Ўзбекистон республикаси олий ва ўрта таълим вазирлиги тошкент тиббиёт академияси

ДАСТУРНИНГ МАҚСАД ВА ВАЗИФАЛАРИ


Дастурнинг мақсади 5510100 – Даволаш иши,5510200 – Педиатирия иши бакалавриат таълим йўналиши негизидаги 5А510121– травматология - ортопедия мутахассислиги бўйича магистрлар магистратура таълим дастурларини ўзлаштириш натижасида касбий тайёргарликнинг асосий турлари, травматологик ва ортопедик беморларга тўғри ташхис қўя оладиган, хирургик даволай оладиган, унинг асоратларини даволай оладиган ва замонавий асбоб-ускуналари билан ишлай оладиган юқори малакали мутахассислар тайёрлаш.


Травматология-ортопедия магистратурасида ўқитишнинг асосий мақсади замонавий травматология-ортопедия амалиётида сертификация ва лицензиялаш талабларига жавоб берувчи ҳамда етарли даражада билим, амалий кўникмаларга эга бўлган юқори малакали мутахассис - травматолог- ортопедларни тайёрлашдир.


Вазифалар:
Таянч-харакат тизимининг шикастланишлари эпидемиологияси, этиологияси, патогенези ва шикастланиш асоратлари ҳақидаги билимларни замонавий даражага кўтариш;

• 
  таянч-ҳаракат тизимининг шикастланишлари ва касалликларида, ҳамда туғма ва орттирилган деформацияларида замонавий ташхислаш усулларини қўллаш бўйича билимларни шакллантириш;
  
• 
  Травматология-ортопедия амалиётида ишлатилувчи даволаш диагностика тадбирларини етарли хажмини мустақил аниқлаш бўйича амалий кўникмаларни шакллантириш;
  
• 
  Амбулатор ва стационар шароитларда травматологик ва ортопедик беморларга керакли ҳамда адекват даволош диагностик муолажаларни бажаришни ўргатиш;
  
• 
  Травматология-ортопедия кундалик амалиётида ишлатилувчи замонавий лаборатор ва инструментал текшириш натижаларини тахлил килишни шакллантириш
  
• 
  Шикастланиш ва ортопедик касалликлар билан боғлик бўлган шошилинч холатларда замонавий даражада юқори малакали ёрдам кўрсатишни шаклантириш;
  
• 
  Оғир политравма, травматик шок ва травма асоратларида интенсив терапия ўтказиш амалий кўникмаларини ривожлантириш;
  
• 
  Травматик ва ортопедик беморларда ижтимоий ҳамда мехнат реабилитация тадбирларини ўтказиш бўйича билимларни ривожлантириш;
  

-Травматизм ва кўп учрайдиган жарохат асоратларини камайтириш, хамда ортопедик касалликларини олдини олиш бўйича чора тадбирларни амалга ошириш билимларини шакллантириш;