Ўзбекистон республикаси олий ва ўрта махсус таълими вазирлиги

Фан бўйича талабаларнинг билимига, малака ва кўникмасига
қўйиладиган талаблар

“Тил тарихи” фанини ўзлаштириш жараёнида амалга ошириладиган масалалар доирасида бакалавр:

“Тил тарихи” фанининг предмети, объекти, мақсади, “Тил тарихи”нинг тарихий тилшуносликка оид назарий ва амалий масалаларни ҳал қилишдаги асосий фан сифатидаги аҳамияти, ўзбек тили тарихини даврлаштириш масаласи ҳақидаги маълумотларни билиши керак;
-ўзбек тилининг тараққиёт босқичлари, қадимги туркий тил, эски туркий тил ва эски ўзбек тили даврига хос хусусиятлар, эски ўзбек ёзуви, фонетик, лексик, грамматик сатҳлардаги ўзгаришлар, тилнинг луғат бойлиги, ўз қатлам ва ўзлашган қатлам муносабати, мустақил ва ёрдамчи сўз туркумлари борасида билим кўникмаларига эга бўлиши керак;
- ёзув турлари ва ёзув тарихи каби масалаларни таҳлил қилиш, араб ёзуви тарихи ва унинг Ўрта Осиёда жорий қилиниши, араб-форс ёзуви алифбоси, эски ўзбек ёзуви алифбосини ҳосил қилувчи асосий шакллар, сатр чизиғи усти ва ости ҳарфлари, абжад ҳисоби, таърих санъати малакаларига эга бўлиши керак

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвий кетма-кетлиги

«Тил тарихи» асосий ихтисослик фани ҳисобланиб, учинчи, тўртинчи бешинчи ва олтинчи семестрларда ўқитилади. «Тил тарихи» дастурини амалга ошириш ўқув режасида келтирилган “Тилшунослик назарияси”, “Социолингвистика”, “Туркий тилларнинг қиёсий-тарихий грамматикаси”, “Фалсафа” фанларида ўрганиладиган муаммолар борасида етарли билим ва кўникмаларга эга бўлишни талаб этади.

Фаннинг ишлаб чиқаришдаги ўрни

Талабаларнинг тил тарихи, хусусан, ўзбек тили тарихи бўйича билимларни шакллантириш, тилшунослик фанининг шаклланиш босқичлари, жумладан, қадимги туркий тил, эски туркий тил ва эски ўзбек адабий тили товуш тизими, лексик-семантик сатҳи, морфологик таркиби ҳамда синтактик структураси хусусида, оромий, хоразмий, сўғд, рун ва араб ёзуви ҳамда уларда мавжуд бўлган ҳарфлар борасида, ўзбек адабий тилининг шаклланиши ва ривожланишига муҳим улуш қўшган шоиру ёзувчилар асарларига хос лингвистик жиҳатлар тўғрисида муайян билимга эга бўлиши ва уларни амалиётда татбиқ этиши муҳим аҳамият касб этади.