Zbekiston respublikasi oliy va o ‗ rta maxsus ta`lim vazirligi

 

 

UMUMIY O„RTA TA`LIM MAKTABLARIDA ERKIN VOHIDOV 

IJODI VA HAYOTINI O„RGATISH SAMARADORLIGINI OSHIRISH 

USULLARI 

SH. XUJAMBERDIEVA , 

pedagogika fanlari bo„yicha falsafa doktori (PhD) (NamDU) 

 

 Jahon  adabiyotshunosligida  dunyo  adiblari  hayoti  va  ijodini  o‗rgatish 

hamda  ularning  dunyo  xalqlari  badiiy  tafakkuri  taraqqiyotidagi  o‗rnini 

belgilashning  metodologik  asoslarini  yaratishga  katta  e`tibor  qaratilgan.  O‗zbek 

adabiyotshunosligi  ham  o‗zbek  adabiyotini  o‗qitish  metodikasi  ham  o‗ziga  xos 

tarixga  ega.  Yoshlarimizning  Vatan  taqdiri,  el-yurt  istiqboli  yo‗lida  fidoyi, 

kurashuvchan, salohiyatli, ilmli, keng dunyoqarashga va mustaqil fikrga ega bo‗lib 

voyaga  yetishlarida  adabiy  ta`limning  o‗rni  beqiyos.  Darhaqiqat,  ―...adabiyot  va 

san`atga,  madaniyatga  e`tibor  –  bu,  avvalo  xalqimizga  e`tibor,  kelajagimizga 

e`tibor  ekanini,  buyuk  shoirimiz  Cho‗lpon  aytganidek,  adabiyot,  madaniyat 

yashasa,  millat  yashashi  mumkinligini  unutishga  bizning  aslo  haqqimiz  yo‗q‖ligi 

adabiy  ta`lim  oldida  xalq  shoiri  Erkin  Vohidov  hayoti  va  ijodini  keng  qamrovda 

o‗rganish,  uzluksiz  ta`lim  tizimidagi  adabiyot  darslarida  shoir  ijodidan 

namunalarni  o‗rgatish  va  tahlil  qilish,  shu  asosda  yoshlar  ma`naviyatini 

yuksaltirish, ta`lim-tarbiya samaradorligiga erishiladi. Xalqimizning sevimli shoiri 

Erkin  Vohidov  qariyib  sakson  yillik  hayoti  davomida  o‗zining  juda  boy  va 

salmoqli adabiy ijod namunalarini qoldirgan.  

---

228 

 

Shu  bois  ta`lim  bosqichlarida  el  hurmatiga,  xalqimiz  mehr-muhabbatiga 

sazovor  bo‗lgan  ijodkorlar  yaratgan  asarlarni  uzviylik  va  uzluksizlikda  o‗rgatila 

borish muhim pedagogik muammolardan hisoblanadi. 

O‗zbekiston  Qahramoni,  Xalq  shoiri,  noyob  iqtidor  egasi,  Erkin  Vohidov 

hayoti va ijodini kelajagimiz egalari bo‗lmish o‗quvchi-yoshlarga ta`lim jarayonida 

uzviylikda  o‗rgatish  hamisha  davr  talabi  bo‗lib  kelgan.  Zero,  shoirning  dastur  va 

darsliklarda  berilgan  she`rlarini  zamon  talablaridan  kelib  chiqqan  holda  samarali 

usullarda  o‗rgatish  o‗quvchilar  ma`naviyatini  boyitishga,  mustaqil  fikrlashlarini 

shakllantirshga,  nutqi  va  dunyoqarashining  o‗sishiga,  badiiy  adabiyotga  mehr-

muhabbati ortishiga xizmat qiladi. 

Ta`lim  bosqichlarida  shoir  yoki  yozuvchining  hayoti  va  ijodini  o‗rgatish 

muayyan  didaktik  hamda  tarbiyaviy  maqsadlarni  o‗z  ichiga  oladi.  Atoqli  adiblar 

ijodidan  namunalarini  o‗rganish  orqali  o‗quvchilar  badiiy  asar  bilan  tanishadilar. 

Uning ta`sir qudrati ila go‗zallik va nafosat olamiga kirib boradilar. Badiiy asarga 

xos  obrazlilikni,  obrazli  ifoda  zamiridagi  ma`nolarni  anglashga  o‗rganadilar. 

Badiiy  so‗z  ustalari  tasvirlagan  manzara  insoniy  kechinmalar  mazmunini 

tushunishga,  ijodkor  tuyg‗ularini  o‗z  ko‗nglida  his  qilishga  o‗rganadilar.  Ayni 

damda, har  bir  san`atkor  yaratgan  asarlar  orqali  uni  tanish, ko‗ngil olamiga  kirib, 

shoir  o‗y-xayollari  mazmun-mohiyatini  tushunib  borishga  erishadilar.  So‗z 

san`atkorlari  o‗quvchi  ko‗z  o‗ngida  betakror,  o‗zigagina  xos  qiyofasi  bilan 

gavdalanadi.  Shoir  qiyofasi,  ko‗ngil  olami,  quvonchu  iztiroblari  yaratgan  asarlari 

ruhidan his qilib anglanishi tufayli E.Vohidov, A.Oripov, M.Yusuf kabi qator xalq 

shoirlari  o‗quvchilar  uchun  namuna  va  ibratga  aylanadi.  Bunday  ijodkorlarning 

tarjimai holiga oid uzun ma`lumotlardan ko‗ra badiiy barkamol asarlari o‗quvchilar 

qalbiga tezroq yo‗l topadi, estetik ta`sir ko‗rsatadi.  

Shu  bois  ta`lim  bosqichlarida  el  hurmatiga,  xalqimiz  mehr-muhabbatiga 

sazovor  bo‗lgan  ijodkorlar  yaratgan  asarlarni  uzviylik  va  uzluksizlikda  o‗rgatila 

borish muhim pedagogik muammolardan hisoblanadi. 

Umumiy  o‗rta  ta`lim  maktablarining  5-sinfdan  boshlab  o‗quvchilar  diqqati 

Erkin  Vohidov  hayoti  va  ijodi  haqidagi  ma`lumotlar  va  ijod  namunalari  tahliliga 

qaratiladi. Erkin Vohidov tarjimai holiga oid ma`lumotlardan so‗ng 5-sinfda badiiy 

asar  tilini  o‗rganish  masalasiga  o‗quvchilar  e`tibori  tortiladi.  Bu  masala 

o‗rganilayotgan  asarning  janr  xususiyatlariga  bog‗lab  yoritish  yo‗li  bilan  hal 

etiladi.  Lirik  asarlar  nasriy  asarlardan  janr  xususiyatlarga  ko‗ra  farq  qilganiday, 

badiiy  tilining  o‗ziga  xosligi  jihatidan  ham  ajralib  turadi.  Lirik  she`riyatda  poetik 

fikr  his-hayajonli,  ohangli,  ma`lum  ichki  tartibli  tizma  nutq  (vazn)  orqali  ifoda 

qilinadi. Shoir bir she`r doirasida bir necha she`riy san`atlardan foydalanib, poetik 

obraz  qirralarini,  uning  ichki  yashirin  ma`nolarini  yoritib  berishga  muvaffaq 

bo‗lishi mumkin.  

Adabiyotdan  takomillashtirilgan  va  uzviylashtirilgan  o‗quv  dasturiga  ko‗ra 

xalq shoiri E.Vohidov ijodi 5-sinfda ―Nido‖ dostonidan parcha (3 soat) va 6-sinfda 

esa  ―O‗zbegim‖  qasidasini  (2  soat)  o‗rganish  ko‗zda  tutilgan.  2017  yilda  chop 

etilgan  ―Adabiyot-5‖  [1,  135-146]  darsligida  ―Nido‖  dostonini  o‗rganish  uchun 

ham shoir hayoti va ijodi haqida ma`lumot va ―Nido‖ dostonidan qisqartib olingan 

---

229 

 

matn,  so‗ngra  doston  haqidagi  maqola  berilgan.  ―Adabiyot-6‖  [2,  117]  darsligida 

esa  E.Vohidov  hayoti  va  ijodi  haqida  ma`lumot  bilan  qasida  haqida  nazariy 

tushuncha  berish  ko‗zda  tutilgan.  ―O‗zbegim‖  qasidasini,  Afsuski,  6-sinfda  liro-

epik  janr  haqida  nazariy  tushunchani  o‗zlashtirmagan  holda  o‗quvchilar  doston 

janridagi  hajman  ko‗lamli  asarni  o‗qib  o‗rganish  va  tahlil  qilishlari  qiyinroq 

kechadi.  Mazkur  metodik  muammoni  hal  qilish  uchun  esa  asar  matnini  o‗qib 

o‗rganish jarayonida o‗qituvchidan doston janriga oid muayyan nazariy tushuncha 

berish  yo‗li  bilan  o‗quvchilarni  tahlilga  tayyorlash  talab  etiladi.  Ushbu  darslikda 

ham  mualliflar  o‗tgan  asrning  70-80-yillarida  yaratilgan  darsliklarga  xos 

tushuntirish,  asar  mazmunini  bayon  qilish  usulini  qo‗llaganliklari,  bu  usulning 

o‗quvchini  badiiy  asar  o‗qimasligiga  sabab  bo‗lishi,  demakki,  ma`naviyatining 

zaiflashuvi, o‗z mustaqil fikriga ega bo‗lmasligi ―ta'minlanadi‖. Bugungi  ta`limda 

―interfaol‖ nomi ostida kirib kelgan zamonaviy metod va usullar nafaqat adabiyot 

darslari  balki  Erkin  Vohidov  kabi  taniqli  so‗z  san`atkorlari  ijodini  o‗rgatish 

samaradorligi ta'minlanishiga ham keng imkon beradi.  

Shoirning  ―Nido‖  dostonini  o‗rganishdan  oldin  o‗quvchilar  e`tibori  Erkin 

Vohidovning dostonnavis sifatidagi faoliyatiga qaratilishi maqsadga muvofiq, deb 

o‗ylaymiz.  5-6-sinflar  adabiyot  darsligida  deyarli  mazmunan  bir  xil  biografik 

ma`lumotlar  keltirilgan.  5-sinfda  shoir  hayoti  va  ijodi  haqidagi  ma`lumotlarni 

o‗zlashtirgan  o‗quvchi  uchun  6-sinfda  yana  ayni  ma`lumotlar  bilan  tanishish 

zerikarli  kechishi  tabiiy.  Fikrimizcha,  darslik  mualliflari  5-sinfda  ―Nido‖  dostoni 

bilan  birga  shoirning  ―Bosh  tebratar  soat  kafgiri‖,  ―Sadoqat‖  kabi  o‗quvchilarni 

umrning,  vaqtning  qadriga  yetishga  undaydigan,  yurtga  sadoqat,  kamtarlik  kabi 

insoniy  fazilatlarning  hayotiy  qadr-qimmati  haqida  o‗ylatadigan  she`rlari  qatorida 

―Matmusa‖  turkumidagi  yengil  kulgu,  hazil-mutoyiba  va  yumorga  boy  ijod 

namunalarini  11-12  yoshdagi  o‗quvchilarga  taqdim  etishsa,  zavq-shafq  bilan 

o‗qiladigan  bu  asarlar  ularning  yosh  xususiyatlariga,  qiziqishlariga  mos  kelgan 

bo‗lardi.  Takroriylikka  barham  berilardi.  Biz  o‗z  ish  tajribamizda  Erkin  Vohidov 

hayoti  va  ijodini,  xususan,  ―Nido‖  dostonini  o‗rganish  uchun  ajratilgan  3  soatni 

quyidagicha taqsimladik.  

―Nido‖  dostonini  uyda  o‗qib  kelishga  topshirgan  holda  asarni  o‗quvchilar 

―B.B.B‖  usulida  o‗zlashtirishlariga  sharoit  yaratamiz.  Slayd  orqali  ekranda  (yoki 

doskaga avvaldan tayyorlangan doirachalar ilinadi) uch doira ko‗rsatiladi.  

Birinchi  doira  tepasiga  ―Bilaman‖,  ikkinchisiga  ―Bilishni  istayman‖  va 

uchinchisiga  ―Bilib  oldim‖  jumlalari  yozilgan.  1-2-doirachalar  darsda  to‗ldiriladi 

hamda  og‗zaki  tarzda  o‗quvchilar  tomonidan  sharhlanadi.  Qatorlararo  musobaqa 

usulidagi  ―Zanjir‖  metodi  yordamida  doirachalar  ichidan  zanjir  xalqalari  kabi 

savollar chiqib keladi.  

 

―Bilaman‖ 

 

 

―Bilishni

 

istayman‖ 

 

1 

2 

3 

1  2  3  4 

―Bilib oldim‖ 

1  2 3  4  5 

---

230 

 

―Bilaman‖  doirasidagi  savollar  o‗quvchilarning  Erkin  Vohidov  hayoti  va 

ijodi  haqidagi  umumiy  tushunchalari  darajasini  ko‗rsatadi.  Doira  ichidagi 

halqachalardan.  

1. Siz Erkin Vohidov hayot yo‗li haqida nimalarni bilasiz? 

 2. Shoirning ilk to‗plami qanday nomlanadi? 

3. Shoirning qaysi asarlarini o‗qigansiz? 

4. ―Nido‖ qanday asar? Bu asar g‗oyasini tushundingizmi? 

5. ―Erkin Vohidovning yana qanday dostonlarini bilasiz? 

6. Tarjimalarini-chi?  

7. She`riy to‗plamlarini ham bilasizmi? 

8.  Shoir  haqida  yana  nimalarni  bilasiz?‖  kabi  ketma-ketlikdagi 

yo‗naltiruvchi savollar joy olgan. Qaysi savolga  o‗quvchi javob topolmasa, zanjir 

halqasi  uziladi.  Bu  guruh  o‗yindan  chiqadi.  Halqalarni  ―ulash‖ni  2-qator 

o‗quvchilari davom ettiradilar.  

Halqalardagi  savollarga  to‗la  javob  olingach,  2-doirachaga  o‗tiladi. 

Qatorlardagi  guruhchalar  3-4-doirachalarni  mustaqil  holda  to‗ldiradilar.  Doira 

ichida  hosil  bo‗lgan  halqachalar  soni  o‗quvchilar  bilishni  xohlagan  masalalardan 

va  ular  bilib  olgan  tushunchalardan  iborat.  Demak,  qaysi  kichik  guruhdagi 

o‗quvchilar doirasidagi halqachalar soni ko‗p bo‗lsa, ular bilimi shuncha ball bilan 

taqdirlanadi.  Keyingi  4-doirachani  (uyda  o‗qib  kelish  uchun  topshirilgan  edi) 

―Nido‖  dostonini  o‗qib  o‗rgangandan  keyin  to‗ldirilishi  lozimligi  o‗quvchilarga 

uqtiriladi.  Erkin  Vohidovning  ―Nido‖  dostonini  o‗rganish  uchun  ajratilgan  oxirgi 

3-soatda  doston  haqida  nazariy  tushuncha  berish  o‗rinli  bo‗ladi.  Slayd  orqali 

―Adabiyotshunoslik  terminlarining  izohli  lug‗ati‖da  berilgan  ta'rif  yozdiriladi: 

Liro-epik asarlarda muayyan hayotiy voqea ta`siridagi lirik qahramon kechinmalari 

ko‗lamli  tasvirlanishi  uning  ruhiyatini,  kechinmalari  salmog‗ini,  mazmun-

mohiyatini  qamrovli  ifoda  qilish  imkonini  beradi.  Lirik  kechinma  hayotiy  hodisa 

yo  fojia  bilan  uyg‗unlikda  umuminsoniy  ma`nolardan  salmoqli  poetik 

umumlashma kashf qilinishiga asos bo‗ladi. So‗z san`atkorlarining mahorati tufayli 

urush  va  tinchlik  kabi  muhim  mavzularning  yangi  qirralari  ochib  beriladi. 

Kitobxon  ongu  tafakkuri,  ko‗ngil  olamini  boyitishga  erishadi.  Xalq  shoiri  Erkin 

Vohidovning  ijtimoiy-siyosiy  faoliyati,  iste`dodi  va  badiiy  mahorati  qadrlanib, 

―Buyuk  xizmatlari  uchun‖  ordeni,  ―Xalq  shoiri‖,  ―O‗zbekiston  Qahramoni‖ 

unvonlari berilganligi ta`kidlanadi. Ekran orqali uy vazifasi topshiriladi: 

Xalq  shoiri  Erkin  Vohidovning  ―Ko‗hinur‖  va  ―Nido‖  dostonlariga  xos 

badiiy  g‗oyani  yoriting.  Bu  asarlarga  xos  g‗oya  qanday  vositalar  orqali  ifoda 

qilingan?  ―Nido‖  so‗zidan  shoir  qanday  maqsadda  foydalangan?  Shoirning  yana 

qanday  she`rlarini  o‗qigansiz?  (Mustaqil  o‗qish  uchun  she`rlaridan  tavsiya 

qilinadi). 

Demak, Erkin Vohidov asarlarini o‗rganishda o‗quvchilarni faollashtirishga 

intilish,  ularning  mustaqil  fikr  bildirishlari  uchun  qulay  sharoit  yaratish  ta`lim 

samaradorligi  ta'minlanishiga  asos  bo‗ladi.  5-6-sinflarda  shoir  ijodi  namunalarini 

―Zinama-zina‖,  ―Bilimdonlar  ringi‖,  ―Kim  eng  bilag‗on?‖  ―Venn  diagrammasi‖ 

kabi  o‗yin,  musobaqa  usulidagi  darslar  davomida  o‗rganish  ham  ta`lim 

---

231 

 

samaradorligini  oshirishga  xizmat  qiladi.  Shuni  alohida  ta`kidlash  lozimki,  har 

qanday ta`lim shakli kabi bunday usullarda tashkil qilinadigan darslarda ham aniq 

didaktik maqsad belgilanishi shart. Muayyan shoir yoki yozuvchi hayoti va ijodini 

o‗rganish  bo‗yicha  yakuniy  soatda  o‗qib  o‗rganilgan,  o‗zlashtirilgan  bilim, 

ko‗nikma  va  malakalarni  mustahkamlash  o‗quv  materiallarini  takrorlash  yoki 

shoirning  bir  yoki  bir  necha  asarlarini  tahlil  qilish  kabi  aniq  didaktik  maqsadda 

foydalanilsagina samara beradi.  

5-6-sinflar  o‗quvchilari  serharakatligi,  ichki  energiyaga  boyligi  tufayli 

tezkor,  chaqqon,  zavq-shafqqa  to‗lib  ish  olib  boradilar.  Ba'zan  ularda  shoshma-

shosharlik,  pala-partishlik  kabi  holatlar  ham  kuzatiladiki,  bu  ularning  tezkorligi, 

o‗yin-musobaqalarga  beriluvchan,  sho‗x-shaddotlik  kabi  yosh  xususiyatlari  bilan 

bog‗liqdir.  O‗quvchilar  yosh  xususiyatlarini,  xarakter  darajalari,  tabiati,  ruhiyati 

kabi  qator  psixo-fiziologik  omillar  didaktik  jarayonni  tashkil  qilishda  e`tiborga 

olinsa,  dars  qurilishi,  ta`lim-tarbiya  jarayoni  mazmunli,  tartibli,  izchil  kechadi. 

Ta`lim maqsadlariga erishish ham osonlashadi.  

Foydalanilgan adabiyotlar: 

1. Ahmedov S., Qosimov B., Qo‗chqorov R., Rizayev Sh. Adabiyot (5-sinf 

uchun darslik). – T.: Sharq, 2017. 135-146-b.  

2. Adabiyot 6-sinf uchun darslik, 1-qism. – T.: Ma`naviyat, 2017. 117-b.