Zbekiston respublikasi oliy va o ‗ rta maxsus ta`lim vazirligi

 

ERKIN VOHIDOV SHE`RIYATIDA O„XSHATISHLARNING 

LINGVOPOETIK XUSUSIYATLARI 

Boburmirzo Xabibullo IMINJANOV,  

talaba (ADU)  

 

Ma`lumki,  she`riy  nutqni  lingvopoetik  vositalarsiz  tasavvur  etish 

qiyin.Poetik  matnlar  tilning  emotsional-ekspressivligini  ta‘minlovchi,  obrazlilik 

hosil qiluvchi lingvopoetik  vositalardan  biri  o‗xshatishdir.  Ular  vositasida  muallif 

fikrlari obrazli tarzda o‗quvchiga yetkaziladi, kitobxonga badiiy-estetik ta`sir etish 

amalga  oshiriladi,  asar  tilining  emotsional-ekspressivligi  ta‘minlanadi,  muallif 

individual  uslubi  o‗z  poetik tasviriga  ega bo‗ladi.  O‗xshatish  deganda  ―ikki narsa 

yoki  voqea-hodisa  o‗rtasidagi  o‗xshashlikka  asoslanib,  ularning  biri  orqali 

ikkinchisining  belgisini,  mohiyatini  to‗laroq,  konkretroq,  bo‗rttiribroq  ifodalash‖ 

tushuniladi [1,239]. 

---

190 

 

Tilimizda  ―O‗xshatishlarning  ikki  turi,  ya`ni:  1.  individual  –  muallif 

o‗xshatishlari  yoki  erkin  o‗xshatishlar  va  2.  umumxalq  yoki  turg‗un  (doimiy) 

o‗xshatishlar  farqlanadi.  Badiiy-estetik  qimmat,  lingvopoetik  salmoq  nuqtayi 

nazaridan  erkin  o‗xshatishlar  yozuvchining  mahoratini  namoyon  etuvchi 

vositalardan  biri  sifatida  badiiy  nutqda  alohida  o‗rin  tutadi.Yozuvchi  o‗zining 

badiiy tasvir maqsadiga muvofiq ravishda xilma-xil original o‗xshatishlar yaratadi. 

Bu  o‗xshatishlar  kutilmaganligi,  ohorliligi  bilan  o‗quvchini  rom  etadi,  muayyan 

ruhiy  yoki  jismoniy  holat-xususiyat-predmetlarni  o‗quvchi  ko‗z  o‗ngida  yaqqol 

gavdalantiradi‖  [2,  3].  Erkin  Vohidov  she`riyatida  qo‗llanilgan  o‗xshatishlar 

betakrorligi,  jozibadorligi  bilan  kitobxonni  o‗ziga  jalb  etadi,  unga  zavq 

bag‗ishlaydi.

 

Sir emaski, tilimizda o‗xshatish hosil qiluvchi leksik va grammatik vositalar 

bor.  Leksik  vositalarga  kabi,  singari,  qadar,  yanglig‗,  bamisoli,  bamisli,  misoli, 

misli,  monand,  xuddi,  naq,  go‗yo,  teng,  o‗xshatmoq,  eslatmoq,  demoq,  bo‗lmoq, 

bir,  aynan,  o‗zi,  tus,  ibrat,  holatda,  chu,  andoqki  va  boshqalar  kirsa,  grammatik 

vositalarga -day, -dek, -dayin, -dir, -namo, -simon, -omuz, -li, -ona, -larcha, -saro 

kabilar  kiradi.  O‗xshatish  hosil  qiluvchi  -day  vositasi  ishtirokidagi  poetik 

tasvirning yuksak namunasini shoirning ―Tabrik‖ she`rida ko‗rishimiz mumkin: 

Tog‗day yelkasidan teng yarim jahon, 

Uning paxtasiga tikmish ko‗zini… 

She`rning asl mavzusi paxtakorlar haqida. Uni o‗qir ekanmiz ko‗z oldimizda 

bu  dala  maydonlarida  javlon  urayotgan  paxtakorlar  gavdalanadi.  Erkin  Vohidov 

ushbu  she`rda  sobiq  sho‗rolar  davridagi  paxtaga  hamda  paxtakorlarga  bo‗lgan 

munosabat haqida hikoya qiladi. Bu misrada o‗xshatish vositasi -day qo‗shimchasi 

hisoblanadi.  Ushbu  she`rning  so‗nggi  misrasida  -day  vositasidan  unumli 

foydalanilgan: 

Xirmoning qaddingday bo‗lsinu baland, 

Baxtingday hamisha kulsin quyoshing. 

She`rning  oxiri  paxtakorlarga  tilaklar  bilan  tugallangan.  Tilak  o‗xshatishlar 

vositasida  berilganligi  uchun  yana  ham  ta`sirli  chiqqan.  Paxtakorlarga  xirmonlari 

baland  bo‗lishini  tilamoqda,  xuddi  o‗zlarining  qaddilari  kabi.  Ikkinchi  qatorda 

paxtakorlarning  baxtli  ekanligini  ta`kidlagan  holda,  quyoshlari  ham  baxtlaridek 

kulib turishlarini istamoqda. 

O‗xshatishlarni  yuzaga  chiqaruvchi  vositalardan  yana  biri  ―kabi‖ 

hisoblanadi.  Erkin  Vohidov  biroz  hazil  tariqasida  yozilgan  ―Qorxat‖  she`rida 

ushbu  vositadan  foydalangan  holda  o‗quvchiga  estetik  kayfiyat  ulashadi. 

O‗xshatish  hosil  qiluvchi  ―kabi‖  leksemasi  vositasida  kutilmagan  obrazlilikni 

yuzaga keltiradiki, kitobxon beixtiyor tasvirlangan obyekt haqida o‗ylay boshlaydi, 

uning  shakl-shamoyili  va  mazmun-mohiyatiga  lirik  qahramon  ko‗zi  bilan  nazar 

tashlaydi: 

Bo‗lsa bodomlar qabog‗ingiz kabi, 

Ham murabbolar dudog‗ingiz kabi. 

Bu  she`r  aslida  shoira  qizlarga  atab  yozilgan.  Qorxat  o‗yinining  sharti 

bo‗yicha  mag‗lubga  ma`lum  bir  vazifa  yuklanadi.  Shoir  qizlarga  qorxat  yo‗llar 

---

191 

 

ekan,  mag‗lubga  jazo  sifatida  ziyofat  uyushtirish  shartini  qo‗yadi.  Hamda  ziyofat 

dasturxonida  hattoki  bodomlar  va  murabbolar  bo‗lishi  kerakligini  ta`kidlaydi. 

Mana  shu  pallada  o‗xshatish  san`atidan  shunday  foydalaniladiki,  o‗quvchining 

yuzida  beixtiyor  nim  tabassum  yuzaga  keladi.  Ya`ni  bodomlar  qizlarning  qabog‗i 

kabi, murabbolar esa ularning dudog‗i kabi bo‗lishi darkor. 

O‗xshatishni yuzaga keltiruvchi vositalarning o‗rinli qo‗llanishi bilan badiiy 

tasvirning  estetik  ta`sirchanligi  orta  boradi.  ―Ruhlar  isyoni‖  dostonidan  olingan 

quyidagi misrada esa tabiatni jamiyatga mutanosib holda qiyoslaydi: 

Yurtim, bitmas matonating, 

Sen – mujassam bardoshsan. 

Fil singari zo‗r qudrating, 

Fil singari yuvoshsan. 

Yuqoridagi  misrada  o‗xshatilgan  obyekt  yurt,  o‗xshatiladigan  predmet  fil, 

o‗xshatish vositasi esa ―singari‖ leksemasidir. 

Erkin  Vohidov  o‗xshatish  vositalaridan  unumli  foydalanish  bilan  birga, 

to‗g‗ridan-to‗g‗ri  o‗xshaydi,  xuddiki,  qiyos  leksemalaridan  ham  foydalandi. 

Xususan,  bu  holatni  uning  tarjimalarida,  jumladan,  ―Faust‖  asarida  ko‗rishimiz 

mumkin: 

Xuddi chigirtkadek xas-cho‗plar aro, 

Goh uchar, goh sakrar, goh tuzar navo. 

Mefistofelning  tilidan  aytilgan  misralarda  so‗z  aslida  inson  haqida 

ketmoqda.Inson  chigirtkaga  o‗xshatilgan.  E`tibor  bergan  bo‗lsangiz,  o‗xshatilish 

ham qo‗shimcha orqali, ham leksema orqali amalga oshirilmoqda. Avvalo ―xuddi‖ 

leksemasi  orqali  o‗xshatishni  yuzaga  keltirgan  shoir  o‗xshatiladigan  predmetga  –

dek  qo‗shimchasini  qo‗shish  orqali  o‗xshatilishni  yanada  mustahkamlamoqda. 

Beixtiyor  shoirning  tarjima  sohasidagi  badiiy  topqirligiga  tasannolar  aytging 

keladi.  Misradagi  ―xuddi‖  leksemasi  to‗g‗ridan-to‗g‗ri  o‗xshatish  vositasi 

vazifasini bajarmoqda, o‗xshatilgan predmet insonlar, o‗xshatiladigan predmet esa 

chigirtka. Shoirning  o‗xshatish borasidagi kashfiyotlari xilma-xil va serjilodir. Bu 

orqali kitobxon estetik zavqning oliy namunasidan bahramand bo‗ladi. 

Yana bir bor ―Faust‖ ga murojaat qilsak. Quyidagi Faustning tilidan aytilgan 

satrlarga e`tibor bering: 

Borliq ko‗z oldimda misoli suvrat, 

Go‗yo mening o‗zim xoliqi qudrat. 

Go‗yo ilkimdadir jahoniy mir‘ot,  

Go‗yo kaftimdadir butun koinot. 

Ushbu  she`riy  qatorlarning  har  birida  o‗xshatish  vositasi  qo‗llanilgan. 

―Misoli‖ va ―go‗yo‖ leksemalari orqali o‗xshatishning betakror namunalarini tilga 

olgan. Ushbu leksemalar vositasida borliq suvratga, Faustning o‗zi xoliqi qudratga 

o‗xshatilmoqda. Erkin Vohidovning ijodiy merosi juda katta hajmni tashkil qiladi. 

Shuning  uchun  shoir  o‗xshatish  vositalarining  deyarli  har  biridan  foydalanganligi 

shubhasiz. ―Viruslar‖ she`rida -simon vositasidan foydalanilgan bo‗lsa: 

Sharsimon virusni mumkin o‗ldirish, 

Chora yo‗q yumaloq xudparastlikka. 

---

192 

 

―Qorxat‖  she`rida 

-dayin

  qo‗shimchasidan,  yanglig‗  leksemasidan 

foydalanadi: 

Sochdagi bargakdayin ko‗k bodiring, 

Hamxino yanglig‗ patinjon oldiring. 

Xulosa  qilib  shuni  aytish  mumkinki,  mazkur  shoir  she`riyatidagi 

o‗xshatishlar  shu  bilan  nihoyasiga  yetmaydi  albatta.Bular  ummondan  bir  tomchi, 

xolos.Erkin  Vohidov  ijod  olamida  o‗z  so‗zini  ayta  olgan  ustoz  ijodkorlardan  biri 

sanaladi.  U  Vatan  haqida  yozadimi,  haqiqat  haqida  yozadimi,  sevgi  haqida 

yozadimi  –  bu  mavzularning  avval hech kim  aytmagan  jihatlarini  topib, mantiqiy 

kashfiyotlar  qilgan.  Uning  qalbi  Mashrabday  o‗tli,  Yeseninday  samimiy  va 

jozibador. 

 

 

 

Foydalanilgan adabiyotlar: 

1. Shomaqsudov A., Rasulov I., Qo‗ng‗urov R., Rustamov H.  O‗zbek tili stilistikasi. 

Fan, 1983.  

2. Mahmudov N. O‗xshatishlar – obrazli tafakkur mahsuli. //O‗zbek tili va adabiyoti, 

2011, 3-son.