Zbekiston respublikasi oliy va o ‗ rta maxsus ta`lim vazirligi

ERKIN VOHIDOV MUMTOZ SO„Z QADRIN BILGAN ADIB 

Qunduz NISHONBOYEVA,  

pedagogika fanlari nomzodi, dotsent (O„zbDSMI) 

 

Shunday  daho  ijodkorlar  borki,  ular  yaratgan  asarlarni  millionlarning  qalb 

mulki, ma`naviyatimiz xazinasining javohirlari sifatida qadrlaymiz. Davrlar o‗tadi, 

ular ta`sirida yuzlab nurli iste`dodlar kamol topib yuqori cho‗qqilarni zabt etadilar. 

O‗z  navbatida  bu  shaxslar  daho  ijodkorlarni  o‗zlarining  ustozlari  deb  biladilar. 

---

306 

 

Hayratlanarlisi shundaki, ana shu ustozlik va shogirdlik munosabatlariga hatto ular 

yashagan davr oralig‗idagi yuzlab yillar ham mone bo‗la olmaydi. Alisher Navoiy 

va Erkin Vohidov faoliyatlari misolida ushbu holni ko‗rishimiz mumkin. 

Bugun jahon ilm-u fani, adabiyoti, san`ati rivojida o‗zbek xalqining o‗rni va 

roli  tayin  etilgan  bo‗lsa,  Alisher  Navoiy  kabi  daho  ijodkorlar  va  Erkin  Vohidov 

kabi  xalqparvar  shoir,  allomalar  tufaylidir.  So‗nggi  yillarda  mamlakatimizda  yuz 

berayotgan  o‗zgarishlarning  ko‗lami  nihoyatda  katta,  aytish  mumkinki  shu  davr 

mobaynida  yurtimiz  dunyoga  tamomila  bir  yangi  qiyofa,  yangi  tashabbus,  yangi 

g‗oyalar  bilan  tanildi.  Tom  ma`noda  milliy  tiklanishdan  milliy  yuksalish  sari 

qadam tashladik. Bu yuksalish va o‗zgarishlar zamirida ilm-fan, adabiyot, san`atga 

ulkan  e`tibor  yotishini  mamlakatimiz  rahbari  o‗zining  har  bir  nutqida  qayta  va 

qayta  ta`kidlab  kelmoqda.  Albatta,  bejiz  emas.  Millatning  borligini,  ulug‗ligini 

namoyon etib turuvchi jihatlar, bu uning tili, adabiyot va san`atidir. 

Shavkat  Mirziyoyev  O‗zbekiston  Respublikasi  Prezidenti  etib  saylangach, 

ilk  imzolagan  qarori  ham  bevosita  adabiyot  sohasiga  dahldor  bo‗ldi.  Ya`ni 

elimizning  suyukli  farzandi,  zabardast  shoiri,  taniqli  davlat  va  jamoat  arbobi, 

O‗zbekiston  Qahramoni  Erkin  Vohidov  tavalludining  80  yilligini  nishonlash 

to‗g‗risida  maxsus  qaror  e‗lon  qilindi.  Qarordan  kelib  chiqib  tug‗ilib  o‗sgan 

Farg‗ona viloyati, Oltiariq tumani, ―Beglar‖ mahallasida Erkin Vohidov uy-muzeyi 

ochildi.  Birgina  shoir  timsolida  butun  millat  adabiyoti,  ma`naviyatga  ko‗rsatilgan 

bunday  ulkan  e`tibor  va  g‗amxo‗rlik  yurtimiz  ziyoliylarini  hayajonga  soldi. 

Xalqimiz  suygan  shoiriga  bo‗lgan  e`tibor  yanada  oshib,  uning  ijodini  o‗sib 

kelayotgan  yangi  avlodga  yetkazish  bizning  oliyjanob  burchimizdir.  Chunki, 

adibimizning ijodda bosib o‗tgan yo‗lining o‗zi yoshlarga ibratdir. Birgina bolalik 

xotiralarini  yodga  oladigan  bo‗lsak:  shoir  shunday  xotirlaydi:  ―Otam  frontda 

ekanida  onam  qishloq  kengashida  kotiba  bo‗lib  ishlar,  qiyinchilik  bilan  kun 

kechirar  edik.  Juxori  poyasini  shimib  tilimni  qonatganim,  bolalarga  qo‗shilib 

kunjara  yeganim  uchun  onam  yuzimga  shapaloq  urgani  va  o‗zi  kechgacha 

yig‗laganini  unutmayman‖  (1,  14.).  Bundan  ko‗rinib  turibdiki,  adabiyotimizda 

aruzda ijod qilib, Navoiy ijodining mukammal qirralaridan bahramand bo‗la olgan, 

hatto  dunyo  adabiyoti  durdonalarini  bizga  tarjima  qilib,  tuhfa  etgan  adibimizning 

bolaligi  ham  qiyinchilik  vaqtlarga  to‗g‗ri  kelgan  ekan.  Ehtimol,  Navoiy  ijodiga 

bo‗lgan  buyuk  ehtirom,  milliy  adabiyot  va  tilimizga  bo‗lgan  muhabbat  adibni 

vodiydan  azim  shaharga  olib  kelgandir.  Xalqimizda  ―Ertani  degan  kechani 

qo‗ymas‖  mazmunidagi  ajoyib  bir  naql  bor.  Buni  milliy  adabiyotning  kelajagi 

uning o‗z o‗tmishini qanday idrok qilinishiga bog‗liqligini juda erta anglab yetgan 

adibimiz  mumtoz  adabiyotdagi  eng  ulug‗  adiblar  tajribasidan  bahramand  bo‗lib 

ijod  qildi.  Xalq  shoiri  bilan  bo‗lgan  uchrashuvlarning  birida:  ―Navoiyning  ijodini 

tushunish, anglash uchun fors, arab, eski o‗zbek tillarini o‗rganish bilan bir qatorda 

Qur`oni  karim,  hadis,  tasavvuf  ilmidan  bohabar  bo‗lish,  undan  keyin  Navoiy 

davrini,  u  yashagan  muhitni  bilish  lozim.  Bugungi  kunda  Navoiyni  imkon  qadar 

to‗liq  anglashga  intilish  uchun  hamma  sharoit  yetarli.Bu  imkoniyatdan 

foydalanishimiz  kerak.  Navoiyni  bilsak,  ijodiga  chuqur  kirib  borsakgina,  ―Men 

o‗zbekman,  Navoiy  avlodiman‖  deya  olamiz!  (2,  12),  -  degan  fikrlarida  ham 

---

307 

 

yoshlarga  ibratomuz  tarzda  har  qanday  millat  o‗z  mumtoz  so‗z,  ko‗ngli  tarixini 

bilishga chaqiradi. Shu bilan bir qatorda, bugungi tezkor jarayonda madniyatlararo 

xilma-xillik  vujudga  kelib,  milliy  madaniyatda  transformatsion  jarayonlar 

kuchaygan bir paytda mumtoz adabiyotimiz, qolaversa, Navoiy ijodi namunalarini 

o‗rganish borasida ham qimmatli mulohazalarini berishga harakat qilgan adibimiz. 

Bu  to‗g‗rida:  ―Navoiyni  o‗rganishdan  asosiy  maqsad,  faqatgina  so‗z  boyligini 

oshirish  emas,  balki  ana  shu  xazinani  tiklash  hamdir.  Bir  zamonlar  davr  taqozasi 

bilan  mumtoz  adabiyotimizdan  yiroqlashdik,  so‗z  boyligimiz  nihoyatda 

qashshoqlashdi.  Endi  yangi  avlodimiz  oldida  til  boyligimizni  tiklash  vazifasi 

turibdi.  Navoiyni  o‗rganish,  uni  xalqqa  tushuntira  bilish,  yetkazish  uchun,  avvalo 

undan  zavqlanish  kerak.  Navoiy  ijodi  zamirida  inson  qalbini  zabt  etuvchi  lutf, 

yashirin tashbeh, muammolar bor. Ularni tadqiq qilish, tahlil etish katta ma‘suliyat 

talab  etadi.  Agar  navoiyshunoslar  shoir  she`riyatining  go‗zalligi,  sehrini  xalqqa 

etkaza  olishsa,  o‗z-o‗zidan  yoshlarda  ham  ulug‗  ajdodimiz  asarlariga  bo‗lgan 

qiziqish ortadi‖- deb ta`kidlab o‗tgan fikrlari ham biz uchun o‗rinlidir. 

Bugungi  kunda  O‗zbekiston  o‗z  taraqqiyotining  yangi,  yuksak  bosqichiga 

qadam  qo‗yib,  milliy  tiklanishdan  –  milliy  yuksalishga  erishishni  o‗z  oldimizga 

eng  muhim  va  ustuvor  vazifa  qilib  qo‗ygan  bir  paytda,  adabiyot  va  san`at 

sohalarini rivojlantirish borasida qator ijobiy ishlar amalga oshirilmoqda. Bu haqda 

gapirganda  Davlatimiz  rahbarining  quyidagi  fikrlarini  ketirish  o‗rinlidir:  ―Biz 

O‗zbekistonda ―Adabiy do‗stlik-abadiy do‗stlik‖ degan chuqur ma`noli tamoyilga 

amal  qilgan  holda,  Jahon  adabiyotining  durdona  asarlarini  o‗zbek  tiliga  tarjima 

qilish  va  nashr  etish  masalasiga  g‗oyat  jiddiy  e`tibor  qaratmoqdamiz.  Yurtimizda 

dunyo  adabiyotining  bebaho  mulki  bo‗lgan  ming-minglab  asarlar  tarjima  qilinib, 

kitobxonlar qalbidan joy olgani, badiiy tarjima va tarjimashunoslik bo‗yicha o‗ziga 

xos  ijodiy  maktab  shakllanganini  alohida  ta`kidlash  lozim‖,  (3,  340).  Mana 

shunday  yirik  maktabning  fidoiy  vakillaridan  biri  ham  Erkin  Vohidov 

bo‗lganlar.Yangi  davr  nemis  adabiyotining  asoschisi  Y.V.Gyotening  noyob 

merosi, shoir serqirra ijodiy faoliyatining gultoji bo‗lgan ―Faust‖ tragediyasi o‗tgan 

asrning  70-yillari  boshida  O‗zbekiston  xalq  shoiri  Erkin  Vohidov  tarjimasida 

o‗zbekona ohangda jaranglab, adabiyot muxlislari qalbidan chuqur joy olgan.  

 

Xulosa o‗rnida aytish mumkinki, ushbu maqolada biz adib ijodining ba`zi 

bir  qirralariga  to‗xtaldik,  xolos.  Bugun  insonlar  orasida  mehr-oqibat,  ezgulik  va 

yaxshilik  arzon  bo‗lgan  bir  paytda,  biz  tashqi  taraqqiyotdan  orqada  qolmaslik, 

zamon  bilan  hamnafas  bo‗lish  uchun  tinimsiz  harakat  qilamiz-u,  ammo  ichki 

kamolotga erishish uchun vaqtimiz yo‗q. Ko‗nglimiz bog‗iga ko‗ngilsiz ishlarning 

mehmon  bo‗lishi  oxir-oqibat  bizni  yemirib  boradi.  Shu  bois,  hayotimizni  rasvo 

qilayotgan illatlarni yuragimizdan yulib tashlab, ezguliklarga imkon berishga qodir 

bog‗bonlarga  muhtojmiz.  Agar  e`tibor  beradigan  bo‗lsak,  ulug‗  adib  va  shoirlar 

ana  shunday  bog‗bonlarga  o‗xshaydi.  Ana  shunday  ko‗ngil  bog‗ining 

bog‗bonlaridan  biri  Erkin  Vohidov  bo‗lib,  Navoiyni  anglab,  undan  saboq  olib, 

ruhoniyatini poklab bizga shuncha meros qoldirgan. Biz esa bugun dunyoni bizdan 

ko‗ra  yaxshiroq  tushungan  adibimiz  ijod  maktabidan  bahramand  bo‗laylik 

yoshlarni ham bahramand qilaylik. 

---

308 

 

Foydalanilgan adabiyotlar: 

1.

 

G‗ulomova N. Ona tili va adabiyot. – T.: Sharq, 2014. 

2.

 

Erkin  Vohidov.  ―Navoiyni  bilmasak,  ―Men  o‗zbekman‖  deya  olamizmi?‖ 

Oila davrasida. №6 (92), 2014, 6 fevral. 

3.

 

Shavkat  Mirziyoyev.  Niyati  ulug‗  xalqning  ishi  ham  ulug‗,  hayoti  yorug‗  va 

kelajagi farovon bo‗ladi. – T.: O‗zbekiston, 2019. NMIU. – B. 340.