Zbekiston respublikasi oliy va o ‗ rta maxsus ta`lim vazirligi

SAYYODIY G„AZALLARINING O„ZIGA XOS XUSUSIYATLARI 

Muzaffar MAMATQULOV, 

filologiya fanlari nomzodi, dotsent (GulDU) 

 

O‗zbek adabiyoti tarixini g‗azal janrisiz tasavvur qilish qiyin. Chunki bu janr 

XX  asrgacha  bo‗lgan  adabiyotimizda  yetakchi  mavqelardan  birini  egallab  keldi. 

Shu paytga qadar o‗zbek adabiyotshunosligida g‗azal janri alohida ijod turi sifatida 

maxsus  o‗rganildi,  xolos.  Bunda  asosan  shoirlarning  devonlari  obyekt  bo‗lib 

xizmat  qildi.  Biroq  boshqa  asarlar,  xususan,  dostonlar  tarkibidagi  qo‗llanilgan 

g‗azallar  e`tibordan  chetda  qolib  keldi.  Bunday  asarlar  qatoriga  Sayyodiyning 

―Tohir va Zuhro‖ dostonini ham kiritish mumkin. 

Sayyodiyning  ―Tohir  va  Zuhro‖  dostonida  60  dan  ortiq  g‗azallar 

mavjud.Garchi  ―Tohir  va  Zuhro‖  masnaviyda  yozilgan  bo‗lsa-da,  shoir  unda 

g‗azallardan  ham  keng  foydalanishni  yo‗lga  qo‗yadi.  Chunki  g‗azal  dostonda 

shoirning  poetik  maqsadini  yuzaga  chiqaruvchi  asosiy  vositalardan  biri  ekanligi 

Sayyodiyning bu janr imkoniyatlarini yaxshi anglaganligidan darak beradi. 

―Tohir  va  Zuhro‖  dostonida  4  baytdan  10  baytgacha  bo‗lgan  g‗azallar 

uchraydi. 4 va 10 baytli g‗azallar bittadan, 7 va 8 baytli g‗azallar ikkitadan, 9 baytli 

g‗azal  uchta  keltirilgan  bo‗lsa,  5  va  6  baytli  g‗azallar  son  jihatidan  ko‗pchilikni 

tashkil etadi. 

Akademik  B.Valixo‗jayev  dostonlarga  g‗azallarning  kiritilishi  haqida 

atroflicha  fikrlar  bildirgan.  U  Yan  Ripkaning  mazkur  masala  to‗g‗risidagi 

qarashlariga  munosabat  bildirar  ekan,  olimning  bu  an`ananing  boshlanish  davri 

xususidagi  fikrlariga  ham  e`tibor  qaratadi.  Yan  Ripka  kuzatishlarida  asos  sifatida 

qabul  qilgan  ―Varqa  va  Gulshoh‖  asari  yaratilgan  davr  hamda  uning  muallifi 

yashagan  zamonni  XI  asr,  deb  ko‗rsatadi.  B.Valixo‗jayev  esa  bu  haqda 

quyidagicha mulohaza bildiradi: ―Ammo ko‗pgina adabiyotshunoslar Ayyuqiy XI 

asrda  emas,  balki  undan  so‗ng  yashab,  o‗zining  ―Varqa  va  Gulshoh‖  asarini 

yozgani  haqidagi  mulohazani  qo‗llab-quvvatlamoqdalar.  Jumladan,  Eron 

adabiyotshunosi  doktor  Sodiq  Kiyo,  ozarbayjon  olimi  A.G.Safarov  va 

boshqalarning  ilmiy  ishlarida  ana  shunday  holni  uchratamiz.  Shunga  ko‗ra, 

masnaviy-poemaga  g‗azalning  kiritilishi  davri,  garchi  hozir  aniq  isbotlangan 

bo‗lmasa-da,  uzoq  tarixga  ega  va  ehtimol  epik  poeziyada  lirizmning  kuchaya 

borishi,  ikkinchi  xil  qilib  aytganda,  poemalarda  insonning  ichki  dunyosi,  his-

---

399 

 

tuyg‗usi,  psixologiyasini  chuqurroq  tasvirlashga  o‗tish  natijasida  (XI-XII  asrlar) 

maydonga kelib, keyinchalik keng tarqalib ketgan bo‗lishi mumkin‖ [2, 26-27]. 

B.Valixo‗jaevning  mazkur  fikrlaridan  katta  asarlarda  g‗azallarning 

qo‗llanilishi  sabablari  ham  ayonlashmoqda.  Darhaqiqat,  ruhiy  holat,  ichki 

kechinmalar  va  his-tuyg‗ular  tasviri  bilan  bog‗liq  holatlarni  chuqurroq  ochishda 

g‗azallarning  o‗rni  beqiyos.  G‗azallardagi  bu  xususiyatlar  ―Tohir  va  Zuhro‖ 

dostonida ham kuzatiladi. Dostondagi dastlabki g‗azal podshoh Boboxon nomidan 

aytilgan. U farzandsizlik haqida. Keyingi g‗azal ham shu mavzuda yozilgan bo‗lib, 

Boboxonning  vaziri  Bohirga  tegishli.  Aynan  dostonning  boshlanishidayoq  bu 

mavzudagi  g‗azallarning  keltirilishi  asar  syujeti  bilan  bog‗liq.  Chunki  doston 

podshoh  va  vazirning  befarzandligi  haqidagi voqealar  bilan boshlanadi. Sayyodiy 

podshoh  hamda  vazirining  farzand  qayg‗usidagi  iztirob  va  armonlarini  berishda 

shu mavzudagi g‗azallardan foydalanadi. Har ikkala g‗azalda ham farzand – ulug‗ 

bir  ne‘mat,  farzandsizlik  esa  ―bahri  g‗am  ichra‖  qolishdek  azob  sifatida 

baholanadi: 

Odamning mevasi farzand emish derlar bu dunyoda, 

(Netay) yo‗q manda bir farzand, quruq tanmanki, jonim yo‗q [1, 22]. 

Dostonda voqealar rivojidan kelib chiqqan holda obrazlarning holatiga mos 

g‗azallar  beriladi.  Bu  esa  asar  qahramonlarining  ruhiy  kechinmalarini  ochishda 

muhim rol o‗ynaydi: 

Ishqingda man, ey bexabar, yig‗lab, bo‗lub xuni jigar, 

Hijron chekib shom-u sahar, yurmagay erdim koshki [1, 34]. 

―Tohir  va  Zuhro‖da  keltirilgan  g‗azallar  mavzu  jihatdan  rang-barang.  Ular 

orasida eng ko‗p uchraydigani muhabbat mavzusida yozilgan g‗azallar hisoblanadi. 

Ishqiy  g‗azallarda  oshiq  ko‗ngilning  dard-u  iztiroblari  tasviri  yetakchilik  qiladi. 

Oshiqlikning  o‗ziga  xos  bir  sinov  ekanligi,  hijron  azoblariga  bardosh  bera 

olishning oson emasligi kabilar doimo diqqat markazida turadi: 

Bir jilva aylab boshima soldi tuman savdosini, 

Andog‗ baloni jonima solmog‗oy erdim koshki [1, 37].  

Bayt  Zuhro  tomonidan  aytilgan  ilk  g‗azaldan  olingan.  Unda  endigina  ishq 

dardiga  mubtalo  bo‗lgan  oshiq  ko‗ngilning  kechinmalari  aks  ettirilgan.  Keyingi 

keltirilayotgan  g‗azallar  orqali  asarning  bosh  qahramonlarida  ishqning  kuchaya 

borayotganligi seziladi. Zuhro Bog‗i Maydonda Tohir bilan so‗zlashgandan keyin 

otasi  va  vazirining  o‗rtasidagi  sirdan  voqif  bo‗ladi.  Tohirga  bo‗lgan  muhabbati 

yanada ortadi. Tohirning esa dard-u azoblari g‗azallarga ko‗chadi: 

Mani o‗rtaydi har dam nori ishqing, 

Saning uchun, nigorim yonadurman [1, 41]. 

Ishqqa  xos  bo‗lgan  bunday  iztiroblar  Zuhroda  ham  kuzatiladi.  G‗azallar 

bunday dard-u iztiroblar tasvirida muhim rol o‗ynaydi: 

 

 

Muhabbat tuxmin ekting ko‗nglum ichra, 

 

 

Oning chun kecha-kunduz zordurman [1, 43]. 

Qahramonlardagi  ishq  iztirobi  yanada  zo‗rayadi,  chunki  ular  oldida  yangi 

muammolar  ham  paydo  bo‗la  boradi.  Muammo  va  ziddiyatlar  g‗azallarni  ham 

chuqurlashtiradi.  Ayriliq  ohanglari  kirib  keladi.  Ishqdan  mast  oshiq  va 

---

400 

 

ma‘shuqaning  kechinmalari  tasvirida  visol,  firoq,  ayriliq,  hijron  kabilar  asosiy 

muammoga aylanadi. Tohir va Zuhroning o‗zaro munosabatidan bog‗bon xabardor 

bo‗lgach,  voqealar  jadallashadi,  ziddiyatlar  kuchayib,  muhit  o‗zgaradi. 

G‗azallardagi  ruh  ham  o‗zgara  boradi.  Bog‗bonning  aytgan  g‗azali  bunga  misol 

bo‗la oladi. G‗azal orqali Tohir va Zuhroning muhabbati hukmdorga ayon qilinadi: 

 

Go‗zal sho‗rida bulbuldek fig‗on aylar o‗shal Tohir, 

Ki ul jonin fido aylar ko‗rub ul Zuhro gulzori [1, 45]. 

 

Bu  xabardan  so‗ng  podshoh  Tohir  bilan  uchrashishga  qaror  qiladi,  uni 

huzuriga  chorlaydi.  Zuhro  ham  Tohirni  otasi  yoniga  borishga  ko‗ndiradi. 

Ikkalasining muhabbatidan otasining ham xabardor bo‗lishini xohlaydi va go‗yoki 

podshoh  bu  munosabatni  eshitgach,  vaziri  Bohir  bilan  farzandlari  haqidagi 

shartlashgani yodiga tushsa, bizlarga ham  mehr ko‗rsatsa, deb umid qiladi. So‗ng 

Tohir aytgan g‗azal beriladi: 

 

 

Bir bandai bechoraman, manzilgahim baytul hazan, 

 

 

Siynam sori tiyri kamon kelsa nigorim soridin [1, 48]. 

Tohir  o‗zini  oldindan  nima  kutayotganligini  sezgandek  tuyuladi.  Biroq 

yaxshilik  yo‗lida  umid  uzmaydi.  Aynan  ana  shu  ruh  g‗azalda  hukmronlik  qiladi. 

Shundan keyin Zuhroning holati tasvirlanadi. Zuhro uchun Tohirsiz yashash hayot 

emas, tiriklik, ruhi ravon, xasta jonning rohati – Tohir: 

 

Sansizin jahonni naylayin, ey olami sultonidin, 

 

Bu yetti iqlim shahr aro sultoni jonim san eding [1, 49]. 

Tohirning  podshoh  bilan  uchrashuvi,  ular  o‗rtasidagi  suhbat,  hukmdorning 

Tohirga  bergan  savollari,  Tohirning  podshoh  savollariga  aytgan  javoblari, 

Tohirning podshohdan o‗ziga xos o‗tinch va umidlari voqealar rivojida o‗ziga xos 

rol  o‗ynaydi.  Podshoh  Tohirni  bu  yo‗ldan  qaytarishga  harakat  qiladi.  Ammo 

Tohirning Zuhroga bo‗lgan muhabbatini so‗ndirish qiyin. Uning ishq yo‗lidan hech 

qachon qaytmasligi ayon bo‗ladi: 

 

Podshohim, yor ila ichtuk chamanda bodani, 

 

Xoh o‗ltur, xoh kuydur, jon qurbondur, shahim [1, 53]. 

Shundan so‗ng Shohi Xubon bilan bog‗liq voqealar tasviriga o‗tiladi. Shohi 

Xubon – Tohirning onasi, marhum vazir Bohirning xotini. U podshohga murojaat 

qilib,  oshiqlarga  to‗g‗anoq  bo‗lmaslikka  chaqiradi,  o‗tmishdagi  vadasiga  vafo 

qilishga undaydi. Bu nasihatlar g‗azalda yanada ta`sirliroq aks etadi: 

 

Podshohim, san eshit burnog‗i davronlar qani, 

 

Bizing birla ahd qilg‗on ahd-u paymonlar qani? 

 

Ushbu dunyo bevafo, sindurmagil paymonani, 

 

Necha yig‗lab zori qilg‗on sharti yolg‗onlar qani? [1, 54] 

Podshoh  o‗z  fikridan  qaytmaydi.  Tohir  va  Zuhro  uchun  hayotda  yangi 

to‗siqlar  paydo  bo‗ladi.  Ikkalasi  ayrilishga  majbur  bo‗lishadi.  Chunki  hukmdor 

Tohirni  sandiqqa  solib,  daryoga  oqizishga  buyuradi.  Zuhro  va  Tohir  o‗t  orasida 

qoladilar.  Oshiqlar  uchun  bu  yangi  sinov  edi.  Ayniqsa,  bu  qaror  Zuhroni  yanada 

iztirobga soladi. G‗azalda iztirob ruhi kuchayadi: 

 

Ayo do‗stlar, bukun devona bo‗ldum, 

 

Ki ishqing sham‘ig‗a parvona bo‗ldum [1, 57]. 

---

401 

 

Ishqiy g‗azallar Tohir va Zuhrodan tashqari Mohimxonim obrazi orqali ham 

beriladi.  Bag‗dod  hukmdorining  qizi  bo‗lgan  Mohim  tush  ko‗radi.  Tushiga  Tohir 

kiradi.  Ko‗ngliga  ishq  o‗ti  tushadi.  Saylgohga  kelgan  Mohim  daryodan  oqib 

kelayotgan  sandiqni  tuttirgach,  uni  ochib  qarasa,  tushiga  kirgan  yigitni  ko‗radi. 

Undagi ishq olovi yanada kuchayadi: 

 

Tushti ishqing boshima, sabr-u qarorim qolmadi, 

 

Tob-u toqat etkali bir oshiqi mardona yo‗q [1, 93]. 

―Tohir  va  Zuhro‖  dostonida  pandnoma  g‗azallar  ham  uchraydi.  Iztirob  va 

nasihat  ruhi  Tohirning  onasi  Shohi  Xubonga  mansub  g‗azallarda  ham  yetakchilik 

qiladi. Ayniqsa, Zuhroning enagasi tomonidan aytilgan g‗azalda nasihat ruhi kuchli 

bo‗lib,  uni  pandnoma  g‗azalning  go‗zal  namunasi,  deyish  mumkin.  Boboxon 

Qorabotirni  o‗ziga  kuyov  qilmoqchi  bo‗lganidan  so‗ng  enagasi  Zuhroga  tasalli 

beradi,  uning  ko‗nglini  ko‗tarmoqchi  bo‗ladi.  Natijada  axloqiy-ta`limiy 

yo‗nalishdagi  g‗azalga  ehtiyoj  paydo  bo‗ladi.  Sayyodiy  enaga  tilidan  Zuhroga 

nasihat qiladi: 

 

Har shakarning talxi bordur, har tikonda gul bitar, 

 

Har g‗aming bir shodi bor, behuda, ey jon, g‗am ema! [1, 107] 

Dostonda  munojot  g‗azallar  ham  alohida  o‗rin  tutadi.  Bunday  g‗azallar 

asosan  Tohir  obrazi  bilan  bog‗liq  jarayonlar  orqali  beriladi.  Tohir  ko‗p 

qiyinchiliklarni  boshidan  kechiradi.  Uni  daryoga  tashlagandan  so‗ng  sandiq  bir 

girdobga  oqib  boradi.  Girdobda  katta  baliq  yashardi,  u  girdobga  oqib  kelgan 

narsalarni  yeb  tirikchilik  qilardi.  Baliq  sandiqqa  ham  chang  soladi.  Shunda  Tohir 

Yaratganga munojot qiladi, uning his-tuyg‗ulari g‗azalda aks etadi. Mazkur g‗azal 

dostondagi  eng  mukammal  g‗azallardan  biri  hisoblanadi.  Bunday  mavzudagi 

g‗azallar  Tohirni  Yaratganga  yanada  yaqinlashtiradi,  uning  Xudodan  boshqa 

tayanchi  va  suyanchi  yo‗q  ekanligini  ko‗rsatadi.  Chunki  Tohir  eng  og‗ir 

vaziyatlardagina Yaratgandan yordam so‗raydi. Yana bir misol. Tohir Bag‗doddan 

o‗z  yurtiga  qaytayotgan  paytda  tog‗lar  orasida  qolib,  ketishga  yo‗l  topolmay 

qoladi.  Yana  Xudoga  munojot  qiladi.  So‗ng  tog‗  ochilib,yo‗l  paydo  bo‗ladi. 

Munojot g‗azal Tohirning kechinmalarini yuzaga chiqaradi: 

 

Saning yoding bila har yerdaman, rahm ayla, ey Olloh, 

 

Ki sandin o‗zga yo‗q hamdamki sansan hamdamim, Olloh [1, 145]. 

Dostonda  falakdan  shikoyat  tarzidagi  g‗azallar  ham  uchrab  turadi.  Qosid 

Bag‗dodga  Totor  shahridan  Zuhroning  xabarini  olib  kelgandan  so‗ng  Tohir 

Odilshohdan  ruxsat  olib, Mohimning  yoniga keladi. Undan  yurtiga qaytish uchun 

ijozat  so‗raydi.  Bu  gaplar  Mohimning  dardiga  dard  qo‗shadi,  iztiroblari  ortishiga 

sabab bo‗ladi. Mohim yuz oh-u nolalar bilan Tohirga javob beradi: 

Necha jabr etding manga faryod ilkingdin, falak, 

Dodima hech yetmading faryod ilkingdin, falak [1, 130]. 

Bunday  g‗azallar  doston  kompozitsiyasida  o‗ziga  xos  o‗rin  tutadi.  Chunki 

boshqa  qahramonlar  tasvirida  ham  bunday  mazmundagi  g‗azallarga  ehtiyoj  bor. 

Xususan,  Tohir  o‗z  yurtiga  qaytib  kelgandan  so‗ng  ancha  vaqtgacha  Zuhro  uni 

yashirib yuradi. Barcha sirlar oshkor bo‗lgach, Boboxon Tohirni bandi qilib, qo‗lga 

oladi. Tohirni Zuhrodan ayiradilar. Iztirob, dard, alam ruhi yanada kuchayadi: 

---

402 

 

 

 

Falak, qilding base javr-u jafoni, 

 

 

Ki sandin ko‗rmadim hargiz vafoni [1, 168]. 

 

 Boboxon  Tohirni  daryoga  oqizish  uchun  sandiq  yasashga  buyruq 

bergandan so‗ng shahar ahli podshohni bu qaroridan qaytarishga harakat qilishadi. 

Biroq  odamlar  o‗ylagan  ish  amalga  oshmaydi.  Sayyodiy  shu  voqealar  tasviridan 

keyin  ―Beklar  podshohning  eshigida  dod  etganining  bayoni‖  matni  ostida  bir 

g‗azal beradi, unda voqeabandlik xususiyati kuzatiladi: 

 

Shoh eshiginda turubon barchalari dod etdilar, 

 

Oh-u vovaylo debon, chun Haqqa faryod etdilar [1, 65]. 

Birinchi  misradagi  mazmun  beklarning  shoh  eshigiga  kelib,  undan  insof 

so‗ragani  va  adolat  tilagani  haqidagi  xabardan  iborat  bo‗lsa,  ikkinchi  misrada 

ularning  alam  va  hasrat  bilan  Haqqa  faryod  qilgani  aytilmoqda.  G‗azalning 

ikkinchi  baytidan  boshlab,  g‗azalda  voqeabandlik  xususiyati  kamayib,  pand-

nasihat ruhi kuchayib boradi. 

Sayyodiyning  ayrim  g‗azallarida  tasavvuf  ta`limotining  ham  kuchli  ta`siri 

seziladi. Ularda so‗fiyga xos xususiyatlar talqini va ilohiy ishq tasviri bilan bog‗liq 

jarayonlar ham aks ettiriladiki, bular g‗azalga o‗zgacha joziba bag‗ishlaydi: 

 

Gar nasib bo‗lsa bihisht borsam, visoling bo‗lmasa, 

 

Naylayin, volloh kerakmas hur-u g‗ilmoni manga [1, 97]. 

Bihisht  –  jannat  degani.  Hur-u  g‗ilmon,  ya`ni  jannatdagi  xizmatkorlardan 

voz  kechish  –  faqat  so‗fiygagina  xos  xususiyat  sanaladi.  Tasavvuf  ta`limotiga 

ko‗ra, Yaratganning oshig‗i bo‗lgan so‗fiy uchun jannatning ham, do‗zaxning ham 

qizig‗i  yo‗q.  U  faqat  Alloh  vasliga  erishish  bilangina  o‗z  maqsadiga  yetishadi  va 

doimo  shu  istak  yo‗lida  harakat  qiladi.  Demak,  so‗fiyga  Yaratganning  o‗zigina 

kerak, xolos. Bunday so‗fiyona qarashlar boshqa g‗azallarda ham uchraydi: 

 

Yorsiz jannatga kirsam, zulmati ma‘vo erur, 

 

Nola-yu afg‗on etib, bir mohi tobon istaram [1, 112]. 

Ma‘vo  –  turar  joy,  boshpana  ma`nosini  anglatadi.  Qahramonning  yorsiz 

jannatga  kirishi  go‗yoki  uning  uchun  jannatning  ham  zulmatga  aylanishidan  bir 

darakdir. Shu sababli oshiq nola-yu afg‗on etib, bir porloq oy istamoqda. 

G‗azal  adabiyotimiz  tarixidagi  eng  mashhur  va  keng  tarqalgan  janrlardan 

biri  hisoblanadi.  Ularda  asosan  oshiqning  ichki  kechinmalari  tasviriga  e`tibor 

qaratiladi. Uning qahramoni oshiq va ma‘shuqa hisoblanadi. G‗azallarda ma‘shuqa 

obraziga  asosiy  e`tibor  qaratilib,  unga  xos  bo‗lgan  xususiyatlar  bayoni  oshiqning 

o‗y-fikrlari,  mushohadalari  va  dil  izhorlari  tarzida  aks  ettiriladi.  Oshiq  uchun 

ma‘shuqa  visoliga  yetish  –  oson  ish  emas.  Bu  yo‗lda  u  qanchadan  qancha  sinov 

jarayonidan  o‗tishi  kerak.  Sinov  davrida  haqiqiy  oshiq  ruhan  toblanib,  ma`naviy 

etuklasha  boradi.  Oshiqlik  lirik  qahramonni  o‗ziga  xos  ruhiy  iztiroblar  girdobiga 

tashlaydi  va  bu  holat  natijasida  paydo  bo‗lgan  qiyinchiliklar  azobida  ma‘shuqa 

unga  faqat  salbiy  jihatlar  bilangina  namoyon  bo‗ladi.  Go‗yoki,  oshiqning 

tasavvuricha, ma‘shuqaning ishi faqat jabr ko‗rsatish va jafo qilishdan iborat. Bu 

xususiyatlar ―Tohir va Zuhro‖ dostoni tarkibidagi g‗azallarda ham uchraydi. Biroq 

dostonda voqealar rivojidan kelib chiqqan holda g‗azallardagi mavzu va tasvir ruhi 

ham  o‗zgara  boradi.  Har  bir  voqea  obrazlarga  qanday  ta`sir  ko‗rsatsa,  g‗azallar 

---

403 

 

ham  qahramonlarning  ruhiga  moslasha  boradi.  Shu  sababli  ham  ularqa 

qahramonlarning  ichki  dunyosi  bilan  bog‗liq  jarayonlarni  aks  ettirishda  yuzaga 

keladi.  Ruhiy  holat  tasvirini  to‗laqonli  ro‗yobga  chiqarish  g‗azallarning  asosiy 

vazifasi hisoblanadi. 

 

Doston  tarkibidagi  g‗azal  namunalarini  o‗rganish,  oshiqona  g‗azallarning 

yetakchiligini inkor etmagan holda, ular bilan bir qatorda boshqa mavzularda ham 

g‗azallar  keng  qo‗llanganligidan  dalolat  beradi.  Xususan,  pand-nasihat,  falakdan 

nolish  mavzularidagi  g‗azallarning  dostonda  ham  uchrashi  fikrimizni  tasdiqlaydi. 

Shuningdek, dostonda ijtimoiy yo‗nalishdagi maxsus g‗azallar uchramasa-da, biroq 

ijtimoiy  mazmundagi  misra  yoki  baytlarning  an`anaviy  g‗azallar  tarkibiga 

singdirib yuborilganligi kuzatiladi. 

 

G‗azaliyotda  dunyoviy  yo‗nalishning  yetakchiligi  ko‗rinib  tursa-da,  ayrim 

g‗azallarda tasavvuf ta`limotining ham kuchli ta`siri seziladi. Sayyodiyning ayrim 

g‗azallarida  majoziy  va  haqiqiy  ishqning  uyg‗unlashgan  ko‗rinishdagi  tasviri 

tasavvufning bu davr adabiyotidagi o‗ziga xos mavqei va taraqqiyotini belgilaydi. 

 

Sayyodiy g‗azallarining yaratilishi va rivojida xalq og‗zaki ijodi ham muhim 

manba sifatida xizmat qildi. Shoir og‗zaki adabiyotning ilg‗or va boy tajribasidan 

unumli foydalandi. Ayniqsa, til, sodda va ravon uslub, maqol va hikmatli so‗zlar, 

og‗zaki  ijodga  xos  syujet  va  obrazlarga  murojaat  qilishda  bu  xususiyat  yaqqol 

namoyon bo‗ladi.  

 

Xullas, yozma adabiyotga mansub dostonlar tarkibida qo‗llanilgan g‗azallar 

g‗azal  janri  taraqqiyotida  alohida  bir  bosqich  hisoblanadi.  Ular  obrazlar  bilan 

bog‗liq  holda  yuzaga  keladi  va  qahramonlarning  ruhiy  dunyosini,  ichki 

kechinmalarini  berishda  muhim  rol  o‗ynaydi.  Bu  jihati  bilan  ular  devonlar 

tarkibidagi g‗azallardan farq qiladi. 

 Foydalanilgan adabiyotlar:

 

1. Sayyodiy. Tohir va Zuhro (Nashrga tayyorlovchi – M.Mamatqulov).– T.: 

Mumtoz so‗z, 2019.  

2. Valixo‗jayev B. O‗zbek epik poeziyasi tarixidan. – T.: Fan, 1974.