Ўзбекистон республикаси олий ва ўрта махсустаълим вазирлиги тошкент тўҚимачилик ва

Ишсизликнинг даражаси (unemloyment rate) – ишсизлар умумий сонининг ишчи кучига бўлган нисбати.
Ишсизликнинг табиий даражаси (natural rate of unemloyment) – реал ва потенциал ялпи ички маҳсулотнинг ўсиши бир-бирига мос келадиган иқтисодий ривожланиш даври оралиқларига хос бўлган ишсизлик даражаси. У шунингдек, иқтисодий ривожланишнинг ҳақиқий ва таркибий ишсизлик кўрсаткичлари йиғиндиси сифатида ҳисобланиши мумкин.
Ишчи кучи– ишга лаёқатли, ишлаётган ва фаол иш излаётган аҳоли.
Иқтисодий конъюнктура – иқтисодий ўсиш, тузилмавий силжишлар, молиявий аҳвол, экспорт имкониятлари кабиларни характерлаб берувчи иқтисодий ҳолат.
Иқтисодий ўсиш – реал ялпи ички маҳсулотнинг умумий ҳажмининг ёки аҳоли жон бошига тўғри келадиган реал ялпи ички маҳсулотнинг ўсиши.
Иқтисодий ўсиш сифати – иқтисодий ўсишнинг умумлашган сифат характеристикаси бўлиб, унинг қандай сарфлар билан таъминлангани ва қандай ижтимоий-иқтисодий натижа берганлигини ифодалайди.
Квота – давлат ва халқаро ташкилотлар томонидан товарларни ишлаб чиқариш, уларни экспорт ва импорт қилиш юзасидан чеклашларнинг жорий этилиши, квота ўрнатиш халқаро битимларга биноан амалга оширилади.
Кечиктирилган талаб –бозордаги такчиллик туфайли керакли товар топилмасдан, қондирилиш муддати орқага сурилган талаб.
Конъюнктура – бозорнинг алохида сегментида талаб, таклиф, нарх ва рақобат холатини характерловчи омиллар тизими.
Кутилаётган инфляция даражаси– мавжуд ижтимоий - иқтисодий ахборотлар, маълумотлар асосида алоҳида шахс ва корхоналар томонидан кутиладиган бўлғуси даврдаги инфляция даражаси.
Ликвидлилик– а) турли фирмалар ва банкларнинг ўз қарзини тўлай олиш ёки бошқа мажбуриятларини бажара олиш имконияти; б) бир активнинг иккинчисига қанчалик тез алмашина олиниши ўлчови. Нақд пул энг юқориғ100% ликвидлиликка эга.