Ўзбекистон республикаси олий ва ўрта махсустаълим вазирлиги тошкент тўҚимачилик ва

Ликвидлилик тузоғи – фоиз ставкаси жуда паст бўлган шундай вазиятки, одамлар пулни нақд кўринишда сақлаб туришни афзал кўрадилар. Тадбиркорлар эса фоиз ставкаси бундан кўра пасайиши мумкин эмаслиги сабабли инвестицияларни кўпайтирмайдилар. Минимал фоиз ставкаси шароитида пулга талаб эгрир чизиғи чексиз эластик бўлиб қолади.
Марказий банк– Мамлакатнинг бош банки. Асосий функцияси мамлакат иқтисодиётидаги пул массасини назорат қилишдан иборат. Марказий банк мамлакатларнинг жами кредит тизимига раҳбарлик қилади, давлат пул-кредит сиёсатини амалга оширади, пул ва қимматли қоғозлар эмиссиясини манопол ҳуқуқида амалга оширади.
Миллий валюта – муайян мамлакатнинг пул бирлиги.
Миллий валютанинг қадирсизланиш – қайд қилинмаган валюта курси тизими амал қилаётган шароитда чет эл валюталарига нисбатан миллий валютанинг курсининг камайиши.
Миллий валютанинг қимматлашиши – қайд қилинмаган валюта курси тизими амал қилаётган шароитда чет эл валюталарига нисбатан миллий валютанинг курсининг кўтарилиши.
Молия бозори -мамлакатдаги молия хизматлари бозори: молия маблағлариини вақтинча хақ тўлаб ишлатиш ёки уларни сотиб олиш юзасидан бўлган муносабатлар.
Нархлар индекси (price index) – ҳар хил вақт оралиғида товар ва хизматларга нархнинг мувозанати ўзгаришини акс эттирувчи кўрсаткич.
Нархлар корректировкаси (price adjustment) – бозор вазияти ўзгаришига нархларнинг мослашув жараёни.
Нисбий афзаллик (comparative advantages) – айрим иқтисодий агентларнинг товар ва хизматларни камроқ харажатлар эвазига ишлаб чиқариш хусусияти. Макродаражада нисбий афзаллик принципи ишлаб чиқариш ва экспортнинг самарали структурасини шакллантириш учун қўлланилади.
Номинал ЯИМ– жорий нархларда акс эттирилган ялпи ички маҳсулот.
Оралиқ истеъмол (intermediate consumption) – ишлаб чиқаришнинг бир босқичида ишлаб чиқарилган маҳсулотларнинг бошқа босқичида меҳнат предметлари сифатида ишлатилиши.