Ўзбекистон республикаси олий ва ўрта махсустаълим вазирлиги тошкент тўҚимачилик ва

Бюджет тақчиллиги – Молиявий йил натижаларига кўра давлат бюджетида харажатларнинг даромадлардан устун бўлиши.
Валюта курси – мамлакат пул бирлигининг бошқа мамлакат пул бирлигида ифодаланган баҳоси.
Гиперинфляция– ҳаддан ташқари инфляция, нархнинг шиддат билан ўсиши, пул қадрининг ғоят тез пасайиши. Инфляциянинг ойлик даражаси 50 % дан ортиши ва бу ҳолат 6 ойдан ортиқ давом этиши унинг гиперинфляция даражасига ўтганлигини англатади.
Давлат қарзи – давлатнинг ўз фуқаролари, банклар, корхона ва ташкилотлар, шунингдек хориж мамлакатларидан қарзи.
Даромад (income) – ишлаб чиқариш натижасида тушган пул (фойда).
Дебитор – корхона, ташкилот ёки муассасадан қарзи бўлган юридик ёки жисмоний шахс.
Дебиторлик қарзи – ўзаро хўжалик алоқаларини олиб борувчи корхона, ташкилотларнинг бир-биридан қарзи суммаси.
Девальвация – қайд қилинган валют курси тизими амал қилаётган шароитда ҳукумат томонидан миллий валютанинг бошқа валюталарга нисбатан курсини туширишга қаратилган тадбири. Девальвация тўлов баланси тақчиллигини бартараф қилиш, экспортни арзонлаштириш, импортни қимматлаштириш имконини беради.
Демпинг- товарларни таннархига қараганда ёки ички бозордагига қараганда паст баҳода экспорт қилиш.
Дефляция– иқтисодиётда баҳолар умумий даражасининг пасайиши.
Депозитлар – 1) молия-кредит муассасаларига қўйилган омонатлар: 2) банк дафтаридаги ёзувлар: 3) кредит муассасаларига сақлаш учун топширилган қимматли қоғозлар.
Диверсификация – корхонанинг фаолият сохалари ва ишлаб чиқарадиган махсулот турларининг кенгайиши.
Дискриминация баҳолари –маъқул келмаган харидорлар учун, айниқса давлатлар орасидаги муносабатлар, хақиқий сиёсий муҳит бузилган даврда ўрнатилади.Бу нархлар ўта юқори, товарни сотиб олувчига бир неча маротаба қиммат қилиб белгиланади.