Ўзбекистон республикаси олий ва ўрта махсустаълим вазирлиги тошкент тўҚимачилик ва

Рақобат устунлиги – капитал ва активлар мукамал тузилиши, муамала харажатларининг паст даражаси, бошқаришни яхши ташкил этиш хисобига бозорнинг бошқа иштирокчиларидан устунлик.
Реал алмашинув курси – иккала мамлакатдаги баҳолар даражасининг ўзаро нисбатини ҳисобга олувчи алмашинув курси. Солиштиралаётган мамлакатлардаги номинал алмашинув курсини баҳолар индексларининг ўзаро нисбатига кўпайтириш йўли билан топилади..
Реал ЯИМ – қиёсийбаҳоларда акс эттирилган ЯИМ. У жорий баҳоларда ҳисобланган номинал ЯИМни дефляторга бўлиб топилади..
Реал фоиз ставкаси– инфляция суръати ҳисобга олиниб тузатилган номинал фоиз ставкаси.
Ревальвация– қайд қилинган валют курси тизими амал қилаётган шароитда ҳукумат томонидан миллий валютанинг бошқа валюталарга нисбатан курсини оширишга қаратилган тадбири. Импортни арзонлаштиради ва экспортни қимматлаштиради.
Резидент –хўжалик фаолиятида миллий қонунчиликка тўлиқ амал қиладиган, мазкур мамлакатда рўйхатга олинган ёки доимий яшайдиган юридик ёки жисмоний шасх.
Резерв валюта – халқаро ҳисоб-китоб ишларида, жумладан савдо-сотиқ, кредит ва инвестиция ишларида, шунингдек хорижий валюта резервларини жамлашда қўлланадиган, жахон бозорида тан олинган, лекин келиб чиқиши миллий бўлган валюта.
Реэкспорт –мамлакатга олдин импорт қилинган товарларни ҳеч қандай савдо-технологик ишлов бермасдан экспорт қилиш.
Cоф ички маҳсулот (соф миллий даромад)– макроиқтисодий кўрсаткич бўлиб, ЯИМ (ЯМД) дан амортизация ажратмалари миқдорини айириб ташлаш йўли билан топилади.
Солиқ_ислоҳоти'>Солиқ ислоҳоти- солиқ тизимини қайта кўриш ва уни янгилаш, молиявий муносабатларнинг ўзгариши туфайли юзага келади.
Солиқ объекти- солиқ солинадиган даромад ёки мол-мулк.
Солиқ тизими- давлат фойдасига ундириладиган солиқлар тури мужмуи.
Солиқ юки - миллий иқтисодиёт даражасида давлат бюджетига солиқ тушумларининг (ЯИМнинг давлат бюджети орқали қайта тақсимланадиган қисмининг) ЯИМ даги улуши. Корхона даражасида корхона йил давомида тўлаган жами солиқлар ҳажмининг шу даврда олинган даромадларидаги улуши.