Ўзбекистон Республикаси Олий ва ўрта махсус таълим вазирлигининг 201 йил " " даги сонли буйруғининг иловаси билан фан дастури рўйхати тасдиқланган

I. Ўқув фанининг долзарблиги ва олий касбий таълимдаги ўрни

«Кон геофизикаси» фани қамраб олган методлар асосида узвий равишда янги нефть ва газ конлари ва уюмлари, ишлатилаётган конларнинг геологик хусусиятлари ва уларнинг маҳсулдорлиги прогноз қилинади ва чуқур бурғи қудуқларини перфорация қилиш интерваллари белгиланади, нефть ва газ захираларини ҳисоблаш учун зарур бўлган параметрлар олинади.

Талабаларнинг «Кон геофизикаси» фанини ўзлаштиришлари учун ўқитишнинг илғор ва замонавий усулларидан фойдаланилади, янги информацион-педагогик технологиялар тадбиқ қилинади. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, электрон материаллардан фойдаланилади.
Маъруза ва лаборатория машғулот дарсларида мос илғор педагогик технологиялардан фойдаланилади.


II. Ўқув фанининг мақсад вазифалари

Фанни ўрганишдан мақсад – Нефть ва газ йўналиши профилига мос таълим стандартида талаб қилинган билимлар, кўникмалар ва тажрибалар даражасини таъминлашдан иборат.

Ўқув фанини ўрганишнинг асосий вазифалари :
- геофизик методлар ёрдамида қудуқ кесимларининг геологик тузилишини ўрганиш;
- нефть ва газ коллекторларини ажратишни излаштириш; - қудуқларни техник ҳолатини ўрганиш ишлари билан танишиш.
Қўйилган вазифаларни талабалар ўқиш жараёнида маърузаларни тинглаши, лаборатория ва амалий машғулотларда фаол иштирок этиши, адабиётлар билан танишиши орқали амалга оширади.
Мустақил тайёргарлик жараёнида талаба техникавий адабиётлар, интернет маълумотлари ва меъёрий хужжатлар билан ишлашни, аудитория машғулотлари вақтида қабул қилинган информацияни тўғри мушоҳада қилишни ўзлаштиради.
- Нефть ва газ қудуқларини турлари ҳақидаги тушунчаларга эга бўлиши;
- геофизик методлар ёрдамида қудуқларда ечилиши керак бўлган вазифаларни;
- тоғ жинсларининг петрофизик хусусиятларини;
- геофизик усуллар ёрдамида геологик вазифаларни ечишни;
- қудуқларни техник ҳолатини ўрганишни;
- қудуқларда отиш ва портлаш ишларини олиб боришни;
- нефть-газ қудуқларини ишлатишни геофизик усуллари ёрдамида назорат қилишни;
- қудуқларда олинган геофизик маълумотларни юқорига узатиш ва уни қайта ишланилишини;
- геофизик ишларни ўтказишда қўлланиладиган асбоб-ускуналарни билиши ва улардан фойдалана олиши;
- геофизик маълумотларни тахлил этиш кўникмасига эга бўлиши лозим.