Ўзбекистон республикаси олий ва ўрта махсус таълими вазирлиги

Ўзбек адабий тили тарихи
Тил тарихининг ижтимоий фанлар билан боғлиқлиги ва улар доирасида тутган ўрни. Адабий тил умумхалқ тилининг олий формаси эканлиги. Адабий тилнинг ёзма ва оғзаки шакллари. Адабий тил услублари.
Ўзбек адабий тили тарихининг назарий асослари. Ўзбек адабий тили тарихини даврлаштириш. Ўзбек халқи ва тилиниг қардош туркий халқлар ва тиллар орасида тутган ўрни. Ўзбек адабий тилининг шаклланишида бошқа оилаларга мансуб тилларнинг иштироки.
Қадимги туркий тил, унинг руник ва уйғур ёзувлари. Бу ёзувдаги битиктошлар, қадимги туркий тилнинг ўзбек адабий тили шакилланишидаги роли.
Ўзбек халқ тили тараққиётининг илк даври. Бу давр адабий тилининг хусусиятлари. “Девону луғотит турк” асарининг тарихий ва илмий аҳамияти. “Қутадғу билиг”, “Ҳибатул-ҳақойиқ” асарларининг тили ва услуби. XI аср адабий тилининг негиз диалекти муаммоси.
Ўзбек тилининг XII асрдан кейинги тараққиёти. қарлуқ-хоразм адабий тили, унинг ёзма ёдгорликлари. Олтин Ўрда адабий муҳити ва унинг обидалари. Чиғатой улуси адабий тили манбалари ва уларнинг тил хусусиятлари.
Ўзбек тилининг XIV аср охири – XVII асргача бўлган тараққиёти. Эски ўзбек адабий тилининг шакилланиши ва қарор топишида Навоийгача ижод қилган туркийгўй шоирлар асарларининг тил хусусиятлари.
Алишер Навоий ўзбек адабий тилиниг асосчиси. Алишер Навоийнинг она тили ривожига қўшган буюк хизматлари. Шоир асарлари тилида лексик ва грамматик меъёрларнинг белгиланиши. Навоий асарларида туркий тил ва бошқа тиллар бойлигидан фойдаланишнинг услубий хусусиятлари. Навоий назмий, насрий ва мактуботларининг тили ва услуби. “Муҳокаматул-луғатайн” ва унинг ўзбек тили тараққиётида тутган ўрни. Ўзбек адабий тили тараққиётини ўрганишда Бобур асарларининг аҳамияти. Тарихий достончиликда тил ва услуб масаласи.
XVII-XIX асрлар ва XX аср бошларида ўзбек адабий тили. Бу даврлар адабий тилининг ўзига хос хусусиятлари. Тил ва услуб масаласи. Тарихий, илмий асарларнинг яратилиши, луғатчиликнинг илмий терминшунослик тараққиётидаги роли. Газета-публицистика услуби, унинг пайдо бўлиши. Ўзбек тили лексикаси, грамматикаси ва функционал услубларида бўлган ўзгаришлар, янгиликлар.