Ўзбекистон республикаси олий ва ўрта махсустаълим вазирлиги тошкент тўҚимачилик ва

ГЛОССАРИЙ

Автоном истеъмол – шахсий истеъмол харажатларининг ялпи миллий даромад (шахсий тасарруфдаги даромад -ШТД) ўзгаришига боғлиқ бўлмаган қисми. ШТД нолга тенг бўлганда ҳам автоном истъмол тўпланган мулк ва жамғармаларнинг камайиши, ёки қарз ҳисобига амалга оширилаверади.
Автоном инвестициялар – асосий капиталга қилинган инвестицияларнинг ялпи ички маҳсулот ҳажми ўзгаришига боғлиқ бўлмаган қисми.
Автоматик ( ўрнатилган) барқарорлаштиргичлар – бюджет- солиқ сиёсатининг иқтисодий тебранишларнинг таъсирини автоматик заифлаштирувчи элементлари.
Акселератор) –соф инвестициялар даражаси билан ялпи ички маҳсулот (миллий даромад)нинг ўсиш суръатлари ўртасидаги боғлиқликни ифодаловчи иқтисодимй кўрсаткич.
Активлар– иқтисодий фаолият субъектларининг пул ва молиявий маблағлари, асосий ва айланма фондларининг қиймати.
Амортизация – фойдаланиш жараёнида асосий капитал қийматининг камайиши..
Банкнота- Мамлакат Марказий банки томонидан чиқариладиган нақд қоғоз пуллар бўлиб, иқтисодиётдаги пул таклифининг бир қисмини ташкил этади.
Банк заҳиралари – банкда сақланаётган нақд пуллар, Марказий банкда тижорат банклари томонидан сақланаётган фоизсиз депозитлар.
Банк тизими- тижорат банклари мажмуи. Банк тизими жисмоний ва юридик шахсларининг омонатларини (депозитларини) қабул қилади, пул ўтказмаларини амалга оширади, қарз ва кредитлар беради, давлат ва акциядорлик жамиятларининг қимматли қоғозларига инвестиция қилади.
Баҳолар индекси- товарлар ва хизматлар, ёки активлар ўртача баҳосининг ўзгариши кўрсаткичи. Баҳолар индекси бозор савати деб юритиладиган маълум тўпламдаги товарлар ва хизматларнинг жорий йилдаги баҳолари йиғиндисини базис йилдаги баҳолари йиғиндисига бўлиб топилади.
Бойлик – бозор қийматига эга ва пулга ёки бошқа неъматларга алмашиниши мумкин бўлган барча нарса. Физик активлар, молиявий активлар, кўникмалар, тадбиркорлик малакаси, савдо маркалари хуллас даромад келтирадиган барча нарсалар.