu  aks 

o‗xshashliklarning  ba`zilari  eng  mukammal  bo‗ladi,  boshqalari  nuqsonli  ekanini 

aniqlash shoirlar, turli-tuman til va lug‗atlardagi she`riyatni o‗rganayotgan ma‘rifat 

ahlining  fikr  doirasiga  kiradi‖  [4,  28].  Forobiydan  keltirilgan  mazkur  parchadan 

ayon bo‗ladiki, leksik ma`noga ega bo‗lgan so‗z poetikaning asosiy ob‘ekti sifatida 

muhimdir.  Qolaversa,  so‗z  ma`nosi  va  uning  ostidagi  yolg‗on  –  fantaziya  she`riy 

mulohazalarning  shakllanishiga  asos  bo‗ladi  yoki  taqlidlar  ham  ma`nodan 

ajralmagan, ya`ni ular ma`no bilan yaxlitlik kasb etadi. 

Ibn  Sino  she`r  va  uning  tuzilishi  haqida  so‗z  yuritganda,  avvalo,  she`rning 

mohiyatiga  e`tibor  qaratadi,  she`rga  qo‗yiladigan  talablarni  o‗rtaga  tashlaydi, 

she`riy  mulohazalar,  taqlid,  she`riyatdagi  xayol  va  tasavvur,  so‗z  ma`nolarining 

she`rdagi  vazifasi  kabi  unsurlar  Ibn  Sino  asarida  ham  poetikaning  muhim 

bo‗g‗inlari  hisoblanadi.  U  ham  Forobiy  singari,  she`r  obrazli  so‗zlardan  iborat 

bo‗lishi, she`r misralari vazn va ritmga asoslangan bo‗lishi haqida to‗xtaladi. Ayni 

paytda  she`rning  inson  ruhiyatiga  ta`siri masalasini ham  chetlab  o‗tmaydi.  ―

She`r 

faqat  odamlarni  taajjubga  solish  uchungina  aytilishi  mumkin.  Yana  shunisi  ham 

borki, she`r ijtimoiy burch maqsadlari uchun yoziladi. Yunon  she`rlari ham xuddi 

shu maqsadlarni ro‗yobga chiqargan. Ijtimoiy burch maqsadlari esa uch xil jinsdagi 

ishlarning  biridan  iborat:  ya`ni  mashvarat  –  maslahatlashish,  kelishmovchilik  va 

qarama-qarshilikdir.  She`rdagi  xitoba  –  ritorika  shu  maqsadlarni  amalga  oshirish 

uchun  qatnashadi, 

ijtimoiy  maqsadini  birinchi  o‗ringa  qo‗yadi‖  [5,  91].

 

Hamma 

davr  she`riyatida  ham  ijodkorning  mahoratiga  baho  berish  uchun  she`r  har 

tomonlama baholanishi talab etilgan va bugun ham shu mezon bor. Ammo ijtimoiy 

burch  maqsadlarining  uch  turi  she`r  poetikasiga  qanchalik  aloqador  degan  savol 

tug‗ilishi  mumkin.  Bizningcha,  Ibn  Sino  she`riyat  poetikasini  tahlil  qilish, 

poetikaning ob‘ektini belgilash va u haqda so‗z yuritish uchun asos bo‗lishi kerak, 

---

380 

 

degan  fikrni  o‗rtaga  tashlayapti.  She`rdan  maqsad  va  uning  asosiy  mazmuni 

ijtimoiy  hayotdagi  hodisalardir.  Faqat  she`rning  shakliga  –  vazn, qofiyaga  e`tibor 

berish  bilan  cheklanib  qolish

  shoirning  muvaffaqiyatini  yoki  ijodiy  mahoratini 

baholash degani emas. Ibn Sinoning fikricha, ―tahsinga faqat badiiylik va ijodiylik 

sazovor  bo‗ladi.  Ko‗pincha  she`r  o‗z  ta`sir  kuchini  ko‗rsatib,  kishini  bezovta 

qilolgan taqdirda ham, she`r bu ta`siri bilan odamda hali ishonch hosil qilolmaydi. 

Ba`zida  she`rda  aytilganlarning  yolg‗ondan  iboratligi  ochiq-oydin  sezilib  turadi‖.

 

Shubhasiz,  Ibn  Sinoning  she`rni  bu  tarzda  talqin  qilish  va  baholash  mezoni 

bugungi  kunda  ham  o‗z  ahamiyatini  yo‗qotmagan.  She`rdagi  badiiylik,  shoirning 

ijodiy 

pozitsiyasi, 

she`rning 

inson 

ruhiyatiga 

ta`siri 

masalalari 

adabiyotshunoslikdagi  dolzarb  masalalar  bo‗lgani  singari  adabiyotshunoslik 

tarixida ham muhim masalalardandir. Ibn Sino she`rda ilgari surgan obrazlilik yoki 

voqeaning  mantiqqa  mos  kelmasligi  o‗quvchida  ishonch  hosil  qilmaydi  yoki 

she`rdagi  yolg‗on  ham  voqelikning  hayotiy  mantiqdan  uzoqlashgani  va  shoir 

xayolotga alohida e`tibor berganini anglatadi.  

Ibn Sinoning yuqoridagiday qarashlaridan anglashiladiki, u ham poetikaning 

ob‘ekti  haqida  so‗z  yuritganda,  bu  fanga  Aristotel  singari  qaragan.  Shu  bois  Ibn 

Sino  she`riyatning  ijtimoiy  maqsadi  va  mazmuni  ifodasini  ham  she`riy  san`at 

doirasida  qaragan.  Bu  adabiyotshuunoslik  tarixi  uchun  muhim.  Ibn  Sinoning 

she`rdagi ijtimoiy  mazmun, badiiyat haqidagi qarashlarini biz poetikaning ob‘ekti 

sifatida  qarar  ekanmiz,  bevosita  hozirgi  davrdagi  adabiyot  nazariyasi  fanining 

maqsadidan  kelib  chiqamiz.  Kelgusida  adabiyotshunoslik  tarixi  fan  sifatida 

rivojlantirilsa,  ma`lum  bir  davrlarning  adabiyot  nazariyasiga  va  tarixiy  poetikaga 

yangicha qarashlar, manbalar kirib keladi. 

 Foydalanilgan adabiyotlar: 

 

1. Vohidov E. Shoiru she`ru shuur. – T.: Yosh gvardiy‖ nashriyoti, 1987. 

 

2.  Abu  Ali  ibn  Sino.  She`r  san`ati.  –T.:  G‗.G‗ulom  nomidagi  Adabiyot  va 

san`at nashriyoti, 1980.  

 

3.  Kvint  Goratsiy  Flakk.  Sobranie  sochineniy  SPb,  Biograficheskiy  institut, 

Studiya biografika, 1993.  

 

4.  Abu  nasr  Forobiy.  She`r  san`ati.  –T.:  G‗.G‗ulom  nomidagi  Adabiyot  va 

san`at nashriyoti, 1979. 

 

5.  Abu  Ali  ibn  Sino.  She`r  san`ati.  –T.:  G.G‗ulom  nomidagi  Adabiyot  va 

san`at nashriyoti, 1980.